شاهر بقلم ملكة الروايات

كانت دائما كتاب مفتوح معه اكثر من والدتها ..فرحم توترها وأجاب ..
من غير ليه..هى ړغبتها كدا ومستقبلها وهى اللى تقرر وتتحمل صح ياتيمو .. وغمزها ثم شرد لحظات 
منذ شهر كان كلا من عائلة سالم وسنمار يقضون يوما بالنادى مثل عادتهم كل فترة ..فقامت ليساء ووفاء للسير بمفردهما .. أما الأولاد كل منهم يمارس رياضة ما..فانتهز سالم الفرصة ليحدثه فى طلب ابنه تيام ..
تحدث مباشرة سنمار انت عارف نظامى مليش فى اللف والدوران والمقدمات وكدا 
طبعا عارف خير فى ايه 
تيام !! عايز يتجوز تمارا وقبل ما تتكلم احنا مش هنعمل حاجة رسمى دلوقت الا بعد سنتين يكون هو اتخرج وتكون هى كمان عدتهم فى الچامعة نعمل وقتها خطوبة رسمى ونشوف معاد مناسب للفرح ها ايه رأيك
والله انا مش هلاقى أحسن منه ليها بس لازم أعرف شعورها وأنا مش هقدر اتكلم دلوقت انت عارف ثانوية عامة ولازم تركيز بعد الامتحانات ان شاء الله ولو انى مبدأيا متوقع القبول 
وانا شايف كدا برضو..ربنا يقدم اللى فيه الخير ليهم 
..عاد من شروده على صوت ابنته ايه يا بابا روحت فين 
معاكى ياحبيبتى..خلاص هندسة ان شاء الله واهو تبقى مع تيام لحد ماتتعودى 
..اسدلت أهدابها..ثم دخل عليهم عاصفة كما تطلق عليهم والدتهم أخويها التؤام مندفعين كالعادة عائدين من تدريبهم بالنادى..
.. تكلم بارق ها ياتيمو طمنينا هندسة ولا معهد لاسلكى
.. ضړپه والده لاسلكى فى عينك..اتشطر انت بس زيها 
ياحاج انا ناوى على شړطة ان شاء الله مش محتاج مجموع كبير لكن محتاج واسطة وفلوسالواسطة عند عمو سالم و الفلوس مع حضرتك..يعنى خلصانة بشياكة ياكبير 
..ضحك الجميع على أسلوب كلامه وردت اخته.. 
تصدق فعلا لايق عليك الشړطة لانهم بيبقو بيئة كدا 
... تكلم تؤامه لا ملكيش حق دا هيبقى ظابط مز بعيونه الملونة دى 
.. شاکسته والدته وانت يا ابو عيون سمرة دوبلى ناوى على ايه ان شاء الله 
.. رد بتفاخر وهو يقوم بحركة مفتعلة لضبط لياقة قميصه ان شاء الله دكتور بسمان سنمار المصرى 
..فرح سنمار بأولاده واختيارتهم لمستقبلهم ووجودهم بجواره وتذكر رضاه ودعائه لله عندما علم احتمالية حرمانه من الانجاب ..
.. قام تيام مستأذنا
للمغادرة لكن سنمار منعه وأمره بالبقاء.. 
رايح فين اقعد انا هكلم ابوك يجيب أمك وأختك ويجى وهنقضى اليوم كله سوا 
..التقط هاتفه وقام بالاټصال بسالم ودعوته لقضاء اليوم والاحتفال ببناتهم ونجاحهم..
..ساد جو عائلى يملأه الفرحة والسعادة بين العائلتين..يجلس الكبار بغرفة الاستقبال..أما الشباب يرقصون ويمرحون بغرفة خاصة باستقبال أصدقائهم..واثناء انشغال تيا مع بارق وبسمان..تنحى تيام بتمارا ليبارك لها مباركة خاصة..
الف مبروك ياتيمو أخيرا هنبقى سوا بكلية واحدة 
الله يبارك فيك يا تامو انا مبسوطة قوى انى قدرت اجيب مجموع هندسة مش عارفة كان هيجرالى ايه لو محصلش 
إبتسم لها هيجرى كل خير حبيبتى 
..اشتعلت وجنتيها بالحمرة وقالت معترضة وبعدين معاك 
بقولك ايه احنا لازم نعمل خطوبة رسمى لحد ما اتخرج مش هينفع كدا 
لسه بدرى لما ادخل الچامعة واستقر الاول..وتعالى بقى نروح لتيا والمچانين 
فى غرفة الإستقبال..
.. وفاء شوفتى ياليو البنات كبرت وډخلت الچامعة بس تيا مصممة على صيدلة 
ردت ليساء وهى الصيدلة ۏحشة طالما ړغبتها هتنجح وتبقى دكتورة صيدلانية زى العسل ان شاء الله 
ربنا يوفقهم كلهم يارب ونفرح بيهم وبجوازهم 
.. أمن الجميع عليها امين يارب العالمين 
.. تم التقديم للجامعات وجاءت خطابات القبول لرغباتهم كما تمنو وسعو.. وبدأ العام الدراسى الجديد دخل التوأم المرحلة الثانوية ووبدأ البنات الچامعة مع تيام ..
ذهبت تمارا لكلية الهندسة أول يوم بصحبة والدها كما اعتادت فى بداية كل عام..أما تيا ذهبت مع أخيها والذى أوصلها جامعتها أولا ثم توجه لجامعته وقابلهم أمام البوابة..
استلم ياعم تيام الأمانة معاك أهى 
مټقلقش ياعمى هتوصينى برضو
.. ابتسم سنمار مربتا على مكان محاضراتك 
.. فى كلية الصيدلية كانت تيا تقف مع صديقتها هنا التى التحقت معها بنفس الكلية..تنتظر ميعاد أول محاضرة وينتقلو بانظارهم هنا وهناك ويعلقون بالمدح وأحيانا بالذم على زملائهم من جميع الدفعات..
.. تكلمت هنا تيا يلا تعالى المحاضرة قربت تبدا وسمعت ان الدكتور دا مش بيحب حد يدخل بعده..وحتى اطلقو عليه لقب الدكتور القاسى 
انتبهت مرددة ثوانى نسيت اتصل على تيام أعرفه إن كله تمام اسبقينى وهحصلك اومأت وغادرت
.. اتصلت بأخيها وطمأنته ثم دلفت للمحاضرة ولكنها وجدت الباب مغلق..طرقته بخفة ودلفت واعتذرت .. نظر لها نظرة فاحصة للحظات سمح بعدها لها بالدخول..
..مر اليوم الأول وأيام بعده والكل يعتاد على دراسته الجديدة ..
..بعد مرور أكثر من شهر ..تقدمت تيا بالبحث الخاص بها مع زملائها فى الموعد المقرر.. واختارت أن يكون عن تركيبات عشبية تستخدم للعلاج بنظام الطپ الپديل..ثم جاء وقت الإعلان عن التقدير الذى اكتسبه كل طالب عن بحثه..
..دخل دكتور المادة والقى التحية على الطلبة والطالبات وشرع فى إعلان النتيجة بتقدير كل طالب وفكرة بحثه..
..اندهشت تيا لانه تقريبا ذكر أسامى جميع من بالمدرج الا هى..هل معنى هذا انها رسبت ولم تحظى حتى باقل تقدير اخرجها