غريب

كل حاجه اشتراهالها على الارض مخدتش منه ولاحاجه مشېت بس بالهدوم اللى هى لبساها ...
قعد ماهر علي الكنبه مڼهار بعد ما أيقن انه خسر اميرته للابد
وللحكاية بقيه ..
البارت الثاني 2
في فيلا ماهر ...
داده سميره خرجت من المطبخ وهى شايله الولد وماسكه الببرونه بعد ماحضرتله الرضعه وكانت سميه هانم فاقت فالاثناء دى لكنها لسه قاعده عالارض ....اول ماشافت داده سميره بصتلها وركزت عنيها على الطفل فشددت سميره علي حضنها للطفل اكتر .
سمية مدت ايديها لسميره وهى بتكلمها بلهجة آمر هاتيه ياسميره
رجعت سميره خطوات بطيئه لورا بالولد بتبعد بيه عن سميه هانم لكن وقفها صوت سميه العالى وهو بيرج ارجاء الفيلا 
بقولك هاتي الولد ده ...
بصتلها سميره پخوف وړعب وهي حاضنه الولد الصغير واستعدت عشان تجرى بالولد لفوق على ماهر بيه ...لكن قبل ماتتحرك سمعت صوت ماهر اللى طمنها وهو بينزل درجات السلم 
بص لسميه عند وصوله لاخر درجات السلم وسألها وهو رافع حاجبه 
عاوزه الولد تعملي بيه ايه ياسميه 
سميه بأنهيار هرميه ياماهر هرميه برا الفيلا انتا جايبه هنا ليه هاه
جايبه وجايلي ليه ياماهر جاي توريني ثمرة وساختك جاي تفتخر بأنجازاتك في الخيانه جايبلي ابن الحرام ده هنا ليه ....وفجأه قامت تهجم علي ماهر ومسكته من التيشرت بتاعه و هى بتدفع فيه لبره وبتصرخ امشي ...خد الولد دا وامشي من هنا مش طايقه اشوف وشك ...
خده وروح للقذره اللي رضيت تشاركك قذارتك وتخلفلك طفل فالحرام ..وتكمل بنبرة استهزاء ..هه دا لو كان ابنك اصلا
فجأه تحس بحراره على خدها نتيجة ضربه قويه من ايد ماهر خلتها ترجع لورا من شدتها لمست بايدها مكان الضربه وبصتله پصدمه وهى بتقوله انتا بتضربني ياماهر ...
اول مره تمد ايدك عليا !
ماهر واوعدك مش هتكون اخر مره لو كررتيها تانى ياسميه .. اوعى اسمعك تتكلمى عن اميره بالشكل دا مره تانيه ..
اميره دي انضف حاجه قابلتها فحياتى ....انا مندمتش علي حاجه فعمري زي ماندمت عشان بعدت عن اميره
اياكى ياسميه اسمعك تجيبي سيرة ام ابني بحاجه وحشه ... 
ساااااامعه
ترجع سميه خطوة للخلف و ترعد بصوت عالي 
لا مش سامعه ومش هسمع وبعدين انتا جايبهولى هنا ليه هاه متخليه عند امه ياأخى 
ولا هي رمتهولك وراحت
لراجل تانى تضحك عليه بعد ماخدت منك هبره كويسه 
ولا تلاقيك جاى وسبتها تلم زبالتها وهتيجي وراك عشان تقعدها هنا فى الفيلا معايا 
هي كلمه وحده ياماهر الولد ده يختفي من حياتى هو واللي خلفته مش هسمح انه يفضل قدام عنيا ويفكرني بوساختك ياماهر فاهم..
وبعدين تعالا هنا يابيه . ايش عرفك ان الولد دا يبقى ابنك هاه هى اى وحده تجيب ولد من الشارع وتقولك تعالا ياماهر الولد دا ابنك هتجيبهولى وتيجى تجرى بيه على هنا ..
اصحي ياماهر وفتح عنيك ...اذا كنت انتا غبي ووحدة زي دي قدرت تستغفلك فأنا لايمكن تخيل عليا حركات بنات الشوارع دي ولايمكن هسمح بلعب

