كبرياء اعمى

عليا ليه
ليلي مكنتش عايزه اشغلك وخۏفت من رده فعلك وملقيتش وقت مناسب
ادهم كل دي اسبابده انتي مجهزه الرد بقي
ليلي ارجوك ما تزعلش مني
ادهم مش زعلان بس هتوصفيهولي بالتفصيل كل يوم هتوصفيه فاهمه
ليلي رمت نفسها 
ليلي فاهمه هزهقك وصف.
كريمه سامحت حمدي ورجعو عيله جميله تاني وبعدها ادهم طلب منهم كلهم يرجعوا مصر ويسيبوه واصر ومحدش فيهم قدر يغير رأيه ومحدش فيهم مقتنع ليه
كريمه طيب خلي ليلي معاك
ادهم قلت لأ مش عايز حد هكمل
علاجي واجي واديكم سمعتم الدكتور قال اني بقيت كويس
ليلي طيب ارجع معانا كمل علاجك في مصر
ادهم هو انا هعيد كلامي كام مره. قلت لأ وهتسافروا كلكم وده اخر كلام عندي..
ليلي زعلت من ادهم بس في الاخر سمعوا كلامه واستعدوا للسفر
كانو هيمشوا الفجر وبالليل ليلي نزلت تتمشي في جنينه الفندق لان مش جيلها نوم وزعلانه انها هتسيب ادهم
وفجأه قررت انها تروح تقضي اخر ليله معاه وترجع قبل معاد الطياره ووصلت المستشفي وهيا داخله لمحت سهيله داخله المستشفي بس كدبت نفسها ودخلت شافتها بتسأل علي اوضه ادهم ومشيت وراها لحد ما دخلت اوضته وقفلت وراها الباب.
الفصل الثامن عشر والاخير
ليلي شافت سهيله بتدخل اوضه ادهم ومقدرتش تستني تشوفها هتمش امتي ومشيت وطول الطريق بتكلم في نفسها
بعد كل ده هيرجعلها تاني
لا هو اكيد بس..
اكيد ايههتضحكي علي نفسك تانيطيب لما مفيش حاجه.
بيمشيكو ليه من عنده
اكيد عنده اسبابه
اضحكي علي نفسك انتي عارفه ايه اسبابهعمره قالك بحبكهو بس كان عايز حد جنبه. وانت قمتي بدورك وانتهي
بس انا حامل منه
وايه يعني مش هيقدر يفتح بيتين
لا ادهم مش كده ادهم مش كده هفضل احبه مش هغلط تاني واسيبه ولما يرجع هسأله وهيجاوبني
اضحكي علي نفسك طيب ما دخلتيش ليه عليهم
انا هتأخر علي السفر.
لا انتي خفتي لتشوفي المشهد بيتكرر
تاني قدامكفوقي.
سافرو وليلي فضلت عايشه في شكوكها وادهم اخد فتره كبيره ما يتصلش ولما كان بيتصل كانت بتهرب منه وهو مش بيلح انه يكلمها وكل يوم تتخيل لما يرجع وفي ايده سهيله ويقولها اسف بس بحبها وكل يوم تعمل سيناريو مختلف عن رد فعلها وتقرر انها تمشي بس تبص لبطنها اللي بدأت تكبر وتستني علشانه.
عدي 3 شهور
في يوم صحيت علي دوشه عاليه وصوت عالي صحيت وفتحت بابها وسمعت صوته فقفلت الباب بسرعه ووقفت معرفتش تعمل ايه او هتواجهه ازاي واستنت تسمع صوت سهيله او ضحكتها العاليه صوت خطوات سريعه طالعه علي السلم وكل ما كل ما قلبها يدق بسرعه اكتر لدرجه حست انه هيطلع اخيرا رجع وجت لحظه المواجهه اللحظه اللي مستنياها.
من 3 شهور
الباب خبط
ادهم ممكن ادخل
ليلي اول مره تخبط من امتي بتستني اقولك ادخل
منظره زي ماهو مفيهوش حاجه اتغيرت نظارته السودا شياكته جاذبيته كل حاجه زي ما هيا حافظاها بس مجهد شويه وخاسس شويه مش اكتر
ادهم كان مبسوط والفرحه باينه عليه قوي ليلي موجوعه قوي انه فرحان علشان اخيرا هيخلص منها
ادهم ايه سرحانه في ايه
ليلي لا مش سرحانه
ادهم طيب مفيش حمدلله علي السلامه
ليلي حمدلله علي السلامه.
