من نبض الۏجع عيشت غرامى بقلم فاطيما يوسف

باستفسار 
_ طب وانتي ضامنة منين إن أمك هترضى تاجي وياكي 
أجابته بثقة وهي تشير لحالها بفخر 
_ عيب عليك ياعمران الله في سماه لاهتبات في بيتها النهاردة ومهتفوتهوش تاني واتفرج على رحمة لما تشغل دماغها بس تعمل عمايل تخلي الحديد يلين .
رفع حاجبه وهو على نفس ذهوله مرددا قبل أن يغادر المكان 
_ طب لما نشوف يافقيقة طولة لسانك وفشخرتك بحالك داي هيحصل ولا له 
حركت رأسها لأعلى بتأكيد 
_ هتشوف ياقلب الفقيقة روح صالح مرتك وأني هروح لها واستني مني تليفون وتاجي تاخدنا علشان الوقت بقي وخري لما نشوف اليوم المزعبب دي هينتهي مېتة .

تحرك من أمامها وقال 
_ تمام هستنى تليفونك يابت أبوي .
تركها ثم صعد الى الأعلى كي يرى سكون والتي بالتأكيد تبكي بشده بسبب ما سمعته من أبيه أخذ نفسا عميقا واستعد لمواجهة سكون 
دخل الى الشقة وعيناه تدور في المكان تبحث عنه فلم يجدها الا في غرفة النوم وهي تؤدي الصلاة فاندهش لأنها صلت العشاء معه في جماعة 
وبعد ان انتهت نظرت إليه وجدته يجلس جانبها عندما رآها أنهت صلاتها جذبها من رأسها وقبلها معتذرا 
_ حقك على قلبي ياسكون حقك على راسي من فوق إنتي ست الناس وبت أصول ومن بيت أصول 
ثم نظر أرضا وأكمل
_ بس دي بوي ومقدرش أقف قدامه ولا أعلى صوتي عليه وهو كان في ساعة ڠضب بسبب إن امي هملته لحاله وفاتت له البيت ومشيت فطلع غله فيا أني وانتي اني عارف ان ملكيش ذنب ومن حقك تزعلي بس حقك علي اني 
ثم جذب رأسها مرة أخرى وأكمل
_ وآدي راسك أبوسها وهاتي يدك كماني .
رفعت جفونها الملتمعة بالدموع وبدلت دمعتها بابتسامة جعلت داخله يخفق وأردفت بدعابة أدهشته 
_ قول بقى انك جاي وطمعان انك تكمل وصلة الرقص والفرفشة ياعمراني وعلشان اكده عايز تبوس كل اللي يقابلك .
اتسعت مقلتيه بذهول وسألها 
_ وه ! هو انتي مزعلناش من كلام الحاج سلطان وحديته اللي يوج ع 
حركت
رأسها برفض واحتضنت وجنتاه بين كفاي يداها
_ الانسان في ساعة الغ ضب ميعرفش هو بيقول ايه وهو اكيد زعلان عشان الحاجة مش موجودة زي ما انت ما قلت
وكماني هو من ساعة ما حط يده في

يد خالي واعتبرني زي بته اني كماني اعتبرته ابوي ومفيش بت بتزعل من ابوها وبتتقبل منيه اي كلام .
نظر إليها نظرة طويلة وهو صامت ولكن وجهه يحكى آلاف الحكوى لسانه عاجز عن نطق الشكر والامتنان لهدية ربه له نعم فتلك السكون هدية الله لذاك العمران 
ثم همس بجانب أذنها
_ معقولة يكون ربنا بيحبني قووي اكده !
معقولة يكون راضي عني بأنه رزقني خير النساء اللي قال عنيهم عليه السلام في الحديث إذا نظرت إليها أسرتك وانتي البصة في وشك بالدنيا واللي فيها وإذا أمرتها أطاعتك وانتي من غير أمر ولا نهي ست البنات وإذا غبت عنها حفظتك وانتي كيف السيف في الأدب والأخلاق 
ثم
_ كان أم العمران داعياله في ليالي القدر اللي في عمرها كله بان ربنا يرزقه بيكي ياسكوني .
نظرت إليه بعشق وتحدثت 
_ كيف أزعل منيك ياعمران وأني حلمت بيك ليالي ملهاش عدد !
كيف امشي وأهملك وانت الدنيا بحالها وانت نور العين ومن غيرك تبقى حياتي مضلمة !
عمرنا قصير ليه نقضيه في الزعل والفراق وخصوصي انك مليكش ذنب في اللي حوصل اني واثقة ومتوكدة ان عمران عمره مايهين سكون ابدا ولا ېجرحها اني عشقاك ياعمران والست اللي بتعشق جوزها بصوح لايمكن تقف له على الواحدة .
