دوائي الضرير

معاك ليه
عاصم ما قولتلك يابني تعبانة شوية.. إيه مش مصدقني
آسر بصراحة بقى.. لا مش مصدقك.
هدى و بصراحة ولا انا كمان.
عاصم يا سلام.. ليه بقى إن شاء الله.
آسر عشان لو سارة تعبانة بجد انت عمرك ما كنت هاتسيبها لوحدها لأي سبب.. حتى لو عشان اختك بتولد.
هنية واه.. ليه يعني.. مش اخته اياك يسيبها كيف يعني في يوم زي ده.
آسر بس اخته معاها جوزها و امها و حماها و حماتها.. لكن سارة لوحدها.. فهي لو كانت تعبانة بجد عمر عاصم ما كان هايسيبها لوحدها و يجي ابدا.. صح يا عاصم
نظر لهم عاصم بحيرة... فهو كان ينوي ان يتحدث مع والدته و شقيقته فيما سمعته سارة منها و لكنه لم يريد ان يكون ذلك أمام آسر حتى لا يغضب منهما و لكنه لم يدع له مجال للإنكار أو لإخفاء الحقيقة..
فتنهد بتعب و قال أخيرا...
عاصم بصراحة هي زعلانة منكم.
آسر زعلانة مننا ليه إيه اللي حصل.
عاصم لا مش زعلانة منك أنت.. 
هدى اومال زعلانة من مين.. مني انا ولا ايه
عاصم انتي و ماما.
هنيةضړبت على و اني كمان ليه يا ولدي.. حصل إيه يعني
عاصم يعني مانتوش عارفين حصل إيه.
هدى و هنية لا.
عاصم أصلها سمعتكم لما كنتو بتتكلمو عليها اخر مرة كانت عندك يا هدى.
هدىبتعجب اخر مرة!! و هو أحنا قولنا إيه يزعل اخر مرة.. 
هنية أحنا ماجولناش غير كل خير يا عاصم و ربنا شاهد.
هدى تكونش زعلت لما سمعتك يا ماما بتقولي انها صعبانة عليكي.. اصلها مابتحبش تصعب على حد.
آسر فعلا.. سارة مابتحبش حد يبقى مشقق عليها او حتى تحس دة من حد.
عاصم يعني انتو قولتو كدة بس.. ماقولتيش حاجة تانية يا
ام عاصم.

هنية لا و الله يا ولدي ماحصل.. 
عاصم يعني ماقولتيش لهدى ماتقولهاش على معاد الولادة عشان ماتحسدهاش هي و ابنها.
آسرپغضب نعم!! دة اللي هو ازاي يعني دة بقى انتي يا طنط خاېفة من سارة.. سارة النسمة الرقيقة دي تخافي منها على مين أصلا.. على ابني ابن اخوها
هنية والله يا ولدي ماحصل.. اني هاخاف من سارة على واد اخوها كيف ما بتجول ده ازاي ده بس
آسر اومال إيه يعني.. هاتألف هي.
عاصم يعني ما فيش واحدة فيكو قالت بلا سوسو بلا بتاع.

هدى استنو استنو.. انا افتكرت.
آسر نستنى إيه بقى.. ما طبعا هاتدوري على حجة عشان تدافعي عن مامتك.
هدى اهدى شوية يا عم البوتجاز.. اهدى هاتسرع الواد..ثم نظرت لوالدتها ماما انتي مش فاكرة كنا بنقول الكلام دة على مين ساعتها.
هنية يا بتي مانيش فاكرة.
هدى لا افتكري كدة كنتي بتقوليلي على مين اني ماقولهاش على معاد الولادة عشان ماتحسدش البيبي زي ما عملت معاكي زمان لما شافتك.
هنيةبتذكر ايوة ايوة.. البت سهام صاحبتك.
عاصم سهام مين.. سهام ام عيون زي السهام
هدى ايوة يا سيدي هي.
آسر سهام مين و إيه علاقته بالموضوع دة أصلا.. انا مش فاهم حاجة.
هدى لما سيادتك خطفت مني طبق الفاكهة و جريت سارة قامت تعمل لنا طبق تاني.. و سهام رنت عليا ساعتها ماما قالتلي كدة.. قولتلها مش ممكن سوسو تعمل كدة.. فقالتلي بلا سوسو بلا بتاع.
هنية لا... أني جولت بلا سوسو بلا حنتوسو.
عاصم يعني انتو كنتو بتتكلمو على البت سهام زميلتك في الجامعة.
هدى ايوة.. 
آسر مين دي يا هدى.. عمرك ما جيبتيلي سيرتها.
هدى دي واحدة كانت صاحبتي في الكلية بس بركاتها إيه بقى.. ماقولكش.. اهي مجرد ما اتكلمنا عليها عملت لنا مصېبة اهو.