ادهم وبس كدهمش عايزه تقولي اي حاجه تانيه
ليلي لأ مش عايزه
ادهم ليلي احنا لازم نتكلم في حاجات كتير لازم نتكلم فيها
ليلي وبتجهز نفسها تسمعه وهو بيحكيلها ان جوازهم غلطه ويحكيلها قد ايه بيحب سهيله
ليلي ارجوك يا ادهم مالوش لازمه الكلام
ادهم لا طبعا ليه لازمه لازم نتكلم
ليلي خلاص يا ادهم مش لازم تقولها
ليلي مش لازم اقول ايه
ليلي انا هنسحب في هدوء ومش هعملك مشاكل وانت روحلها ليلي استنت رد فعله وهو حاسس بالذنب انها عارفه
ادهم باستغراب اروح لمين
ليلي لسهيله
ادهم سهيلهاروحلها ليهوايه اللي فكرك بيها دلوقتي
ليلي انا عمري ما نسيتها علشان افتكرها...
ليلي قررت انها تتكلم واللي يحصل يحصل
ليلي انا عارفه انها كانت معاك في المستشفي وعلشان كده انت مشيتنا 
ادهم هيا...
قاطعته انا شوفتها بعيني متحاولش تنكر.
ادهم هتديني فرصه اتكلم ولا هتفضلي انتي لوك لوك لوك كتير
ليلي اتكلم انا ساكته اهوه
ادهم هيا فعلا جت زارتني مره واحده ومشيت لكن ما كانتش معايا في المستشفي
ليلي ارجوك يا ادهم علي الاقل خليك صريح انت مديونلي.
بالصراحه انا عارفه كل حاجه ادهم وضغط عليها بكل قوته
ادهم عارفه ايه ايه الكل حاجه اللي انتي عارفاها
ليلي بعدت عنه خطوه لورا
ليلي شفتها معاك وسمعتك بتعترفلها بحبك
ادهم سهيله معايا انا!!!!! وكمان سمعتيني
ليلي ايوه سمعتك وايوه كانت معاك
ادهم امتي ده
ليلي يوم الحفله!
ادهم بابتسامه الحفلهامممم
ليلي تنكر
ادهم وايه كمان شفتي ايه وسمعتي ايه
ليلي شفتهامعاك وسمعتك بتقولها اد ايه وحشتك . نسيت
ادهم وعلشان كده تاني يوم هربتي
ليلي كنت عايزني اعمل ايه
ادهم تتكلمي معايا تسأليني تتهميني اي حاجه
ليلي وانت ما سألتنيش ليه اخدت فلوس من مامتك ليه
ادهم عندك حق ماشي بس بالنسبه لسهيله انا ما نسيتش الحفله دي بس الظاهر ان انتي اللي ناسيه
ليلي اناناسيه ايه بقي
ادهم ناسيه اني اعمي اعمي بيشوف بجوارحه مش بعنيه
ليلي وده ډخله ايه
ادهم اقولك الليله دي انا دخلت عندك وكنت لابسه فستان طويل وحاطه برفان بريحه الياسمين كانت ريحته حلوه قوي والمفروض انك كنتي لابسه الاسوره اللي فيها الجرس صح ولا ناسي حاجه
ليلي كل ده علاقته ايه بسهيله كانت معاك
ادهم اللي اعترفتلها بحبي كانت انتي يا ليلي
ليلي انت بتهزر دي سهيله اللي كانت...
ادهم ايه سكتي ليهعقلك هيبدأ يشتغل ولا هيفضل نايم في غباؤه سهيله دخلت من باب الحمام اللي بيفصل اوضنا عن بعض حاطه نفس برفاك ولابسه اسورتك
وكانت لابسه حاجه طويله ليها نفس صوت فستانك وانت ماشيه فهمتي ولا اكمل
ليلي افتكرت لما سمعت صوت في الحمام بس كدبت نفسها وافتكرت كل حاجه بوضوح روبها الطويل الاسوره في ايديها وافتكرت جملته اه يا حبيبتي لو تعرفي وحشتيني اد ايه انا بحبك 
ليلي الايدين اللي اتحطط ع كتفك كنت فاكر انها ايديا انا
ادهم احمدك يارب بدأت تفهم
ليلي سهيله لعبتها صح قوي
ادهم ليلي مكن كفايه كلام عن سهيله انتي وحشتيني 
ليلي واول ضحك
ليلي بتضحك ليه
ادهم لا اصلي مكنتش متخيل ان بطنك كبرت كده
ليلي وده مضايقك
ادهم انتي مستعده ال 24 ساعه للخناق صح
ليلي اتكسفت وخبت وشهها.