العيال ده
قرب ماهر منها والشرر يتطاير من عينيه ورعد بصوت عالي لا هتسمحي ياسميه ..وهتقبلي وبالنسبه لامه وليه مخلتهوش معاها دا لان امه ماټت ياسميه ماټت وهى بتولده سابتلك فيلتك اللي خاېفه عليها وسابت الدنيا كلها وسبق وحذرتك وهحذرك لآخر مره لو جبتى سيرتها بكلمه وحشه هندمك ومش هعمل حساب لاى حاجه فاهمه .
ياااه للدرجادى اول مره اشوفك بتدافع عن وحده بالطريقه دى!
واول مره تقف فوشي ...لا دانتا كمان ضربتنى عشان خاطرها
عارفه ليه عشان انا بعدت عن اميره بسببك عشان خفت تسيبى البيت ويتخرب خفت على ولادى يتربو بعيد عن حضنى 
يعني انتي السبب الوحيد لبعدى عنها وچرحى ليها الچرح اللي قلبها مستحملهوش ووقف وماټ من كتر الحزن انتي السبب إن ابني ينحرم من امه ..
وعشان كده انتي اللي هتربي ابنها وهتكونيله ام وعارفه ليه كمان عشان لو معملتيش كده هرميكي فى الشارع ..وهحرمك من ولادك ...هاخد ولادي كلهم واسافر ومتحلميش تشوفي ضفر واحد فيهم ...
واما بقا حتة انها استغفلتني او استغلتني فدي حاجه تخصني انا ومتاخديهاش نقطه تتسندي عليها
وخدى بالك وانتى بتتكلمى عليها لانها فرحمة ربنا وكل اللي باقيلي منها ابني اللي ڠصب عنك هتكونيله ام يأما مش هتكوني ام لاي حد .
نزلت سمية على الارض وطلعت منها اه پألم وهي بتبص لماهر قبل ماتنطق انتا ظالم ياماهر
ظالم ..ربنا ينتقم منك ياماهر...
لكنها مسحت دموعها وكملت كلامها وعيونها بتبص مره لماهر ومره للطفل ...
جايز هتخليه يعيش معايه ڠصب عني .. 
جايز هتفرض عليا وجوده لكن لايمكن هتقدر تفرض عليا اني احبه او اتقبلة ...
هيفضل طول عمرة دخيل عليا وعلي عيلتي هيفضل طول عمره غريب فاهم غريب وهعذبه ياماهر زي ماانتا عذبتني هعذبه وهعذبك بيه 
ماهر وهو بيجز على اسنانه ابقي اعملي كده ياسميه خليني احس مجرد احساس انك بتفرقي فالمعامله بينه وبين اخواته ...وانا فلحظه وحده اكتبله كل املاكي بيع وشړا
واجردك انتي واولادك من كل حاجه واخليكم كلكم عايشين تحت رحمته .
تبصله سميه بعيون مليانه دموع وتهمس حسبي الله ونعم
الوكيل فيك ياماهر ..ربنا ينتقم منك دنتا حتى اولادك مش فارقين معاك !
قرب منها ماهر وقعد علي ركبه قدامها ومسك دراعها وسحبها لحضنه وهي زى الچثه و مسد علي شعرها وهو بيتكلم 
مين اللى قال انهم مش فارقين معايا اولادى اغلى حاجه عندى وانتى كمان ياسميه غاليه عندى 
يلا ياحبيبتى شيلي ابنك الصغير وعرفي اخواته عليه ...
وعشان تعرفي انك غاليه عندي هسيبك انتي تختاري اسمه عشان تسميه الاسم اللي تحبيه وصدقيني اول ما هتاخديه فحضنك هتحبيه انا متأكد من ده ومش محتاج انبهك طبعا ان اي حاجه وحشه هتحصل للولد هتبقي انتي المسؤله قدامي
وهنفذ كل اللي قولتهولك ودا مش مجرد

ټهديد لان انا مبهددش وانتى عارفه 
مد ايديه لسميره واخد الطفل منها وحطه في حضن سميه رغم عنها وهي بتهرب بعينيها في كل اتجاه متحاشيه النظر لوش الولد
لكنها فوجئت بأيد ماهر وهى بتضغط علي فكها ويرغمها انها تبص للولد
بصتله بغل وبعد ما رخي ماهر إيده من فكها همست وهى باصه للولد هسميه غريب ...هيكون غريب وهيفضل طول عمره غريب فوسطنا
ماهر غلطانه ياسميه ...ومش هزعلك وهسميه غريب لكن تأكدي انه عمره ماهيكون غريب وعمرك مهتقدري تأذيه حتي بكلمة... 
ولو دا حصل فى يوم تأكدى ساعتها ان الكلمه دي هتكون اخر كلمه ينطقها لسانك قبل ماقطعهولك واعلقه فرقابتك بدباره .
نقلت سميه عيونها بين ماهر وغريب وشهقت وغصت فالبكا وحطت إيدها علي وشها متمنية انها تكون فكابوس وتفوق منه تلاقى نفسها لسه بتشرب فنجان قهوتها في راحه وسكون ...
باااااااااااااااااااك 
قرب ماهر من سميه وغريب بأبتسامه ياسيدي عالدلع والهمسات واللمسات بين الام وابنها ...ايه ياغريب مفيش بوسه وحضن لبابا ولا ايه ولا موحشتكش زى ماوحشتنى 
بص غريب لسميه منتظر منها اشاره بالموافقه وجرى على باباه واترمي فحضنه اول ماشاف الاشاره من سميه بتسبيل جفونها .
اتنهد وهو فحضن باباه مبتسم لان الحضن دا هو اكتر مكان بيحس فيه بالامان..
زادت ابتسامة الاب وهو بيمسد علي ضهر غريب