شوق

كورس التأهيل كله 
_اني كنت عندها امبارح والدكتور بشرني انها بتستجيب للعلاج بشكل كبير جدا واتحسنت بنسبة ٩٠ في المية.. استشيره اكده ورجعها البيت تاني.. وحاوطهم الاتنين بجناحاتك وضلل عليهم بحنانك... مبقاش ليهم حد غيرك انت كبيرهم وراجلهم وسندهم
فكر خالد جديا ف اقتراح شوق لتقول هي بعدما قبلت راس فداء
_ أني لازمن أمشي دلوك وهاجي اطمن عليها بكرة بإذن الله
_ بتتعبي اوي يا شوق انتي كمان ربنا يكون في عونك 
_ ربك بيعين وبعدين ان ماكنتش اتعب لاخواتي هتعب لمين يلا فتك بعافية 
___
تركته واستقلت سيارة أخيها مهند بعدما تركها لها وأتى بسائق خاص ليتنقل بها حيث تشاء .. بينما ذهب هو ليبدأ في تلقي علاجه في المصحة من أجل الشفاء من الادمان
توجهت إلى حيث المشفى التي بها آيات والتي تحسنت صحتها وستخرج اليوم من المشفى 
لتجد أمير يقول بالحاح 
_ علشان خاطري يا أيات خدي دي من ايدي 
كانت تشيح برأسها 
_لاه يا أمير بعد عني 
_ لا ماهو انتي هتأكليها يعني هتكليها 
_ يا ابن الناس قلتلك هاتها هاكلها مصر تأكلهالي انت 
_ وفيها ايه مش جوزك يا بنتي خلاص 
_ جوزي يعني تأكلني يادي العيبة .
لتبتسم شوق لهما 
وما ان رأتها آيات حتى نهضت من مكانها وتوجهت نحوها 
_ تعالي يا ابلة شوفي اخوكي وقلة أدبه
نظرت شوق لأمير مدعية الحدة 
_ واد يا أمير أني قلت ايه
_وربنا ما عملت حاجة عايز أكلها التفاحة بس وهي أبدا دماغها ناشفة لا وبتقولي عيب تصوري يا شوق
_ واد طالما قالت عيب يبقة عيب ايش فهمك انت 
_بقا كدا انتي هتعملي زيها انتي كمان 
لتهتف آيات 
_ فهميه يا أبلة قليل الرباية ديه وكمان عايز يمسك ايديا 
حملق فيها أمير غير مصدق ما تقول 
_ شوفي يا شوق الغلب اللي انا فيه
لتنزع شوق حذاءه وتلقيه نحوه وهي تقول 
_كمان هي حصلت يا متخلف انت ازاي تتجرأ وتعملها .. معلش يا حبة قلبي ان مكانش اتربى نربيه
ليهتف أمير بحنق وهو يرفع حاجبيه 
_ هو ايه اصله دا.. انتوا عايزين تجننوني انتوا بتغتوا وتردوا على بعض 
_ انت يا ابني انا مش قلتلك ملكش صالح بيها بتفهم ولا مبتفهمش 
_ لا ده اصورلكم قتيل هنا دلوقتي.. هو ايه اللي ملكش صالح... أنا جوزها ولا انتي نسيتي... ولا تحبي أجيبلك ابوها يفكرك
_شايفة يا أبلة همجية أخوكي 
_شايفة يا حبيبتي هأدبهولك حاضر
ليهتف أمير بانزعاج _لا وربنا انتوا متفقين عليا .. ايه اللي بيحصل بالظبط 
_ولا حاجة يا ولا انزل هاتلي حاجة ساقعة اشربها ريقي ناشف
_اه بتوزعيني ماشي ماشي 
_انجر يالا 
_طيب انا ماشي اهو 
ما ان خرج أمير حتى اڼفجرت الفتاتان في الضحك
_ايوة اكده يا بت يا ايات هنسويه على ڼار هادية ونعلمه الأدب على أصوله لحد ما يفرفر مننا
هتفت آيات بحزن
_بس اني زعلانة على اللي عمله فيا أبوي ديه حتى جوزني من غير فرح ولا يحزنون كأنه عايز يخلص مني
_لاه يا قلبي ازاي دا انتي فخره وبنته حبيبته بس متنسيش وقتها الدنيا كانت عاملة كيف.. علشان اكده جوزك سكيتي.. بس اسكتي وربنا أني فرحانة فرحة يابت.. اخيرا بقيتي مرة أخوي وهتفضلي جاري اهنه دايما... أمير طيب وابن حلال وبيحبك وان كان فيه كم خصلة مهياش عاجباكي فهميه وقوليله عليها هو بيستجاب بسرعة وقلبه كبير ومستعد يتغير للأحسن بس اللي يوجهه صح
تنهدت آيات براحة بعد كلام شوق فأخذتها شوق بين ذراعها 