ادهم يالله لو عند اسئله تانيه قولي صبري نفد ابتسمت بكسوف 
ليلي بس هيا كانت معاك في المستشفي
ادهم اووف تاني يا ليليهريحك هيا فعلا جتلي المستشفي في ليله سفركم بس كان علشان تتنازل عن نصيبها في الشركه ودورت علي حمدي معرفتش توصله فجتلي انا تسلمني اوارق تنازلها وكلمت حمدي يديها فلوس ثمن نصيبها وبس ليلي سهيله كانت خطيبتي اه لكن عمرها ما كنت حبيبتي خطبتها لان الكل كان متوقع ده حتي هي لكن عرفت بعدها ان انا وهي طريقنا مختلف وانها متنفعش معايا وفسخت الخطوبه هاه في اسئله تانيه
ليلي اه سؤال تاني
ادهم ارحمني يارب من حصه
الاستجواب قولي يا ستي
ليلي ليه الجرس في الاسوره
ادهم اه جرس البقرهجيبتي منين موضوع البقره ده
ليلي ضحكت واتكسفت منه
ليلي البقراللي بيجر السواقي بيعلقوله جرس علشان لما يقفوا يعرفو من صوت الجرس
ادهم بضحك اسف ان ده اللي وصلك بس عمري ما فكرت في موضوع البقر ده ولا كنت اعرفه اصلا
ليلي امال ايه انت كنت شاكك فيا
ادهم ليلي اللي بيشك في مراته بيطلقها او بيبعد عنها مش بيهاديها هفهمك ليه الجرس بس ممكن بعدين
ليلي لا عايزه اعرف
ادهم حاضر انا طول الوقت كنت حاسس اني لوحدي بتخبط في الظلمه واكتر وقت بحس فيه بالوحده كان بالليل جيبت الجرس لاني كنت قررت اننا ننام في اوضه واحده وتنامي جنبي كل ليله والجرس كان علشان كل ما تتحركي وانت نايمه وانا صاحي اسمعه فافكر نفسي ان انا مش لوحدي وحبيبتي جنبي ده كان تفكيري.
ليلي اسفه اسفه مليون مره اني ما حاولتش اسمعك ولو عايزيني اعلق في رقبتي جرس انا موافقه كنت غبيه لما اديتها لسهيله
ادهم الاسوره بس اللي اتنازلتي عنها لسهيلهمش اتنازلت عن صاحبها كمان انا عايز اعرف انتي ازاي تدي سهيله هديتي ليكي
ليلي سهيله اقنعتني ان الاسوره كانت ليها وانت بس ضيفتالجرس علشان بتشك فيا وانا غبيه وصدقتها بس انت السبب انت اللي كنت ديما بعيد.
ادهم انتي اللي كنتي بتبعديني يا ليلي كل ما الاقي حاجه واقفه بينا علي العموم مش وقته مين السبب المهم ان مفيش حاجه تقف بينا تاني
ليلي عرفت ازاي انه مش انا اللي معاك وانها سهيله
ادهم هو انا اعمي اهبس مش معني ده اني اغلط في مراتي مجرد كانت مختلفة كل حاجه فطردتها واخدت منها الاسوره
ادهم طلع الاسوره من جيبه وليلي لبستها.
ادهم ليلي حبيبتي انا بحبك بحبك فوق ما تتخيلي من اول لحظه ډخلتي حياتي فيها سړقتي قلبي وعقلي مش منظري ليلي ضحكت لما افتكرت اول مره شافته فيها
ادهم من اول لحظه سمعت صوتك قلبي دق وعلشان كده خفت وطردتك خفت من قلبي ودقاته ليلي معرفتش تتكلم وادهم وفضل يبصلها.
ادهم كنت فاكر الناس بتبالغ لما بيوصفوا في جمالك بس وصفهم اقل بكتير من اللي تستحقيه انت اجمل من الصوره اللي رسمتها مليون مره وما شفتش ولا هشوف اجمل منك.
ليلي اتسمرت ورفعت عنيها لنظارته السودا ومدت ايديها وخلعتها من وشه ولاول مره تشوف لمعان عنيه وهيا بتنطق بالحب وعجزت عن النطق بس عنيها كانت بتتكلم. فرد علي اسئلتها اللي مسئلتهاش
ادهم ايوه يا ليلي انا شايفك وعلشان كده اصريت تمشوا لاني مكنتش عايز اديكم امل لو العمليه فشلت..