أغمض عيناه وتحدث بانتشاء 
_ يووووه على عمران يابت قلبي منيكي هو انتي ملاك ولا بشړ ولا انتي مش من جنس حوا خالص يابووي لا تطلعي حلم جميييييل وأصحي واعاود لكوابيسي من تاني .
_ له ياعمراني دي حقيقة سكون بتحبك ومتقدرش تستغنى عنيك ولا تقدر تفارق أبدا وهتفضل جارك عمرها المتقدر في الدنيا كلياته.
فنصيحتي لكي حواء كوني لآدم ضلع احتواء اصنعي البسمة وقت الحزن أكرميه إن أكرمك ولا تستعلي عليه فالمرأة خلقت من ضلع أعوج ورجلها هو السند 
ثم غازلها بعشق 
_ جميلة إنتي يا سكوني وغير كل الستات وكل يوم بتثبتي لي ان اسمك لايق على طبعك يابخت قلب عمران بيكي .
ابتسمت لغزله وأردفت بغزل مماثل له 
_ ويابخت قلب سكون بيك ياعمراني اللي لو لفت بلاد الدنيا بشرقها وغربها مهتلاقيش ضفر عمران.
أما في منزل والد زينب تحدثت هي ورحمة فيما حدث وعلمت رحمة منها كل شيء 
ثم رددت بفطنة 
_ طب عال قووي تسلم يدك على اللي عملتيه فيها وبردتي ن ارك بس هي بردو اكده اللي فازت عليكي يازوبة .
اتسعت مقلتيها بذهول وسألتها
_ انتصرت على مين يابت إنتي بقولك اني كس رت لها ضلعها وخ زقت لها عينيها التنين وخلتها متسواش تبقى انتصرت علي كيف 
مطت شفتيها للأمام وأجابتها
_ كانت المفروض تاجي مجبسة تلاقيكي قاعدة في الجنينة مشغلة الست أم كلثوم وبتشربي قهوتك ساعة العصاري وانتي حاطة رجل على رجل أما دلوك زمانها بت الجزم داي بتقول علقة تفوت ولا حد يم وت بس طيرتها من البيت وبقيت اني ست الدار .
ض ربتها زينب على كتفها وهتفت باستنكار
_ ست الدار مين داي ! الدار ملهاش غير ست واحدة بس هي أني .
أدارت رأسها للخلف وهي تبتسم لأنها بسهولة استطاعت استفزاز والدتها وتسهيل مهمتها وأكملت 
_ كان زمان بقى إنتي انسحبتي والمسحوب مغلوب اما لو عرفت إنك مهملتيش دارك هت ۏلع وشوفي بقى هتحس إن ك سر ضلعها مع ك سر نفسها من اللي عملتيه فيها وهتقضيها نكد على أبو السلاطين لحد مايزهق من وشها البوم ويطردها طردة الكلاب وساعتها تقعدي وتحطي رجل على رجل وتاخدي تارك منيه وانتي قاعدة في بيتك ست الدار .
زاغت عيناي زينب وشعرت بمدى غبائها ثم تمتمت
_ أه ياللي تنشكي يابت سلطان ده إنتي عليكي مكر حريم يودي اللومان اتعلمتيه فين دى يابت انطقي .
ضحكت بشدة على كلام والدتها ثم قالت من بين ضحكاتها 
_ هو المكر بيتعلموه يا زوبة ! دي طبيعة والست مننا في الخديعة مع عدوها لازم تبقى ضليعة 
واسترسلت حديثها وهي تخلع حجابها
_ أني هقعد بقى وياكي اهنه ونفوتوا مالنا وحالنا وبيتنا لوجد تبرطع فيه بلا سلطان بلا ۏجع راس والله بيت جدي هادي وجميل ومريح .
استطاعت استفزازها ثم ض ربتها على فخذها آمرة إياها 
_ قومي يابت فزي لمي لي الهدوم اللي جوة دي هنروحوا بيتنا وهقعد على قلبها لحد ما أفشفش لها ضلوعها كلياتهم لحد ما خليها تقول حقي برقبتي .
_ طب ليه يازوبة اني ارتحت اهنه لهوا بيت جدي خلينا شوي اهنه وهي تهيص شوي هناك .
_ الله الوكيل يازفتة إنتي لو ماقمتي لاهطين عيشتك قومي يابت مهديهاش فرصة بت المركوب دي تنتصر علي وهقلعها من البيت وأخلي بوكي يقول حقي برقبتي .
