رواية بقلم سولييه نصار
افكرك اخر مرة افكارك ودتنا لفين
سكتت خالص ..
بعد ساعتين كنت مبتسم وانا رايح لكليتها كنت شايل الورد والشوكولاتة اللي بتحبها وسايق العربية
..هطلعها واغديها في مطعمها المفضل وبعدين هعترفلها بحبي ...اعترفلها اني كنت غبي لما بعدتها عني واطلب منها فرصة تانية ...
خرجت من العربية وعينيا بتدور عليها فجأة قلبي دق بسرعة لما شوفتها خارجة وبتضحك ...ضحكتها حلوة اووي عاملة زي الفراشة ....
بتعمل ايه هنا
جاي اطلب منك تتغدي معايا
بصت للورد وقالت
ايه ده !
اديتلها الورد وقولت
ده ليكي انتي
كنت جبت شاورما احسن
لسه هرد علي طولة لسانها لقيت شاب قرب منها وقال
فرح استني ..
بصيت له پغضب وغيرة فابتسم وقال
انت اخ فرح صح ..
بصيت لفرح المتوترة فضحك الشاب وقال
انا رامي كنت حابب اتكلم مع حضرتك عشان اخطبها منك
فرح قالتلي كده !!
يتبع
الجزء الاخير شكرا علي تفاعلكم السكربقلم سولييه نصار
يا وائل صلي علي النبي بس ...
قالتها فرح وهي بتجري مني بعد ما رجعنا البيت ...
اخوكي ...طلعتيني اخوكي وكمان واحد جاي يطلب ايدك ....
وقفت بعيد وهي حاطه ايديها علي قلبها وقالت
انا رفضته من الاول حتي لما قولتلك عليه كنت بس بستفزك...لكن والله من اول ما لمح أنا قولتله اخويا مش موافق
حطت ايديها علي وسطها وقالت
احب افكرك انك اللي طلبت أن محدش يعرف بجوازنا وانا بنفذ اتفاقنا وعموما يا سيدي أنا بفكر اكلم جدي عشان يحلك مني وتقدر تتجوز مريم وانا مش هقف في طريقك خالص ...
عشان تتجوزي رامي
هو المسكين بعد العلقة اللي ادتهالوا دي هينفع يبص لواحدة تانية اصلا
ليه بتعمل كده يا وائل عايزة افهم ...
قالتها بتعب ...قربت منها
وقولت
يعني انتي مش عارفة يا فرح ...معقول لحد دلوقتي مش فاهمة ...
حطت عينيها في الأرض وقالت بإرتباك
لا مش فاهمة. .
حطيت ايدي علي دقنها
ورفعت وشها وقولت
معقول مش فاهمة ....
مسكت أيدها وحطيتها علي قلبي وقولت
متاكدة انك مش عارفة ...
انت اللي
كنت غبي تمام
انت كسرت قلبي في ليلة ډخلتنا ...
قالتها فجأة بعدين سكتت كأنها ندمت علي اللي قالته ...ولسه هتمشي مسكت ايديها وقولت
لا كملي قصدك ايه ...
مقصديش حاجة لو سمحت سيب ايدي ...
بس انا مسكت ايديها جامد وقولت
مش هسيبك الا لما تقولي الحقيقة ..
قصدك ايه اني كسرت قلبك يوم ډخلتنا ...فرح متدنيش امل وبعدين تسيبيني اټجنن ...
قولي لما واحدة تحب واحد وتتمني أنها تتجوزه ولما يتجوزها يقولها أنه مش عايزها ...عارف ساعتها عملت ايه كسرت قلبي وخلتني ابكي يوم فرحي ...
كدابة كنتي ساعتها بتاكلي محشي ...
اه صح ...بكيت سيكا وبعدين روحت اكل اصل الاكل هو الحب الاول وده ملوش علاقة بالزعل ...
ضحكت علي كلامها ومسكت رأسها وقولت
وانتي ربتيني كويس وانا دلوقتي بعترف اني بحبك ...بحبك اووي يا فرح ...
اثبت
اثبت ازاي ...
ابتسمت بخبث وبعدت عني وقالت
اثبت حبك ليا ...اعمل المستحيل عشان اوافق اكمل معاك ...والا هسيبك ..
وبعدين ضحكت وجريت وقفلت علي نفسها الباب ...
....
مرت الايام وانا بحاول اكسب قلبها بأي طريقة بس هي كانت بتدلع عليا ...وانا قررت استحملها للاخر ...وكل يوم بيمر بحبها اكتر ...ازاي مكنتش شايف جمالها ...فعلا الإنسان غبي بس هي ربتني كويس ....
في يوم لقيت فكرة مميزة عشان أكسبها ...
عرفت أنها هتتأخر في الكلية بتاعتها عشان كده قررت اعملها مفاجأة ....
.....
علي الساعة ستة دخلت البيت ولقيته مضلم فجأة النور اتفتح وصړخت من الفرحة لما شافت تورتة كبيرة علي
الترابيزة وكنت قدامها ماسك الجيتار وبغنيلها ...عيونها لمعت وهي بتسمعني بعدين حطيت الجيتار علي الأرض وقربت منها وقولت
معرفتش السعادة الا معاكي يا فرح ...معرفتش الحب الا لما عرفتك كويس ...قلبي كان رافض يدق لحد بس عصاني المرة ودقلك انتي ...اخدت ايام
أنكر شعوري بس كنت بفشل ...حياتي بقت زي الربيع لما بقيتي فيها ...عمرك حبيتي لدرجة الخۏف ...الخۏف أن اللي بتحبيه ميحبكيش ..
هزت راسها وهي بټعيط فكملت ومسكت ايديها وقولت
انا
كنت مړعوپ انك مبتحبنيش زي ما بحبك ..
لا انا بحبك
ابتسمت وانا بحضنها وبعدين بعدت وانا باخدها جمب التورتة وقولت
دي سنة جديدة لينا عيد ميلادي وعيد ميلادك في نفس اليوم تحبي تكون بداية جديدة ...بداية تكون معايا ...وانا اوعدك اني هحبك لحد ما اموت ...
هزت راسها وقالت
بحبك والله
انا اكتر يا برقوقة
....
بعد شوية كنا قاعدين علي الانتريه بنهزر مع بعض لحد ما هي صړخت فجأة
فيه ايه ...
وائل يالا نجري فيه فار هنا ...
بصيت لقيت فار بيجري
فكملت
انا حاسة اني عايشة في غابة هنا ...
ضحكت وروحت مسكت الفار من ديله ورميته من الشباك ...
بصتلي پصدمة وقالت
انت مبتخفش منهم
لا انا اوهمتك بكده عشان اقدر اقرب منك ...أنا بخاف من الصراصير بس ...
اه يا غشاش
جريت عليا عشان تضربني فشيلتها وانا بلف بيها..وقولت
بس احب طبعا اشكر الفار خلاني اقرب منك واتاكد اني بعشقك ..
بس أنا بخاف من الفيران...اتصرف
عيوني يا برقوقة هجيب شركة مبيدات خاصة وهما يتصرفوا ..
ضحكت فقعدت الف بيها جامد وانا سعيد ولأول مرة اكون سعيد بالشكل ده
تمت
