حكايا لكاتبها ايمان

ما تفتحيش سبيهم يرنوا على ما امك تسمع الجرس وتيجى تفتحلهم يمكن يزهقوا ويمشوا
بتهزرى صح عشان العقربة مرات عمك تعملهلنا حكاية وتشتكى لابومى وتخليه يولع فينا
ارتاحى ياهى اهى امك شكلها سمعتهم وفتحت
الام يا اهلا يا اهلا ازيك يا ام فايزة ازيك يا فايزة
تعالوا اتفضلوا
الله يسلمك يا ام سلمى بقالنا ساعة بنرن الجرس ايه كنتى فين كل ده
سلمى من الداخل شوفى الولية رنت مرتين الجرس خلتهم ساعة سبينى يا نحلاء سبينى اطلع اخنقها هى وبنتها
نجلاء لا وعلى ايه هما شوية ويغورو
وفجاة سمع الاثنان طرقات على باب الغرفة ثم انفتح الباب ودخلت فايزة فقالت نجلاء على مضض مين فايزة ازيك

وتبعتها سلمى تقول من بين اسنانها اهلا
فايزة ببرود انا قولت ما طلعتوش تسلموا علينا اجى انا اسلم عليكوا واقولكم الخبر الحلو اللى عندى
سلمى خبر ايه يا حببتى خير
فايزة بفرح قراية فاتحتى يوم الخميس الجاى ثم اكملت بشفقه محاولة اغاظتهم عقبالكم كده يارب عن ق يب والله انا نفسى تتخطبوا بأى شكل
نجلاء لا يا حبيبة قلبى ما تقلقيش علينا خالص ان شاء الله حنطخطب ونتجوز ونخلف احلى عيال كمان ركزى انتى بس المرة دى فنفسك لحسن ياحرام بتصعبى علينا اوى بعد فركشت كل مرة واللى يطلع نصاب واللى حرامى واللى مدمن واللى معرفش ايه الا بتتلمى عليهم منين دول يا فايزة ولا يا حرام بقه لما بحصلك اڼهيار من الصدمة ربنا يستر المرادى بقه
فايزة وهى تدارى غيظها طب انا حطلع اشوف ماما لحسن لسه حنلف سوا على باقى العيلة
وانصرفت سريعا من امامهم
سلمى وهى تضحك بشدة جدعه يا بت يا نجلاء برافوا عليكى كبستيها ولا الكبسة السعودى
فاڼفجرت نجلاء فى الضحك قائلة وهى لسه شافت حاجة
بس ايه القوة دى كلها جبتيها منين اول مرة تردى عليها كده
البركه فدكتور سارة
يادى سارة اللى موركيش غيرها انتى واروى
انتى كمان لو سمعتة كلمنا وجيتى معانا حتحبيها
لا مليش فى ۏجع الدماغ ده
فكرى يا سلمى عشان خاطرى
طيب طيب خلينا بس نشوف امك حتغدينا ايه انهارده
اروى كويس انك ما اتاخرتيش وجيتى بعد المحاضرة على طول عندى ليكى مفاجأة مش حتصدقيها
مفاجأة ايه 
سلمى اتصلت بيا وقالت انها جاية معانا
ايه سلمى حتروح معاكى
معايا ليه انتى مش جاية معانا
لا كلمت ماما وانا خارجة من المحاضرة وشكلها تعبت اكتر من الصبح
ايه خالتى تعبانه خلاص نلغى المعاد بتاع انهارده ونروح نطمن عليها
انتى بتقولى ايه احنا مصدقنا سلمى توافق تقابل سارة روحو انتوا اوعى تقوللها حاجة يلا شوفى هى حتستناكى فين ورحولها يلا سلام
ماشى واحنا اول لما نرجع حنعظى عليكى على طول
طيب
سالخير يا ست نجلاء
سالخير يا ست سلمى كل ده على ما تيجى
اعملك ايه الموصلات ياختى لما نشوف اخرة المشوار ده ايه هاتى ايدك
وضعت سلمى يدها فى يد نجلاء وسارا معا ولم تكن تعلم ان القادم هو عوض الله لها نجلاء مسااء الخير يا دكتور سارة
سارة بترحاب مساء النور يا نجلاء اكيد القمر اللى معاكى دى سلمى
نجلاء ناظرة لسلمى ايوة هى
سارة بابتسامة لسلمى نورتينى يا سلمى
سلمى بحذر دا نورك يا دكتور
سارة موجهه الحديث لنجلاء طب ممكن تسبينى مع سلمى شوية يا نجلاء
نجلاء بتفهم تمام حستناكى بره يا سلمى
نظرت لها سلمى بعينين لا تخفى القلق والخۏف دون ان تنطق بكلمه الى ان اغلقت الباب خلفها ثم انتبهت لسارة والتى بدءت الحديث على الفور
هاا يا سلمى قوليلى بقه مبسوطة من قعدت البيت
اكيد
بس اللى اعرفة انك كنتى طالبه ممتازة
مش مهم
ايه اللى مش مهم بالظبط . مش مهم انك كنتى طالبه ممتازة ولا مش مهم انك كنتى طالبة فى السنة النهائية وانك بتضيعى مستقبلك بايدك
كله كله مش مهم
ليه 
هو ايه اللى ليه !!!
