كنت راجع من الشغل متأخر

كنت راجع من شغلى متأخر وكالعادة سلم العمارة ضلمة ومفيش غير نور صغير يادوب يوصلنى عند شقتى قولت اطلع الموبايل واشغل الكشاف بس الموبايل وقع منى فلقيت عيل صغير بيمد ايده ويدينى الموبايل
شكرا يا حبيبى 
ماردش عليا
انت ايه اللى مسهرك لغاية دلوقتى ده الفجرقرب يأذن
قالى انا هنا بقالى 3 سنين مستنى ماما وبابا

ليه هما راحو فين يا حبيبى
هما رمو نفسهم م الدور الرابع لما انبوبة الغاز فرقعة ف الشقة وملحقوش حد فينا ومتنا كلنا
بصيت للولد باستغراب وانا بضحك على كلامه 
الدور الرابع ده شقتى انا اللى ساكن ف الرابع

وفجأة سمعت صوت قطة بابص ورايا ملقتش حاجة رجعت ابص للولد ملقتهوش

الموبايل اتفكك 100 حتة لمېته بسرعة وطلعت اجرى 

وصلت شقتى وفضلت ادور على المفتاح ف جيوب البنطلون وجيوب القميص ملوش اثر وفى الاخرلقيت المفتاح ف الباب

ايه اللى جاب المفتاح ف الباب ما اعرفش 

المفتاح كان فى جيب البنطلون

دخلت الشقة وقفلت الباب وخدت نفس عميق 

قلعت النضارة والجزمة وسمعت احلى سيفونية من العزف المنفرد لزوجتى المصونة اللى كالعادة نايمة بتشخر ف الصالة وسايبة التليفزيون مفتوح بس الغريبة مش انها نامت وسابت التليفزيون مفتوح الغريبة انها كانت بتسمع مسلسل تركى

مراتى مبتحبش التركى

قولت اتسحب واسيبها تكمل نوم ف الصالة وادخل انام ف اوضة النوم

دخلت الاوضة وصوت التشخير ذاد هى مراتى مركبة ميكرفونات ف البيت كله ومسجلة عليه صوت التشخير

مين اللى نايم ف السرير
دى مراتى
نهار اسود لما دى تبقى مراتى اللى بره دى تبقى مين
خرجت بره لقيت التليفزيون مقفول ومراتى مش موجودة ..أمال مين اللى كانت نايمة اول مادخلت 
انا بحلم اكيد بحلم
دخلت المطبخ عشان اشرب وكانت مراتى بتطبخ بعد نص الليل امال مين اللى انا سايبها ف أوضةالنوم
هى الست دى طالعة بكام دور
هو انتى مراتى ولا اللى ف اوضة النوم ولا اللى نايمة على كنبة الصالة
ايه يا راجل مالك فيه ايه انت شارب حاجة
لا أبدا انا الظاهر مرهق شوية من الشغل ..بس انتى بتعملى ايه ف المطبخ دلوقتى

انت نسيت تانى انا مش قولتلك ان النهاردة معاد الزيارة بتاعة مدحت اخويا ف السچن وانا بجهزله اى حاجة ياكلها

انا الصراحة سيبتها ومشيت وقولت بلاش اخش معاها فى جدال وأسئلة

مين مدحت اللى ف السچن ده   أخوها اسمه على وعنده 7 سنين هو لحق أمتا يبقى مچرم

هى الست دى جرا حاجة ف مخها ولا اللى بيحصلى ده ارهاق ف الشغل......انا لازم اخش انام

دخلت اوضة النوم بس مراتى كانت لفة الغطا كله عليها ومش سيبالى اى حاجة اتغطى بيها

مراتى نايمة ومتغطية 

امال مين اللى ف المطبخ

مفيش مشكلة انا خلاص اتعودت 

صحيت مراتى وقولتلها قومى قولى للست اللى ف المطبخ دى تطفى ع الأكل والست اللى فاتحة التليفزيون برة توطيه شوية يا اما تقفله ولما تتفقو سوا مين فيكو مراتى تبقى تصحينى الصبح بدرى

لقيت مراتى قامت وهى بتتاوب وتقولى

أه صحيح نسيت اقولك ان مراتك سابتلك الورقة دى من الصبح وبتقولك انها راحت تزور مامتها ف المستشفى

مستشفة ايه انا حماتى ماټت من سنتين

انا مش متجوز اساسا

الظاهر ان انا دخلت شقة غلط.

تمت..