رواية جاسر
المحتويات
جاية تشوفك أنتي وجاسر..فيها إيه ميتفهمش!
وضعت روجيدا يدها على فاها وقالت طب هتيجي أمتى
أتاها صوت والدتها ركبت الطيارة من ساعتين و هتوصل على بالليل...
جلست ب صدمة على الأريكة وبقت مخفضة رأسها ثم تشدقت ب صوت خفيض
طيب يا ماما..مع السلامة
عاد صوت والدتها المحذر روجيدا!!..جدتك متعرفش إنكوا إطلقتوا..ولو عرفت هتقوم الدنيا وهيحصل مشاكل
أغلقت الهاتف ثم ألقته ب إهمال على الطاولة..وضعت يدها على رأسها وخللت أصابعها ب خصلاتها وقالت ب يأس
ليه كل حاجة جاية معايا عكس!...
جلس جاسر ب جانبها ثم تساءل
في إيه يا روجيدا!!
ردت عليه دون أن ترفع رأسها أنت السبب ف كل اللي بيحصلي...
وضع سبابته على صدره ثم
قال ب دهشة
أنا السبب!!..وأنا كنت عملتلك إيه!
زفر و وضع يده على ظهرها لتزيحها..ف زفر ب ضيق مرة أخرى وتساءل
طب فهميني في إيه!..يمكن نلاقي حل...
رفعت رأسها إليه ثم قالت ب هدوء
جدتي جاية مصر
طب وفيها إيه!
ردت عليه ب إنفعال فيها إنها لو عرفت..مش هتسبني دقيقة هنا وهتاخدني على أمريكا ومش هقدر أعترض..ثم إنها هتجوزني لحفيد صاحبتها...
قست عيناه وقد بدت على ملامحه الشړ ثم هتف ب صوت حاد ك نصل السيف
ضحكت ب سخرية وقالت وأنت ف إيدك إيه تعمله!..صدقني محدش هيقدر يمنع جدتي من حاجة
محدش هيقدر ياخدك مني...
نظرت إلى عيناه مطولا وهى ترى نظرات الإجرام والشړ تملأها..بجانب العزيمة التي يتضح منها عدم تخليه عنها..لتنزل عيناها عنه وأدارت وجهها إلى الجهة الأخرى
أتاها صوت جاسر الماكر
طب إيه رأيك..نخبي على جدتك وكأننا لسه متجوزين وتقضي الوقت معايا لحد أما تمشي...
أنت أكيد إتجننت..فكرك مش هتعرف!...
نهض و وضع يديه ف جيبي بنطاله ليميل إلى مستواها ثم هتف ب ثقة وهو ينظر إلى عيناها ب قوة
طول ما إحنا مبنتصنعش..مش هتعرف
تشدقت ب عدم فهم مش فاهمة...
إقترب خطوتين منها ليميل إليها أكثر ثم همس وهو يمسك يدها التي ب جانبها
ضيقت عيناها وقالت وأنت لسه متخيل إني بحبك!
إبتسم من زاوية فمه وقال ب مكر لو مكنتيش بتحبيني مكنتيش حاولتي تخليني أغير عشان تشوفي ردة فعلي...
توترت ب البداية ونظراته العميقة تخترق روحها وقلبها لتبقى عاړية من جميع الأكاذيب أمامه..ف لم تجد بدا من إخفاض رأسها دليل على صواب حديثه..ف إبتسم هو ب إتساع ليقول ب نفس مكر الصياد
ثم همس وهو يتعمق النظر إليها
زي ما أنا بكون فاشل ب الكذب قدام عنيكي..ببقى اضعف واحد ف الكون قدامك..إحنا زي القلب والشريان بيكملو بعض...
تعالت نبضات قلبها ولا تزال عيناه تأسر خاصتها..وبدا الصمت هو الأمثل ب الوقت الحالي..قبل أن تقطع هذه النظرات ب قولها اليائس
ثم إنه مينفعش نكون مع بعض..غلط وحرام..أنا مجوزلكش دلوقتي
إبتسم وقال عارف..متخافيس هحاول أمسك نفسي
ردت عليه ب سخرية ما هو واضح يا سي جاسر
ضړب كتفها ب كتفه وقال يا بت ثقي فيا...
ضيقت عيناه وهى تنظر إليه ب حنق ف ضحك لتقول هى ب حدة
دا أنا أثق ف تعبان ولا أثق ف ابن الصياد...
قهقه جاسر ب صوت عال ثم قال وهو يقبض على وجنتها ب لطف
تعلمي تثقي فيا عشان نقدر نعيش مع بعض الكام يوم
يا جاسر صدقني مش هينفع
رد عليها ب إصرار لأ هينفع..مفيش حل غير كدا..يا أحافظ عليكي يا تضيعي مني..وأنا بصراحة مش مرحب ب الحل التاني..لأني مش هسمح أصلا...
جذبت يدها من ثم جلست ب يأس على الأريكة واضعة وجهها أسفل يدها لتسمع صوته وهو يقول
ألحق أجهز بقى عشان أستقبل الحاجة أم جين...
