احببت زوجى ولكن بقلم اسراء ابراهيم
المحتويات
مراتك اكيد في حاجة كبيرة احكيلي
شريف رد بتلقائية وثقة وهو بيبص قدامه وبيفكر فيها
بصراحة كدة انا مبقتش قادر استحملها دايما بحس انها مش شبهي اسلوبها وطبعها ده غير انها مش بتعمل حاجة غير انها بتشك فيا وانا زهقت بصراحة
كشرت زينب وردت بحدة علي شريف وهي بتبصله پغضب
ده كلام فارغ عايز تطلق مراتك عشان طبعها وحش حبتين وعشان بتشك فيك وايه الجديد ما طول عمرها كدة انت مخبي عليا حاجة يا شريف فخليك صريح معايا من الاخر كدة انت شايفلك شوفة صح
انت اټجننت يا شريف انت بتعرف واحدة علي مراتك وكمان عايز تطلقها عشانها اخس يا خسارة تربيتي فيك
شريف رد بسرعة وضيق علي امه وهو بيقولها بتزمر
ضحكت زينب بسخرية وردت بتلقائية وهي بتبص لشريف
ماهي دي شغلتها يا حبيبي انها تضحك علي الهبل اللي زيك تقدر تقولي هي هتاخدك علي ايه اكيد عشان فلوسك وعربيتك اللي زي دي يا شريف وترضي تاخد واحد متجوز من علي مراته وعياله وتخرب حياتهم تبقي انسانة مش كويسة وبالنسبالها اللي زيك صيدة وخصوصا لو معاه فلوس وعربية زيك كدة
متخربش بيتك يا شريف يابني عشان واحدة زي دي سلمي مراتك اه ممكن يكون فيها عيوب كتير بس محدش فينا ملاك ما ريتاچ مرات اخوك اهي علي قد طبع اخوك اللي كلنا عارفينه بس اهي مستحملاه عشان بتحبه فكر كويس يا شريف يابني
حاضر يا امي حاضر
بقلمي اسراء ابراهيم
خير يا دكتورة طمنيني
قالها عمر بلهفة وهو واقف قدام السرير اللي نايمة عليه ريتاچ وبيبص للدكتورة بقلق وردت عليه هي بابتسامة وهي بتبص لريتاچ
متقلقش يا فندم المدام بس حبت تشوف غلاوتها عندك هي بس تهتم بصحتها وياريت لو حصل اي اعراض زي اللي جاتلها تاني يبقي تتعرض علي دكتور قلب عشان يبقي في مشكلة
متقلقش عليا انا كويسة يلا بينا نروح
عمر اتنهد بقلق وبعدين سمع كلامها واخدها وروحو بس كانت ريتاچ في اليوم ده في قمة سعادتها وبقت تضحك وتهزر مع رنا ومالك وكانت كتلة نشاط في الشقة لدرجة ان عمر استغربها بس معلقش والاهم انه اطمن انها بخير والقلق اللي في قلبه راح
انت ليه بتعمل معايا كدة انا عملت ايه عشان تعاملني بالشكل ده ده انا لو عدوتك مش
متابعة القراءة