فرحة ليلي برجوع ادهم ورجوه بصره كانت اقوي منها فكانت دموعها نازله ومش عارفة تتكلم
ادهم عايز اسمعها منك يا ليلي قوليها
ليلي بحبك يا ادهمحبيتك علي طول وهفضل احبك
ادهم طول الوقت كنتي بتحبيني حتي لما كنت غبي
ليلي حتي لما كنت غبي كنت بحبك اكتر حتي لما شفتك مع سهيله برضه فضلت احبك بس انا عندي سؤال اخير
ادهم انا هروح لامي سلام
ليلي استني اوعدك مش هسأل تاني
ادهم اخر سؤالقولي
ليلي انت فعلا كنت مصدق اني اتجوزتك علشان فلوسك
ادهم ابتسم ولا لحظه عرفت اصدق كنت كاره الدنيا وكنت عايز الوم اي حد وانتي كنتي بين ايديا وانا مهما اقولك اني ندمان علي كل مره زعلتك فيها مش هوفي حقك واسف علي كل حاجه عملتها معاكي 
ليلي كنت بتحبني ساعتها
ادهم ليلي انا بحبك من اول ما ډخلتي حياتي بس كان كبرياء اعمي زي صاحبه.
ليلي مش انت لوحدك اللي كنت اعمي ادهم قولي تاني انك بتحبني
ادهم
بحبك بحبك بحبك وهفضل اقولهالك لحد ما تزهقي منها
ليلي ولو مزهقتش
ادهم هفضل اقولها
ليلي ممكن اطلب منك طلب
ادهم طلب واحد بس انت شاوري
ليلي ممكن تنام في الاوضه التانيه لحد ما نسافر
ادهم نعم
يا اختيليه بقي ان شاء الله
ليلي علشان الطريقه اللي بتبصلي بيها دلوقتي
ادهم انهي طريقه
ليلي بتحسسني اني واقفه قدامك.
ادهم ابتسم مش بايدي انا اول مره اشوفك يا ليلي 
ليلي كام يوم لحد ما اخد عليك
ادهم تاخدي عليا ايه يا ليلياحنا متجوزين من امتيده انتي حامل يا ليلي
ليلي الوضع بقي مختلف الاول ما كنتش كده 
ادهم ودلوقتي عنيا مضايقاكي
ليلي مش مضايقاني بس مش واخده عليها.
ادهم خلاص براحتك انا هنام هنا انت عايزه تمشي امشي وسيبني لوحدي عمل تكشيره مزيفه علي وشهه
ليلي ا نا مش عايزاك تزعل مني.
ادهم وانا مش زعلان امشي يالا بصلها بكل الحب اللي جواه وهيا حست انها اتربطت في مكانها ومقدرتش حتي تشيل عنيها من عنيه 
ادهم ليلي لو عايزه تمشي امشي 
ادهم ايه رأيك في شهر عسل متأخر
ليلي شهر عسل وانا حاملامممممم
ليلي انا ابني يبقي هبظلم
ادهم اه وانتي
ام هبظلم.
ضحكوا الاتنين
ليلي موافقه بس انا اختار مكان شهر العسل
ادهم لا يا ليلي انا اخترت خلاص المكان وجهزته
ليلي ده علي اساس اني همشي وراك وخلاص
ادهم مش بقولك استعداد دائم للخناق
ليلي لا علي فكره انا مش بحب الخناق دي هرمونات حمل
ادهم ماشي. همشيها هرمونات حمل
ليلي خلاص اختار انت المكان وانا هوافق علشان بس انت لسه طاله من فتره نأاهه
ادهم نأاههاسمها نقاهه المهم عايزه تعرفي هنروح فين.
ليلي اي مكان معاك..
ادهم هنروح الشاليه في الغردقه علشان ھموت واشوف المنظر اللي كان هيجننك ليلي ضحكت بصوتها كله
ادهم انتي كنتي عايزاني نروح فين هوديكي المكان اللي انتي عايزاه
ليلي كنت عايزاك تشوف المنظر اللي كان مجنني ضحكوا الاتنين علي افكارهم المتشابه وابتدت بينهم قصه جميله قصه حب واتحاد قلبين..
قلبين صمموا انهم يواجهو كل حاجه تقابلهم وانه مهما حصل محدش فيهم يخبي حاجه عن التاني لانهم استوعبوا الدرس كويس ولان كبرياؤهم المفروض يكون واحد مش اتنين...
اه بالنسبه لحمدي اتعرف علي مهندسه في الشركه جديده مليان حماس وجميله او هو شايفها جميله وعرف معني الحب الحقيقي وقدر يفرق بين حب الاخت زي ليلي وحب الحبيبه وادهم عملو فرح من اجمل ما يكون..
كريمه بطلت تتدخل بين ادهم وليلي واستلمت حفيدها وكانت بتتدخل في كل شيء يخصه وبتمشي كلامها علي ادهم وليلي ومحدش فيهم بيقدر يعارضها...
وخلصت حكايتنا اتمني انها تكون عجبتكم
تمت