رواية بدلت حياتى بقلم علا عبد الوهاب

ميمنعش ان فى تصرفات فيكى غلط كتيير ولازم تصلحيها
تصرفات ايه انا من ساعة ما كلمتينى وانا رميت كل المينى جيب اللى عندى والهوت شورتس عشان فعلا لاقيت الناس كلها بتبصلى وحش
طب بصى ادخلى معايا و تعالى ندردش فى اوضتنا سوا وانا هفهمك حاجات كتييير
فدخلت معها نهال مستسلمة وجلسوا سويا على الفراش فنظرت لها سما
بصى يا ستى اول حاجة بس لازم تعرفيها مينفعش تصلى بالطريقة اللى شوفتك بيها
ليه فيها ايه كمان 
انتى متعرفيش ان البناطيل الضيقة اللى بتشف اصلا حرااام بصى انا مقدرة انك عايشة باارة وقدامك كتيير عشان تفهمى بس ع الأقل تبدئى بينك وبين ربنا عشان ربنا يقدرك تعملى الصح من نفسك

طب فهمينى
اولااا
ثم وقفت سما وذهبت إلى دولابها واخرجت اسدال صلاة جديد ثم اقتربت من نهال وقالت
اتفضلى
ايه ده !
اتفضلى بس ده يا ستى اسمه اسدال هيبقى مغطى جسمك كله عشان الصلاة المفروض فى الصلاة ميبانش منك غير الوجه والكفين حتى رجلك لازم تغطيها يعنى تلبسى شراب
ده بجد 
اه الأفضل انك تغطى رجلك كمان عامة اسدال الصلاة بيبقى طويل وانتى ممكن تدوسى ع اطرف الاسدال بحيث يغطى رجلك ولو كنتى طويلة اووووى بقى والاسدال مش هيغطى رجلك يستحسن تلبسى شراب
انا مكنتش اعرف كده انا بصلى باليبجاما عاادى قلت مادام هى بكوم خلاص
لا مينفعش لان بنطلون البيجاما ضيق شوية ومبين تفاصيل جسمك اصلا مينفعش يتصلى بيه وبعدين مش اى حاجة بكوم يتصلى بيها لازم الكوم يبقى واسع لكن مش تلبسى بادى مثلا محدد جسمك وتقولى انا مغطية دراعى انتى كده برده لسه دراعك شفاف مش اكتر والبادى راسم دراعك وبعدين حطى فى دماغك ان ربنا شايفك فلازم تصلى بالصورة اللى متبقيش خجلانة بيها قدام ربنا انتى بتصلى وربنا شايفك كل دقيقة ومطلع عليكى
فأبتسمت نهال
خلاص فهمت
خلى اﻷسدال معاكى فى الشنطة ع طول لحد ما تظبطى لبسك 
شعرت نهال بالحزن قائلة
يعنى انا لبسى لسه وحش
بصى متستعجليش الأحداث واحدة واحدة وهتلاقى نفسك انتى بتعملى الصح وانتى مش حاسة وبعدين اصلا انتى مش محجبة ومفيش مسلمة ينفع تبقى مش محجبة
انا عارفة ده بس بخاف اقلعه بعد ما البسه
ع فكرة مفيش كده دى كلمة اى بنت بتقولها وخلاص عشان تقنع نفسها متلبسوش ده بيبقى شيطان مش اكتر عاوزك تأجلى الخير انك تعمليه
خلاااص فهمت كووويس بس جربت قبل كده البسه حسيت انى مش حلوة
طب ما ده حقيقى
انتى ازاى تقولى كده طب شجعينى
ابتسمت سما قائلة
هكذب عليكى !! انا بشعرى احلى واجمل بس انا مش بتحجب عشان ابقى حلوة فى نظر الناس عشان ربنا ربنا امرنا بكده يا نهال
فأومأت نهال راسها بالأيجاب فتابعت سما
انا بس عااوزكى تعرفى حاجة مينفعش تقولى ع الخير اللى محلله ربنا انا مش مقتنعة بيه اصل فى بنات اسمعها تقول انا مش مقتنعة بالحجاب بجد

بيستفزونى جدا ايه مش مقتنعة دى !!! قولى هو فرض بس انا لسه ربنا مش هدانى ليه لكن متقوليش انا مش مقتنعة دى احنا مش هنجادل مع ربنا ده امر من ربنا ومادام امر مينفعش اقتنع اصلا او مقتنعش المفروض ننفذ كلام ربنا مادام رضينا بالأسلام دين اصل مينفعش اقول لربنا استغفر الله العظيم انا مش مقتنعة بدى ولازم يبقى عندنا ثقة كده من جوا ان ربنا عمره ما هيأمرنا بحاجة تضرنا فأحنا علينا التنفيذ وبس
كلامك جميل
اى حد مؤمن بربنا لازم يبقى مقتنع بده كويس
خلاص إن شاء الله هغير لبسى فى الأيام اللى جاية
إن شاء الله
بينما كان إياد يجلس مع باسل و خالد اصدقائه وكان ېدخن سيجارته فقال له باسل
مالك يا برنس مش پتدخن كده الا لما تكون مخنوووق
ارتبك إياد قليلا ثم قال
انا !! مخنووق وهتخنق من ايه بقى !!
واحنا هنعرف منين بقى اكيييد فى حاجة مضايقك هى دى عشرة يوم
فتذكر إياد نهاال وجاءت صورتها فى مخيلته ثم حرك رأسه لكى يستفيق من تلك الأفكار وينفضها من رأسه فقال خالد
شكل فى حاجة بتفكر فيها
لا ابداا بقولكوا ايه انا عاوز اروح
وانت لحقت تقعد
مليش نفس
ثم وقف إياد وخرج خارج الملهى بينما نظر باسل إلى خالد
ماله ده !
مش عارف
كان إياد يتجه إلى سيارته وهو لا يدرى لما يفكر ب نهال وحدث نفسه قائلا
يا ترى بفكر فيها ليه !!! لا وعاوز اشوفها ومضايق جدا انى مشوفتهاش طول اليوم يووووه انا هروح اصلا مش عااوز افكر فى حد
وفى الصباح ارتدت نهال ملابسها وجلست معهم لتفطر فنظرت لها سميرة
ايه ده هتمشى مش هتقعدى لحد بليل 
اعمل ايه يا مامى بكرة هروح إن شاء الله مع عمى الشركة وعاوزة استعد
فنظرت لها سما
كان نفسى تقعدى معايا اكتر من كده
اعمل ايه طيب وبعدين انا مضايقة منك شوفى انا وانتى متخرجيين فى نفس السنة مع انى اكبر منك بسنتين
فإبتسمت سما
اكييد ظروف سفرك اجلت دراستك
اكييد طبعا يلا الحمد لله
طب بعد ما نخلص اكل هنقعد نكلم