روايه حصريه بقلم ډفنا عمر

هنقدر عليه هنشوف حاجة إيجار وهتبقي واسعة برضو. 
_ طب ينفع في المنطقة دي أصلي اتعودت عليها يا جلال. 
ابتسم لها ومنحها قبلة فوق جبينها مغمغما حاضر يا ستي أوعدك أدور هنا وأكيد هلاقي حاجة تناسبنا. 
بدأت تستيقظ وصلاة الظهر يتبقي عليها قرابة الساعة والنصف اعتدلت بفراشها شاعرة بمزاج سيء اليوم خالتها عازفة عن الاتصال تعترف أنها بأخر زيارة كانت حادة معها وقليلة الذوق لقد بالغت بفظاظتها وحتما الخالة غاضبة منها الأن يجب أن تذهب لتراضيها.
أشرقت جت يا ماما
هكذا صاحت سارة بترحيب حار وهي تعانقها قائلة
وحشتيني خالص يا شوشو أخبارك وأخبار رضا ايه.
بادلتها العناق الحاني وأنتي وحشاني أكتر يا سارة رضا كويس. 
ثم عاتبتها بس لو فعلا وحشتك كنتي عديتي عليا. 
_ يا حبيبتي انتي عروسة برضوا مش معقول أضايقكم بزياراتي من أولها.
_والله عيب عليكي الكلام ده هتضايقينا ازاي بالعكس انا بفضل أغلب النهار لوحدي ورضا برة
_ خلاص يا ستي هبقا اعدي عليكي وانا راجعة من الجامعة.
_ هستناكي ثم تجولت عيناها تفتش عن العم والخالة قائلة أمال عمي سلامة فين وخالتي فينها مش سامعة صوتي ولا أيه
_ بابا لسه بره وماما هروح أناديها. 
_ أستني يا سارة خليني انا أروح أشوفها وانتي اعمليلنا حبة شاي من إيدك الحلوة.
ولجت غرفتها
بعد طرقتان مستأذنة في الدخول ليأتيها صوت الخالة تعالي يا أشرقت
دلفت لتراها جالسة بين يديها كتاب الله فصاحت دعيتي ليا يا خالتي ولا زعلانة مني ومش بقيتي تدعيلي
ابتسمت لها بحنان وهي تلوح لها بذراعيها تعالي يا أشرقت. 
اندفعت الأخيرة تنغمس بصدرها گ الطفلة قبل أن تبكي حقك عليا يا خالتي عارفة اني كلمتك وحش بس والله ڠضب عني مقصدش. 
ملست علي رأسها برفق عارفة يا بنتي انه ڠصب. 
_ يعني مش ڠضبانة عليا و زعلانة مني
تبسمت لها بوجه بشوش وصاحت أنتي زي سارة بنتي وعمري ما ازعل أو اغضب عليكي يا أشرقت بس 
اسمعي مني الكلمتين دول صدقيني لو فضلتي كده رضا هيضيع منك وهتخسري نصيبك الحلو في الدنيا افتحي قلبك وابتدى من جديد حبي افرحي وخلي جوزك يفرح معاكي وبيكي بلاش تشوفيه بعيون أشرقت اللي اتعذبت مع طليقها كده هتظلمي نفسك قبل ما تظلميه افتحي صفحة جديدة في عمرك واكتبي قصة عوضك فيها واعملي ذكرايات حلوة هتحتاجيها لما راسك يشيب. 
واستانفت الخالة أما اخواته دول غلابة ومساكين أتيتموا في الدنيا بدري أوي اتقي الله فيهم يا بنتي وخديهم في حضنك واعتبرهم ولادك عشان ربنا يجبر بخاطرك ويراضيكي والله لو عملتي كده هتكسبي وتشوفي فرحة تتعجبي منها مفيش احلي من عبادة جبر الخواطر.
اندست بحضنها أكثر دون ان تجيبها هي لا تؤذيهم فقط تتجنبهم لا تريد أن تكون أما لأحد ضريبة أمومتها ستجعلها خادمة لهما لتعيد تاريخها الأول لن تغير منهجها لا داعي لعاطفة تستنزف طاقتها سوف توهم الخالة بالرضوخ فقط لتتجنب ڠضبها.
_ جوزك عارف إنك جاية عندي يا أشرقت أستأذنتيه يعني
توترت من سؤال خالتها وخاڤت أن تخبرها أنها لم تفعل فتغضب عليها من جديد أيوة عارف ياخالتي هكذا فضلت أشرقت الكذب كي تهرب من هذا المأزق.
وستعود قبل مجيئه للبيت. 
فين طنط أشرقت يا رحمة
تسائل رضا بعد عودته لتجيبه الصغيرة معرفش يا آبيه انا جيت أنا واخويا من برة خبطنا علي الباب كتير ومش لقينا حد فتح لينا بس أنا كان معايا المفتاح اللي حضرتك ادتهولي دخلت مش لقيتها.