عاصم بس سارة فهمت غلط خالص بقى على كدة.
آسر لا انا لازم اكلمها افهمها كل حاجة.
هدى لا ماتكلمهاش.. سيبهالي بقى و انا هاملص ودانها سارة بنت سعاد..
الفصل السادس و الأربعون...
عاد عاصم الى منزله و وجد سارة تنتظره على أحر من الجمر للإطمئنان على هدى و مولودها.. و ما أن رأته حتى ركضت نحوه في تلهف..
سارة عاصم.. اخيرا جيت.. طمني هدى عاملة ايه
عاصم و هو يجلس بتعب اديني فرصة بس اخد نفسي الأول.
سارة جلست بجواره بلهفة يا عاصم بطل رخامة بقى و قولي.. هدى عاملة ايه و النونو عامل ايه
عاصم نظر لها و ابتسم بحب هدى كويسة و النونو زي الفل.
سارة بجد طيب وريهوني بسرعة.. اوعي تكون ماصورتهوليش زي ما قولتلك هازعل منك بجد.
عاصم و هو يخرج هاتفه من جيب بنطاله لا يا ستي مانسيتش.. اتفضلي شوفي البيه.
أخذت منه الهاتف و إعتدلت و جلست بهدوء تتأمل ذلك الطفل الجميل و وجهه الهادئ البرئ.. لم تستطع كبح دموعها الفرحة الذي لاحظها عاصم فوضع ذراعه حول كتفيها و ربت على ساقها بالأخرى دون حديث..
سارة شكله حلو اوي يا عاصم.. جميل اوي.
لم يتحدث أيضا بل تركها تستمتع بصورة إبن شقيقها.. و لكنها باغتته بسؤالها...
سارة كان حلو كدة يا عاصم.. كان شبهه كدة
علم عاصم انها كانت تقصد إبنهما ياسين الذي لم تراه قط.. فأجابها بحب..
عاصم هز رأسه إيجابا بأسى ايوة يا قلبي.. كان حلو و جميل.
ثم إحتضنها و إستندت برأسها على كتفه و لم تترك الهاتف و لم تغير الصورة.. و ظلت تتأمله طويلا...
أما هدى...
فقد قضت ليلتها بالمشفى حسب أوامر الطبيب و قد تحدد موعد خروجها و كان بصحبتها زوجها و والدتها فقط.. و لم يصحبهما عاصم حسب طلب هدى..
خرجوا معا من المشفى و إنطلق آسر بسيارته حتى نطقت هدى قبل ان يبتعد كثيرا..
هدى آسر انت رايح فين
آسر على البيت يا قلبي.
هدى لا اطلع على الفيلا عند عاصم.
هنية ليه يا بتي و ده وجت زيارات ده.. دة انتي نفسة و محتاچة ترتاحي.
هدى و هاروح ارتاح عند اخويا يا ماما.. واحد يعني في بيتها.. ولا بيته مش هايساعني يعني...
آسر بلهجة صعيدية ركيكة ناوية على إيه يا بت المنياوية.
هدى هاشوف شغلي مع اختك اللي عاملالي فيها مقموصة دي.
آسر مقبلا يدها حبيب قلبي العسل دة يا ناس.
هدى قلبي انت... بس سوق بالراحة احسن انا تعبانة لسة.
آسر عيوني انا.
و بالفعل إنطلقوا معا نحو منزل عاصم حتى تزيل هدى سوء الفهم الذي حدث.
كانت سارة تتناول طعام الفطور بصحبة عاصم بالحديقة الخلفية..
عاصم ها يا قلبي تاخدي إيه.. دة البت فاطمة عاملالنا شوية فطار انما إيه قمر زي حبيبي انا..
سارة اي حاجة يا حبيبي.. ممكن جبنة.
عاصم و هو يضع لها قطع الجبن في طبقها احلى حتة جبنة لأحلى سارة في الدنيا.. و لانشون كمان.. و حتى اومليت و...
سارة مقاطعة إيه يا عاصم.. حيلك حيلك.. إيه يا حبيبي كل دة.. انا قولتلك حتة جبنة بس..
عاصم و من عندي لانشوناية و اومليتاية.. ياللا انشالله ماحد حوش.
سارة ضحكت بهدوء ربنا يخليك للغلابة.
عاصم بغرور مصطنع ميرسي ميرسي.. ياللا نفطر بقى عشان نلحق نروح نشوف الواد زياد حبيب خاله دة.
سارة بحرج عاصم.. هو.. هو انت متأكد ان وجودي هناك دلوقتي مش هايضايق حد
عاصم و هو يمضغ طعامه يضايق مين بس يا روح قلبي.. هايضايق اخوكي ولا باباكي و مامتك.. ولا هدى اللي انتي عارفة هي بتعتبرك اكتر من أختها لو كان عندها اخت.. ولا امي انا اللي انتي متأكدة هي بتحبك قد ايه
امسك يدها و قال بتأكيد و طمأنة..
