همس المالك

همس المالك بقلم رؤى 
متجوز انا البنت اللي كل الرجاله تحلم بيها اتجوز واحد متجوز. 
_ مهو عشان غرورك ده هتتجوزيه ي همس ورجلك فوق رقبتك.
_ لا لا انتوا اكيد اتجننتوا انا ماشيه. 
_همس...تعالي هنا حالا.. همس. 
انا همس عندي 22 سنه اهلي مصممين اني اتجوز عشان بيقولوا ان قطر الجواز فاتني انا مش محجبه وفي كليه فنون جميله 

..دخلت اوضتي ورزعت الباب وقعدت افكر في المصېبه دي مهو انا مستحيل اتجوز واحد انا تاني واحده في حياته..انا عايزه اتجوز واحد اكون انا الاولي والاخيره في حياته ده غير اني لسه صغيره وعايزه اشوف حياتي..مسكت الفون ورنيت فيديو كول علي الشله وحكيتلهم كل حاجه وفي منهم اللي قال معلش واللي قال طب والحل واللي قال متتجوزيه مش يمكن يكون غني..وبصراحه كلامهم خلاني اتقفل منهم لانهم مساعدونيش او ادوني حل بالعكس زودوا التوتر عندي اكتر..نمت من كتر التفكير والارهاق.
صحيت الصبح اخدت شاور يهدي اعصابي بسبب تفكير طول الليل ولبست ونزلت..لقيتهم قاعدين بيفطروا دول حتي مستنونيش زي كل مره اي اللي بيحصل ده اي اللي غيرهم..قعدت معاهم بحزن واكلت في صمت.. 
اتكلمت ماما _ يا همس يا بنتي احنا عايزين مصلحتك وكلام الناس مبيرحمش اللي في سنك دلوقتي متجوزين وعندهم عيال.. 
قومت واڼفجرت فيهم بعصبيه
_انا مالي انا قطر الزفت مفاتنيش انا ميهمنيش كلام الناس المرييض.. دي حياتي ونا بس اللي حره فيها انا بس اللي اخد قراراتي فيها.. مش ذنبي انكوا بتفكروا بالطريقه دي مېت مره اقلكوا متهتموش لكلام الناس في الناس انا زهقت. 
خرجت بره الفيلا كلها وانا وشي احمر وخلاص هتفجر.. ركبت عربيتي ومشيت باقصي سرعه علي الكليه.. دخلت المحاضره وحطيت وشي عالمكتب بتاعي وقعدت اعيط بكل قهر حسيت اني بجد محتاجه اعيط جايز ارتاح شويه.. مهتمتش للطلاب اللي بداوا يتلموا عليا ولا لصحابي اللي عمالين يطبطبوا عليا وبيحاولوا يهدوني.. جت ريم اقرب صديقه ليا قعدت جمبي تلقائيا دخلت في حضنها وقعدت اعيط.. قعدوا الطلاب مكانهم لما حسوا بالدكتور وهو داخل.. دخل الدكتور واستغرب من ارتباك الطلاب وجه قدامي لما سمع صوتي وانا بعيط.. واتكلم بهدوء
_ انسه همس تعالي علي مكتبي بعد المحاضره.. 
وبدا يشرح.. خلصت المحاضره وانا كنت هديت شويه.. 
_ تفتكري عايزني ف ايه. 
_مش عارفه ممكن يكون عايز يسالك عن سبب عياطك. 
_ وهو ماله المهم هروح اشوفه بقا واجي استنوني ف الكافيه.. 
_تمام.. 
خبطت ودخلت مكتبه.. 
_ اتفضلي ي انسه همس نورتي!. 
_احم بنورك.. خير. 
ضحك وقالي
_ الحقيقه انا مش متعود الاقي حد حزين ومسالش عن سبب حزنه 
اتعصبت_ليه يعني تعرف هو انت من بقيت اهلي. 
حطيت ايدي علي بقي بشهقه بسبب غبائي وطريقه كلامي معاه ده ممكن يشيلني الماده نهار اسود.
ضحك ضحكه بسيطه _ ولا يهمك انا عارف ان مش قصدك.. ولو عايزاني يستي اسامحك وماشيلكيش الماده تقوليلي سبب حزنك.. 
اتكلمت بضيق_اهلي عايزين يجوزوني ڠصب عني وقال ايه واحد متجوز كمان ده مش بعيد يكون مخلف..
وبحزن_ انا مش عايزاهم يدمرولي مستقبلي بالطريقه دي.. 
_ طب مش تعرفي شكله ايه عامل ازاي او حتي ايه الظروف اللي خليته يفشل في الجوازه الاولي وعلي فكره الشخص ده مطلق مش متجوز وهيتجوزك كزوجه تانيه. 
اټصدمت وقعدت اقول في نفسي يا رب ما يكون اللي بالي صحيح.. 
_ اتفضلي يا انسه همس فاضل عشر دقايق والمحاضره التانيه تبدا. 
خرجت من عنده ونا مصدومه ان الدكتور بتاعي هو اللي عايز يتجوزني ما هو اكيد مفيش كلام غير كده صح 
ده الكلام اللي قعدت اسال نفسي فيه طول طريقي للمحاضرة..دخلت وقعدت ومكنتش مركزه طول المحاضره واخيرا خلصت المحاضره.. خرجت من الكليه لقيت ريم بتجري ورايا ومشيت معايا وركبنا عربيتي.. اتكلمت ريم بزهول
_ ايه يبنتي في ايه بقا انتي همس اللي مبتفصلش كلام وتقعد تتكلم اي كلام اهبل كده لحد ماتصدعني في ايه مخبياه عني يا بت
_تخيلي دكتور نادر بتاعنا متقدملي! 
لقيتها ضحكت _ انتي عبيطه يبت انتي.. دكتور نادر اللي بيعشق مراته يتجوز عليها.. انتي اكيد اټجننتي!.
_مش عارفه بقا..
بس.. انا مش عارفه اي اللي يخليه يتجوزني يعني غريبه!.
_ اكيد في حاجه غلط انتي فهمتي غلط اكيد.. ده دكتور نادر مبيبطلش ينزل صورته هو ومراته ويكتب كلام