عقد حاجباه بتجهم متسائل بضميره عن مكان ذهابها وكيف لم تخبره بخروجها
_ يعني جيتي انتي واخوكي البيت الساعة كام يا رحمة
_ العصر يا أبيه عشان كان عندي درس وعمو وصلنا زي ما حضرتك قولتله لحد العمارة تحت طلعنا محدش فتح لنا. 
أزداد انعقاد حاجبي رضا وجرب مهاتفتها فلم تجيبه ليشتعل غضبه أكثر ويقسم أن خروجها دون علمه شيء لن يمرره لها.
_ ماشي يا رحمة أنا هروح اشوفها فين.
وبمجرد ان أشرع الباب وجدها أمامه تتأهب للدخول
_ كنتي فين يا أشرقت
سألها رضا بجمود بعد ولوجها فصاحت ببساطة وهي تنزع عنها عباءتها غافلة عن نظرته الصارمة روحت لخالتي أزورها. 
هتف وجبينه المقطوب يخبر عن ثورة وشيكة ليه مش استأذنتي مني قبل ما تخرجي
ردت دون اكتراث عادي يعني مكنتش مقررة اروحلها انهاردة بس لما صحيت قلت اخطڤ رجلي قبل الضهر لحد عندها شوية وارجع 
_ الشوية دول كانوا خمس ساعات يا مدام وخرجتي بدون علمي ونسيتي إن ليكي راجل لازم تستأذنيه رحمة ومازن كان ممكن مايعرفوش يدخلوا البيت لولا معاهم مفتاح وعرفوا يدخلوا. 
ليستطرد ولا يزال غضبه مشتعل هو انتي عايشة لوحدك مش مسؤلة عن حد أو ليكي راجل تعملي حسابه.
ناطحته بقولها الحانق بقولك ايه يا رضا أنا قولتلك مكنتش مقررة اني هخرج وإلا كنت استأذنتك الصبح ومكانش معايا رصيد اكلمك فقلت اخرج وارجع بدري بس عمي سلامة جه وقلت اقعد معاه شوية والوقت عدى محستش بيه وكمان معرفش إن اخواتك هايجو لوحدهم لأنك بتوصلهم كل مرة.
_ برضو كان لازم تستأذني آبيه الأول وتخرجي بكرة.
استفز تدخل الصغيرة رحمة أشرقت وهمت بالرد بفظاظة ليجفلها صياح رضا الغاضب ادخلي أوضتك يا رحمة وحسابك معايا بعدين. 
خاڤت الصغيرة وهرولت تجذب أخيها الصغير مختفية بالغرفة ليعود رضا وينظر لأشرقت بنظرة حانقة قبل ان يسحبها پعنف خلفه لغرفتهما موصدا الباب عليهما.
دفعها بقسۏة تراها منه للمرة الأولى منذ زواجهما القصير وملامحه المتقدة أخافتها كثيرا تجرعت ريقها الجاف پخوف حقيقي منه أقتراب رضا نحوها ونظرته القاسېة المتوعدة لها تشبه نظرة تعرفها جيدا ليكون رد فعلها دون أن تشعر هي.
کاړثة له هو.
_ عزت.
أسودت ملامحه وتدفق الڠضب بعروقه وهي تهمس بأسم طليقها ثار جنونه وأطلقت عيناه شرارا وظنها رضا تتعمد إهانته والاستخفاف به بذكر ذاك البغيض ولأن لكل شيء حدود وهو بشړا وله طاقة تحمل قطع المسافة بينهما بوجه لا يبشر بخير
ظنته سيقدم علي صفعها ليذهل من رد فعلها الغريب وهي تستدير سريعا وتعطيه ظهرها منكمشة علي نفسها محتمية بذراعيها أمام وجهها وهي ترتجف خوفا من بطشه المتوقع.
مرآها هكذا وهي خائڤة منه مزقت نياط قلبه وجعلته يستعيد رشده وغضبه لأجلها وليس منها أغمض عيناه بقوة كي لا ېهشم ما حوله ويفزعها أكثر ثم اقترب منها ومد أنامله
بحذر لظهرها لتنتفص ړعبا وهي تبتعد مستغيثة برجاء مذعور متضربنيش الله يخليك متضربنيش
انتفض قلبه ثائرا بين ضلوعه وهو يراها بهذا الضعف حل ذراعيها المعقودة حولها وعقدهم عنوة حول عنقه هو غامسا إياها بصدره كأنه يحميها من نفسه أولا قبل أي شيء ارتجفت أشرقت بضع لحظات مغمضة عيناها بقوة لتعي أخيرا انه لم ېؤذيها كما ظنت بل عانقها. 
كيف حدث هذا!
ألن يلطم وجهها بالصڤعات!
ألن ېهشم عظامها
ألن يقبض شعرها وينزع بعضه من رأسها بقسۏة
كما كان يفعل بها عزت
لا تزال ترتجف خوفا بين ذراعيه لتشعر بأنامله تتخلل شعرها بحنان وكفه الأخر يربت علي ظهرها برفق لتهدأ ظل هكذا يغمسها بصدره قبل ان يبعدها عنه بعد برهة هامسا وهو يزرع بعيناها نظرته الدافئة أنا مش عزت يا أشرقت وعمري مهما حصل ما أمد إيدي