_هوني عليكي يا قلبي وافرحي بإن ربنا جمعك باللي قلبك مال ليه
في تلك اللحظة دلف أمير وما ان رأى قول تحتضن آيات 
حتى قال حانقا 
_الله الله بتوزعيني علشان تنفردي بيها سيادتك
لتلقفه شوق بالفردة الأخرى من حذائها
_في حد يدخل اكده يا متخلف مش في باب مبتخبطش ليه ..وبعدين ايه تنفردي داي متحسن ملافظك يا اخي . آيات ربنا يكون في عونك هتتحملي غتاتة الواد ديه ازاي
_وربنا مكدبتش لما قلت انك هتعملي عليا دور الحما .. شوق بالله عليكي خفي عليا شوية ها 
_فين العصير يا أمير 
_اهو العصير 
قالها وهي يعطي آيات واحدا وينظر لعيني آيات ولا يحيد بصره عنها 
_وده ليكي يا يويو 
لتهتف ايات مدعية الانزعاج
_شايفة يا أبلة بيبصلي ازاي وكمان وانتي واقفة 
_اه يا شوق متبقيش عزول وامشي يلا 
اخفضت شوق رأسها وأكلت ذراعه 
_أني عزول يا ولا.. طب تستاهل اللي يجرالك
_اااه دراعي يخربيت شيطانك
ضحكت آيات بشدة 
ليهتف أمير بحنق وهو يمسك ذراعه 
_بتضحكي ياختي مبسوطة اوي.. اه ماهي صاحبتك بقا.. ماشي يا شوق
انتي وآيات
في ذلك التوقيت طرق عساف الباب ففتحه له أمير بضيق وقال وهو يشكوه اخته
_تعالى يا عساف شوف أختك واللي بتعمله فيا
دلف عساف بصمت وأمارات الانزعاج بادية على وجهه 
لتهتف شوق باهتمام
_مالك يا عساف وشك مقلوب ليه 
_مصيبة يا شوق مصېبة 
اكفهر وجه شوق وقالت بوجل بينما تابع أمير اخوه باهتمام
_خير يا عساف كفا الله الشړ 
حرك عساف وجهه وقال وهو يطبق شفتيه 
_بابا 
_ماله غريب بيه 
ليهتف أمير بۏجع 
_ماله بابا يا عساف 
_ابوك يا أمير أعلن الحړب علينا لما عرف برجوع شوق لينا ..وعمل....
واستوب لحد هنا وخلص البارت 
اشوفكم ف البارت ما قبل الاخير غدا بإذن الله تعالى 
عايزة تفاعل جامد لاني محبطة اوي
شوق 
بارت ٤٦
أسماء_عبد_الهادي
___
أخذت شوق نفسا عميقا وبدت مستعدة ومتقبلة نفسيا لأي خبر قد تسمعه حتى لو كان موجعا بالنسبة لها وخاصة من أبيها غريب 
_ قول يا عساف ابوك عمل ايه
هتف عساف بغيظ مما فعله أبيه 
_ بابا طلب نسيب الفيلا اللي قاعدين فيها علشان هياخدها ووقف كل الفيزا الخاصة بينا ده غير انه خلى العملا اللي بنتعامل معاهم في شركة خالد تفض الشراكة ما بينا
أغمضت شوق أعينها بأسف على حالة اخوتها ولم تتكلم وانتظرت لترى ردة فعل اخوتها 
ليهتف أمير بحنق 
_ كل دا ليه ها .. كل دا علشان بنحب أختنا!! ..انا استحالة اقاطع شوق حتى لو عمل ايه ... مش هتخلى عنها تاني .. شوق اختي هي اللي غيرت حياتي وبفضلها حياتي اتلونت من جديد 
ابتسمت شوق بۏجع لأخيها 
_حبيبي يا امير الأمرا انتم اللي خليتم حياتي جنة اني من غيركم ولا حاجة والله ... بس أني مرضاش أبدا إني أكون سبب في أذيتكم أو تعطيل أعمالكم روحوا لابوكم واستسمحوه وحبوا على يده كمان علشان يرجعلكم حاجتكم من تاني وأني يكفيني إني اتابع أخباركم من بعيد والله شوفتكم كويسين ومتهنيين ديه أقصى ما اتمنى في الدنيا
أمسك عساف يد اخته 
_ انتي مچنونة ياشوق!! احنا مش هنسيبك..نسيب اختنا ليه وعلشان ايه
_ لو فيها مصلحتكم وماله يا عساف أني مش ممانعة ولا هزعل بالعكس هفرح علشانكم يا خوي 
_ بطلي هبل انتي اختنا ومغلطتيش علشان نبعد عنك بالعكس اللي بيعمله دا هو الغلط بعينه واحنا مش هنعينه على انه يظلمك أكتر من