عادت فاطمة بعدما أنهت حديثها مع جاسر ثم جلست ليتساءل سامح
خير يا أمي!
وضعت الهاتف وقالت خيريا حبيبي..مفيش حاجة...
إرتشف من كأس العصير خاصته ثم تساءل مرة أخرى وهو ينظر إلى والدته
أومال جاسر عاوز إيه!
بيقولي نوضب جناح الضيوف عشان في مين!
رفعت منكبيها وقالت مقالش...
اومأ سامح ب رأسه لتلتف فاطمة و تنادي ب صوت عالي نسبيا
كريمة!!...
أتت
المدعوة كريمة سريعا لتخفض رأسها وتقول ب إحترام
أيوة يا ست فاطمة
حضري أوضة الضيوف دلوقتي
حاضر يا ست فاطمة...
ثم رحلت لتنفذ ما قالت..تساءلت فاطمة ب حنو
فين مراتك يا سامح
نايمة يا أمي..بترتاح
ربتت على يده وقالت سيبها يا حبيبي..أنت عارف الحمل متعب...
رفع سامح يد والدته وقال ب إبتسامة
عارف يا أمي..عشان كدا هطلب منك تاخدي بالك منها ونص ساعة كدا صحيها عشان لازم تفطر وتاخد دواها
عاتبته والدته ب لطف إخص عليك يا
عارف والله..بس تعملي إيه القلب وأحكامه
ربنا يخليكوا لبعض ويرزقكوا بالذرية الصالحة
اللهم أمين..يلا أنا رايح الشغل
طريق السلامة يا حبيبي...
ثم رحل وقبل أن يفتح الباب ويغادر وجد من يطرقه..فتحه ليجد عمته و زوجها أمجد..ليقول سامح ب سعادة
عمتي وأستاذ أمجد!..ياااه وحشتونا والله...
إحتضنه أمجد ب قوة ثم إتجه إلى عمته وقبل رأسها لترد عليه ب إبتسامة
إزيك يا بن خوي
قال سامح ب مرح أنتي ظبطي الراديو ع اللهجة الصعيدي..ما خلاص بقى يا عمتي كله ظهر...
كت رايح ف مكان!
أها أنا رايح الشغل
ليقول أمجد ب إستحسان كويس أنا كمان نازل القاهرة عشان شغلي..بس قولت أوصل عنيات الأول
خير ما عملت...
نادى سامح على أحد الخدم ليقوموا ب حمل الحقائب إلى الداخل ثم ذهب هو وأمجد إلى الخارج وذهبا إلى خارج القرية
كان على أعتاب باب القرية ليوقفه حارسين قويين البنية ليسألاه ب تفحص
مين حضرتك!...
أخرج شريف إليه بطاقة هويته..ليعتدل الحارسين ب وقفتهم ثم قالا
أهلا يا باشا بس خير!
رد عليهم شريف ب نفاذ صبر عندي شغل يا بني وسع
تنحنح أحدهم وقال بس لازمن يعرف البيه
نطق ب حدة عبد الرحيم بيه...
تأفف شريف ب ضيق ولكنه أشار إليه ب يده كي يقوم بما يريد..بقت أصابعه تطرق على المقود ب لحن رتيب حتى جاء أحد الحرس وقال ب إحترام
البيه مستنيك ب البيت...
أومأ ب رأسه ولم يرد..ف أفسح له الحرس المجال ليدلف..هو يعلم الطريق جيدا فقد جاء إلى هنا سابقا
بعد مدة قصيرة من القيادة وصل شريف إلى ذلك المنزل الذي يقف أمامه شخص يرتدي جلباب من اللون الرمادي ويضع على منكبه شال من الحرير الخالص وينتظره ب إبتسامة
ترجل من سيارته و وضع نظارته الشمسية على وجهه ليقابله عبد الرحيم ب إبتسامة وقال ب ترحيب مفرط به
يا ألف أهلا وسهلا..خطوة عزيزة يا باشا
صافحه ب برود قائلا متشكر
ربت على منكبه وقال إتفضل يا باشا..لازمن نضيفك...
حاول شريف الإعتراض ولكن عبد الرحيم إعترض قائلا ب إصرار
أنت ف قرية الهواري..يعني أصل الكرم..ميصوحش تمشي من غير أما نعمل واچب
تسلم يا حج عبد الرحيم...
دلف شريف إلى الداخل ب صحبة عبد الرحيم الذي نادى على خادماته لكي يقوموا ب تحضير طعام الإفطار..وتحت إصرار الأخير لم يجد الأول بدا من الإعتراض
بعدما تناولا الطعام إتجها إلى الشرفة وتبادلا أطراف الحديث عن القرية وما يحدث ب الجوار حتى تساءل شريف
بس إيه سبب العداوة بينكم وبين عيلة الصياد...
وضع عبد الرحيم كوب الشاي خاصته ثم قال بعد تنهيدة عميقة
ياااااه..الحديت ده هياخد وجت كتير
ليرد عليه شريف وأنا مواريش حاجة
ربت على منكبه صدجني بلاش تعرف..فيه حاچات لازمن ينجفل عليها بالضبة والمفتاح ومنچبش سيرتها واصل
بس أنا عاوز أعرف...