أرسلت رحمة رسالة لعمران أن يأتي إليهم كي يأخذهم فابتسم لتلك الصغيرة الماكرة فقد فعلتها بحق دون عناء 
ثم دخلت غرفة النوم وعبئت الملابس في الحقيبة وأتى عمران إليهم ولامها على ما فعلت ثم أخذهم في سيارته وأوصلهم إلى المنزل وانتهت تلك الليلة العصيبة.
أتى صباح يوم الجمعة وذاك اليوم أجازة منة الله من المكتب وفي ذاك اليوم تحبذ الخروج إلى ذاك الكافيه المعتاد التى ترتاح به 
فثمة عدد من المقاهي التي لا تزال عالقة في تلابيب الذاكرة وكان الأدب يعيش فيها في فترات زمنية كانت تعج بالمناظرات والنقاشات وتتلاقى فيها الأفكار وتولد القصائد والمقالات والأغاني والكتب 
ما يميز المقهى الذي تجلس به ويكسبه صبغة ثقافية فريدة أنه كان مأوى الفنانين التشكيليين الذين كانوا يرسمون فيه لوحاتهم المستوحاة من حي الحسين وخان الخليلي وقس على ذلك مجموعة أخرى من المقاهي في القاهرة دمشق بيروت وبغداد التي اشتهرت بدورها الثقافي في تنوير المجتمعات وولادة الأدب والفن 
كما أنه يوجد فيها جميع الطوائف من الناس على اختلاف طبيعتهم وحالاتهم الخاصة 
وكانت تلك المقهى التى تجلس
بها تريح قلبها وعقلها ومعتادة على الجلوس بها فصاحبها العم عبد ربه مولع بالأدب العربي وقد افتتحها خصيصا لأن تكون ملتقى الأدباء وأصحاب المواهب 
كان الراديو مشټعلا على تلك الأغنية المفضلة لديهم لسيد مكاوي 
أوقاتي بتحلو بتحلو معاك وحياتي تكمل برضاك 
وبحس بروحي بوجودي
من اول ما بكون وياك
ويا روحي ساعه ما القاك
مش بس اوقاتي بتحلو
دي العيشه والناس والجو
والدنيا الدنيا بتضحكلي معاك
من كتر حلاوه الايام
ونعيمي وسعدي بلياليك
مش بحسب فات منهم كم
ولا بقدر افكر غير فيكوالليل وياك يساوي زمان
واليوم وياك يساوي زمان
واكتر يزمان من ميه بكره
ده الليل بلقاك انوار وامان
حتى ولو كان من قمره
كانت منة الله تمسك تلك الرواية ومنغمسة بقرائتها وكعادتها صورت فيديو لها وهي تحتسي القهوة وبيدها الكتاب وصورت أجواء القهوة مع تلك الأغنية ثم شاركت الفيديو على صفحتها عبر تطبيق الانستجرام وهي تدون فوق الفيديو 
ثمة أشياء هادئة وبسيطة نفعلها في أوقات فراغنا بعد أن ننهي عباداتنا ترزقنا السکينة وراحة البال الآن من مقهى العم عبد ربه حفظه الله لنا وأطال في عمره 
ثم أشارت بتاج مقهى الأدباء
في نفس الوقت كان جاسر يمسك الهاتف يتصفحه بإهمال فذاك يوم أجازته ويفضل أن لايعمل فيه كي يشحن طاقة إيجابية تجعله متحفزا طوال الأسبوع 
ثم أتى أمامه الفيديو التي شيرته منةالله وتلقائيا ابتسم وأعاد الفيديو مرارا وتكرارا 
لقد أدخل ذاك الفيديو السرور على قلبه فلم يجلس في تلك الأجواء ولا مرة طيلة عمره 
فأجواء تلك القهوة تشبه رائحة زمان وحتى الأغنية التي سمعها في الفيديو لم يسمعها منذ وقت طويل وفجأة وجد حاله يهاتفها وما إن آتاه الرد حتى شاغبها 
_ دي إنتي طلعتي صاحبة مزاج عالي اهه مقهى الأدباء وقهوة وسيد مكاوي وبتقرأي روايات طب ما تسأل ياعم علينا وشوفنا اكده بنقضي اليوم الكئيب الممل دي كيف وخدينا معاكي نروقوا إحنا كمان .
ضحكت بخفة على مشاغبته وقالت 
_أصل أني لازم كل جمعة من كل أسبوع بعد ما أفطر اصلي الضهر وأقرأ سورة الكهف وأخلص الورد القرآني بتاعي واخلص أذكاري وبعدين ألبس عبايتي