مغامرات أبناء العاصى بقلم مياده مأمون
المحتويات
يامفيش كتب كتاب يا ننوس عين ابوك
زين ماشي يا بوب ليك حق ما انت ماسكني من ايدي اللي بتوجعني
تركه واتجه الي اعلي ودخل الاخر غرفته وجدها واقفه امامه
زين بتعملي ايه هنا دلوقتي يا بت انتي
ليا الله انت بتزعق ليه دلوقتي تيا ادتني السندوتشات دي
وقالتلي اديها للبيه ده وهو ماعرفش ايه اللي منكد عليه عيشته كده مش راضي يتنيل ياكل
الفصل العاشر
وقف زين بينهم حتي يهدؤو ويخفضو من صوتهم
الله ېخرب بيتكم انتو الاتنين اتهدي واسكتي يا ليا بقى ابوكي لو سمعك هايجي يعجنك
عاصي يا رب يجي يعجنها عشان اخلص منها بقى
ليا بس بس بس وعلى ايه دا كله مانشاله ما أكلت انا رايحه انام
عاصي شايف ال............. اللي حارق دمي عشانها
زين شششششس كفايه صداع بقى مكفكوش الفيلم الهندي اللي كنا فيه طول اليوم
عاصي ومالك طالع هادي كده ورايق انا سايبك معاه تحت وانت هاطق من الغيظ
زين بمكر أبويا يا عم واستحمله ايه
عاصي بغيظ تصدق بالله انتو عيله مجانين كلكو نام يا خويا نام
بقلميميادة مأمون
اما تيا فقد صعدت إلى الدور العلوي في وقت سابق إلى والدتها بطبق عليه بعض السندوتشات لها هي وعبد الرحمن ودقت الباب ودخلت عليهم
تيا مامي انتي نمتي
غمزه لاء يا توتو تعالي يا حبيبتي
بوده لاء مامي انا عايز اروح الجاملية عايز اروح لطمطم
غمزه طيب كل دلوقتي وبكره الصبح نروح لطمطم وكفايه بقى تعتبني
تيا تعالى ياحبيبي اقعد كل
غمزه وانتي مالك سعيدة كده ليه وعايشه حياتك عادي كده انتي مش خاېفه بابي يشوفك ولا ايه
تيا لاء ما هو شافني انا وزين واحنا بنعمل السندوتشات في المطبخ وكالعاده زين حاشه عني
تيا لاء ماتخفيش بس في حاجه عايزه اقولك عليها
غمزه حاجة ايه دي ومالك عنيكي لمعت كده ليه
تيا بفرحه اصل زين يا مامي قالي انه بيحبني وهايكلم بابي عشان نتجوز
غمزه ايه وباباكي سمعكو وانتو بتكلمو مع بعض
تيا مش عارفه اصل اول ما قالي اطلعي فوق طلعت جري بس بصراحه وقفت علي السلم وبصيت عليهم
غمزه طب وانتي ايه رأيك يا تيا
تيا مش عارفه يا مامي
بصراحه زين لما قالي فرحت اوي بس انتي اول ما قولتيلي اخوكي مخي رجع يفكر تاني
غمزه بس انتو من صغركو عارفين ان زين مش اخوكو وعرفتو حكايته لما ابتديتو تكبرو وانتي بالذات طول عمره من وانتي صغيره وهو متعلق بيكي مش فاكره ولا ايه
تيا ايوه يا مامي فاكره فاكره لما كان پيتخانق مع عدي ولا عاصي لما يضربوني
غمزه ومش فاكره كان غيران عليكي ازاي لما كان بيمتحن في الثانوية وانتي كنتي لسه صغيرة وجيه اخر يوم امتحانه لأكي قاعده تضحكي مع عاصي لوحدكم
تيا ياه يا مامي الكلام ده كان من خمس سنين
يومها شدني من شعري وطلعني لحد شقتنا واداني حتة علقھ الحيوان ده
غمزه هههههههه كنت حاسه اني شايفه بابكي قدامي ساعتها وانا عماله اقوله طب سيبها وقولي ايه اللي حصل
يقولي بقى انا عاصر نفسي في الزفت الامتحانات وبستنى اليوم اللي اخلص فيه عشان اجي اشوفها
اجي القيها قاعده بتضحك مع عاصي وبتلعب معاه ونسياني
تيا ههههه يا مامي دانا كنت صغيره خالص ساعتها
غمزه هو من ساعة ما أتولدتي وهو كان عنده خمس ست سنين كده ماكنش بيقول غير تيا دي بتاعتي انا
تيا ياه يا مامي اد كده زين بيحبني وانا مش حاسه طب ليه ماكنش بيقولي
غمزه مانتي لسه بتقولي كنتي صغيره وهو عمره ما كان هيقدر يقولك حاجه زي دي غير لما ياخد موافقه من باباكي
عارفه يا تيا لما بابي جيه يتقدملي الكل كان بيقولي هو الوحيد المناسب ليكي وانا كنت بقول لاء ده عصبي ومش هاعرف اتفاهم معاه
بس برغم عصبيته دي هو الوحيد اللي قدر يحتويني ويخليني احبه بتصرفاته معايا
انفتح باب الغرفه عليهم وهم جالسون ليتفاجؤو به امامهم ظل ثابت صامت ينظر لهم وبعد عدة دقائق اردف بهدوء.
عاصي ايه يا ست تيا انا كل ما هادخل حته هاتكعبل فيكي ولا ايه
تيا بعد ان وقفت امامه واحنت رأسها للأسفل سوري يا بابي بس انا كنت بطلع السندوتشات لبوده ومامي وقعدت معاها شويه
عاصي طب اتفضلي علي اوضتك والمره دي اظن مش فاضل حد
لسه مأكلش يا ريت بقي تروحي تنامي
تيا حاضر يا بابي جرت من امامه واتجهت للخارج واغلقت الباب من خلفها
معطيه الاخر ظهرها لم تعيره اي اهتمام وكأنها ترد له اهانتها
متابعة القراءة