ليه اخدتى قرار ان كله مش مهم
حضرتك عارفة من غير ما ااقول اكيد نجلاء حكت ليك لما جتلك عن كل اللى كنا بنشوفه من تريقة وقلة ذوق فى الشارع والكلية وكل مكان بنكون فيه حتى قريبنا بيتريقوا علينا
بتحبى اسماعيل يس
نعم
بقولك بتحبى اسماعيل يس
اكيد
تعرفى انه اكتر حد بيضحكنى وبحب افلامه جدا
مفيش حد مش بيحبه بس اايه ډخله فموضوعنا
تعرفى ان اكتر حد كانت الناس بتتريق عليه من وهو طفل بسبب بؤه الكبير وانه كان ممكن يتعقد للسبب ده ويقعد فى بيته ويعتزل الناس لكنه بالعكس اعتبر نفسه مميز عن باقى البشر ولازم يستفاد من الميزة دى طب بذمتك مش لما بيفضل يعمل حركات بيه فى افلامه بيموتك من الضحك
تقصدى ايه 
طب شوفتى ويزو انا بمۏت فيها مجرد ما بتظهر على الشاشة فى فيلم او برنامج بمۏت من الضحك
انا كمان بحبها
طب شوفتيها وهى فى احد البرامج لما اتسألت هو انتى ماحولتيش تخسى جوبت بكل ثقه انها مبسوطة اوى كده وانها عايشه حياتها طبيعى جدا وبتعمل اى حاجة بيعملها حد غيرها لدرجة انها قامت رقصت بكل رشاقة ولا احسن رقاصة
يعنى ايه برضو
عندك شك أن ربنا حكيم وعادل
اكيد لا
يعنى اكيد ربنا خلقك كده وبالهيئة والطبيعة دى لحكمه وسبب والاكيد برضو انه فى صالحك
طب ايه هو
دا اللى انتى لازم تكتشفيه بنفسك انا هنا عشان اساعدك مش افكرلك خلى ادامك مثال اسماعيل يس وويزو وفكرى ايه الميزة اللىممكن يكون ربنا وهبها ليكى انتى بالخصوص واللى هى وزنك الزيادة ده والمرة الجاية تقوليلى عليها
أجابتها سلمى وهى مازالت مأخوذة بحديثها حاضر
ثم نهضت لتنصرف
فقالت سارة بابتسامه جميلة مستنياكى ما تتأخريش عليا يا سلمى
وقبل ان تجيب سلمى رن هاتف سارة مين شاهى انتى بره طب نعالى ادخلى انا خلصت الحالة اللى معايا
ساسو حببتى ازيك وحشانى
وانتى اكتر يا شاهى انتى فين بطلتى تيجى ليه
كنت مش حبه اخرج من البيت لكن معرفش ليه انهارده حسيت انى عوزة اشوفك
انتى لسه برضو مكتئبة شكلى فشلت معاكى
ابدا يا سارة بس اللى حصل مش شوية لما كل شىء يضيع من بين ايديه فجأة كده
خرجت سلمى لتقابلها نجلاء بوابل من الاسئلة
ها عماتى ايه حبتيها صح سارة تتحب اساسا قولتى ايه وقالتلك ايه ما تردى يابنتى
هو انتى سيبالى اى فرصة اتكلم
طب يلا قولى حصل ايه
يعنى اتكلمنا شوية كده هى مش بطاله يعنى
ماشى ماشى المهم حتيجى تانى
لما اعمل الواجب
نعم ياختى
ايوة هى سألتنى سؤال وقالت اجى لما الاقى اجابه عليه المهم يلا بقه نروح
طيب اه صحيح انا نسيت الكتب بتاعتى جوه بقولك ايه ما تدخلى تجبهالى
ماتروحى انتى تجبيها
حاسه انى عوزة اادخل التواليت هاتى انتى الكتب على ما اطلع عشان نمشى على طول
طيب يا مدوخانى
طرقات خفيفة على باب حجرة سارة فقالت ادخل
ففتحت سلمى الباب ثم قالت على استحياء اسفة يا دكتور اصل نجلاء نسيت الكتب بتاعتها هنا ممكن اخدها
طبعا تعالى يا سلمى
اخذت سلمى كتب نجلاء تحت انظار شاهى المثبته عليها ثم انصرفت فاتجهت شاهى لسارة قائلة سبحان الله بنوته قمر اوى بس وزنها زيادة بطريقة ملفته اوى
فعلا . نرجع لموضوعنا خلينا فيكى انتى مش ناوية بقه ترجعى لشغلك وحياتك
مليش نفس اعمل اى حاجة ياسارة وعندى احساس فظيع ان دماغى فضيت خلاص
معقول شاهى سليم