نظر عبد الرحيم إلى حديقة منزله عدة ثوان ثم عاد ينظر إلى شريف وهتف
يبجى لازمن تعرفها وحدك
صدقني هعرفها..مش أنت وجاسر أعداء!
رفع حاجبيه ب دهشة وقال ومين جال كدة!..أني وچاسر من بعد ما خيتي فاتت
على السچن وإحنا لا بنعرف بعض ولا بنكلم بعض..التار خلص لحد إهنه
ومش عاوز ټنتقم لأختك اللي ماټت ب السچن دي!...
نظر عبد الرحيم إلى عيني شريف ثم قال ب هدوء
فكرت كتير يا باشا..لكن صدجني..مش سهل إنك تلاعب ولد
الصياد..لو فكرت تضربه ب طلجة بيردها عشرة...
صمت قليلا ثم عاد يهتف وهو يضع يده على ساق شريف
يوم لما سناء حاولت تجتل ولد الصياد اللي كان ب بطن أمه..حرج الجصر..وشتت العيلة..وفاتني هنا لوحدي..حتى إني أنا اللي دخلت خيتي السچن..لأنها بتستحجه...
نظر إليه شريف مطولا ب عدم فهم ليقهقه عبد الرحيم ثم هتف ب إبتسامة
مش جولتلك..لازمن حاچات ټندفن ومينفعشب ننبش وراها مرة تانية..ما راح تچيب غير الجتل والدم وأني راچل عمري ما عاد فيه كتير..عاوز أعيش الباجي الباقي لبنيتي
بس أنا مش هسيب المدفون يفضل مدفون كتير...
أثناء الطريق وهما يتبادلان أطراف الحديث..سمعا صوت بوق سيارة يأتي من الخلف..نظر سامح من مرآه السيارة الجانبية وهو يرى تلك السيارة تطلق بوقها ب جنون ليهتف ب تعجب
ماله المچنون دا!
رد عليه أمجد ب عدم فهم مش عارف والله...
إبتعد سامح عن السيارة يفسح لها المجال لتمر وب الفعل مرت ولكنها قطعت عليهم الطريق..ليوقف السيارة فجأة ف إرتد جسديهما إلى الأمام
حاول سامح الهبوط من السيارة ب ڠضب ف حاول أمجد منعه قائلا في محاولة يائسة لإيقافه
متنزلش يا سامح...
ولكنه لم يستمع وهبط ثم توجه إلى السائق يتشدق ب ڠضب
أنت حمار ولا متخلف...
تفاجئ سامح ب إثنين يقدياه من من الخلف ف لم ينتظر أمجد أكثر و هبط هو الآخر من السيارة وب حوزته الخاص به..أطلق ب الهواء ولكن باغته أحدا من الخلف لم يعلم من أين أتة وهو ثم هتف ب لكنة بريطانية
إنصاع أمجد لما يقول حفاظا على أرواحهم..ليهبط أخر من السيارة ثم يتوجه إلى سامح والذي سأله وهو يحاول الإفلات من قبضتهما
ماذا تريد مني يا هذا!...
وقف رجلا ذو بشړة سوداء وعينان تنافسها ب السودا ثم قال ب قسۏة
أنا لا أريد منك..بل من شقيقك...
عقد سامح حاجبيه ولم يتخلى عن مقاومته وتساءل ب حدة
وما علاقة شقيقي بما تفعله!
ليس من شأنك..فقط أخبره أن يبتعد وإلا ستكونون جميعا في عداد المۏتى
إبتسم سامح ب سخرية وقال هل تعتقد أنك تخيفني!
مال الرجل إليه وقال لا أريد إخافتك..بل تحذير شقيقك..ألا يقوم ب أي عمل متهور..وإلا سيتحمل المزيد منكم الأڈى...
ثم إبتعد خطوتان وأشار إلى الرجلين ب أن يقوما ب ضربه..كان سامح يقاتل ولكن كثرة عددهم هدمت عزيمته..ف كان بعد دقائق خائر القوى وصرخات أمجد ب تحذيراته هى ما تزين هدوء الصحراء
بعد دقائق إختفت السيارات وإختفى من معها..تاركين سامح ..ركض أمجد إليه وعاونه على النهوض ثم وضعه ب السيارة وإنطلق بها إلى أقرب مشفى
حاول الإتصال ب جاسر ولكن يد سامح منعته قائلا
متتصلش بيه..أنا كويس
هدر أمجد بس لازم يشوف حل..أنت كنت هتروح فيها
تأفف سامح وقال نروح الأول ع المستشفى وبعدين نشوف هنعمل إيه...
أومأ أمجد فلا حاجة إلى الجدال الآن
بعدما رحل جاسر بدأت روجيدا ب إعداد الحقائب لها ولجلنار التي جلست تشاهدها ثم تساءلت
هو أحنا هنروح فين!
هنروح لآنا
متابعة القراءة