عاصم سارة.. صدقيني يا حبيبتي.. زي ما انا قولتلك ان كل اللي سمعتيه دة كان مجرد سوء فهم مش اكتر.. كانو بيتكلمو على واحدة تانية بجد.. وحياتك عندي.
سارة ياريت يا عاصم بجد.
عاصم صدقيني يا سارة كلهم بيحبوكي و مش ممكن يفكرو فيكي كدة ابدا ابدا.. و بعدين ما انا قولتلك على اللي حصل.. مجرد سوء فهم..
و بعدين ما انتي معذورة برضه.. ما انتي ماتعرفيش سهام دي.. سهام دي انا كنت مسميها سهام ام عيون زي السهام.. لو رشقت في حاجة يبقى ياللا السلامة.
نظر لعينيها بحب و بعدين يعني بقى القمر دة يحسد.. بقى العيون العسلي اللي تجنن دي تحسد ابن اخوها برضه.
سارة بخجل مش هاتبطل تعاكسني كدة بقى.
عاصم عمري.. هافضل اعاكسك و احبك لأخر العمر.. لحد ما تبقي عجوزة كركوبة مكرمشة كمان.
سارة ربنا يخليك ليا يا عاصم.
عاصم و يخليكي لقلب عاصم.
و أثناء حديثهما سمعا ضوضاء كبيرة و علما مصدرها سريعا..
سارة إيه الدوشة دي.
عاصم دة صوت آسر.. دوشته دي انا عارفها كويس.
سارة لا مش معقول هو إيه اللي هايجيبه هنا دلوقتي
عاصم تعالي نشوف.
سارة تعالى.
أما بالخارج كان المنزل يعج بضوضاء آسر بالفعل.. فقد كان آسر يطرق باب المنزل بنغمة عالية و هو يحمل طفله و خلفه هدى تستند إلى ذراع والدتها ففتحت لهم فاطمة و انطلقت الزغاريد من فمها دون توقف...
فاطمة

سي آسر اتفضل.. اتفضلي يا ست هدى حمد الله على سلامتك.. 
هدى الله يسلمك يا فاطمة.
فاطمة كيفك يا ست هنية
هنية نحمد ربنا.. عاملة ايه يا بت يا فاطنة هنا في مصر.. ماعيزاش ترچعي معايا ولا ايه
فاطمة لا يا ست هنية لا.. اني مبسوطة هنا جوي جوي مع الست سارة و سي عاصم.
هنية شوف البت.. طيب لما نشوف... المهم... اومال فين سيدك عاصم يا بت و ستك سارة.
فاطمة بيفطرو برة في الچنينة.. حالا هاناديلهم..
و قبل ان تتحرك كانت سارة تدخل المنزل و خلفها عاصم للترحيب بالضيف الجديد اولا و قبل اي شخص...
سارة إيه دة.. دة انا ماصدقتش وداني لما سمعت صوت آسر و دوشته.. انتو بتعملو إيه هنا.
آسر كلك زوق والله.. نمشي يعني..
سارة أكيد دة مش قصدي.. انتو تنورو في اي وقت بس هدى لسة والدة و أكيد تعبانة.. انا قولت هاتروحوها ترتاح.
اسر ما هو الاستاذ دة زعل ان عمته مارضيتش تيجي تشوفوه فقال يروحلها هو بنفسه.
هدى و بعدين ما انا ممكن ارتاح هنا ولا ماينفعش
سارة بتلعثم آه طبعا اتفضلو.. و انتي يا هدى واقفة كدة ليه.. اقعدي ارتاحي يا حبيبتي..
هدى مش قاعدة.. انا مرتاحة كدة.
سارة لا فعلا.. واضح انك مرتاحة اوي.. ثم التفتت لهنية عاملة ايه يا ماما هنية.
هنية جلست و حولت نظرها عنها زينة يا مراة ابني.
اقتربت سارة منها بعد ان استشعرت ڠضبها و جلست بجوارها...
سارة ماما هنية.. انتي بتكلميني كدة ليه انتي زعلانة مني ولا ايه
هنية و هازعل ليه يعني.. دة انتي حيالله فكرتيني خاېفة لتحسدي واد هدى.. تحسدي واد اختك و اخوكي يا مخبلة انتي.
سارة معلش يا ماما.. حقك عليا.. انا فهمت غلط بس عاصم فهمني الحقيقة.. عديهالي بقى قلبك ابيض.
ابتسمت هنية و بحب..
هنية يا عبيطة انتي.. دة انتي معزتك من معزة هدى و يمكن اكتر كمان.
هدى و هي كانت فاكرة هدى أصلا..
سارة اقتربت منها و بحب و انا اقدر برضه انسى هدهود حبيبتي.. حمد الله