راهنت عليك بقلم عبير فاروق

أخلص وانجز شكلي كتفي انخلع 
ليه كده يا ماهر ما قولت لك بلاها تحمل حاجه تتعبك وخلينا في الشغل القطاعي على شغل الكشك وبارك الله فيما رزق 
يعني اعمل ايه هو أنا جايب العربيه علشان اركنها جنبي واقعد اغني جنبها ما هو لازم واشقئ واسعي وقرش من هنا على قرش من هنا ويسدد اقسطها ادعيلنا انتي بس بالتسهيل وسعي بقى عشان أنا هلكان ومش قادر خالص
ركنت العربيه تحت البيت ما قدرت ارجعها الجراج حتى 
روح يا ماهر يا بن فخريه ارتاح وربنا يرزقك و يسعدك ويطعمك ويرزقنا برزق حلال صوتها في الجمله الاخيره عالي شويه ويبعد عنك ولاد الحړام 
أنا عارف انتي تقصدي ايه ومش هارد عليك اوعي بقى خپطها في كتفها ودخل الاوضه ينام 
بطه بصت رافعه حاجبها
ايه هو ده أنا قلت حاجه غلط حكم 
شقه كاميليا حفله زي كل يوم صافي عندها كاميليا خلاص بدأت في تنفيذ خطتها في السيطره عليها بأي وسيلة وتخليها ڠصب عنها تبقى هي السبيل الوحيد لها بتعمل كده ليه وعشان ايه السبب جواها هنعرف هيحصل ايه فى الاخر 
وهي واقفه على البار بتحضر كأس لصافي طلعت كيس من ايديها لونه ابيض ودوبت منه حبه في قلب الكأس بدأت تتقدم لها خطوه خطوه وعلى شفيفها ابتسامة خبيثة
اتفضلي يا صافي 
ميرسي ها عملتلي ايه فى اتفقنا
كله تمام يا صافي حبيب القلب تحت الميكروسكوب 24ساعه جوه الشركه وبراها كمان حتى بيته ممكن أقولك لون ستاير أرضه نومه
ايه
صافي شربت الكأس بدأت تضحك بهستريا ومش عارفه توقف خالص وحسه ان دماغها عالية اوى بس طبعا ما تعرف ايه السبب وبقت كل ليله هي اللي بتطلب من كامليا تجب لها الكأس بنفسها لأن إي كأس تاني ما بيأثر ولا نفس المفعول قرب عليهم شاب اسمه جاسر عينه على صافي من زمان وكل هدفه أنه يوقعها في حبه اول ما عرف فكر في حيله تانيه عشان يملكها وبدأ بالخطة 
اثنين يتسحبوا في ظلام الحاره والتالت واقف بعيد يراقب دخلوا على عربيه مركونه في لمح البصر كانوا بسلكه واحده فتح باب العربيه شد سلك الدبرياج ولمس سلكتين ببعض العربيه دارت ركبوا فيها بسرعه والتالت نط معاهم وخرجو من الحاره ولا من شاف ولا من داري
في جراج الاوسطى صلاح قاعد والشيشة في أيده ومعاه سيد و حن في انتظار الأمين دياب سيد بيعدل الشيشه للاسطي صلاح وبينفخ فيه الڼار زادت وحړقت حجرها 
زي حقدهم وظلمهم ما حړق قلوب ناس كتير على أولادهم المظلوم هنا متجسد في شخصية هدهد لكن اللي اتظلم كتير وربك هو المطلع يمهل ولا يهمل 
حن قاعد مش على بعضه ماسك تليفون جديد سرقه من بنت كانت ماشيه خطفه وجرى وعمال يشغل اغاني شويه ويشغل الكاميرا عمال يلقط ليهم صور وبيتنطط حواليهم
سيد
شوفت دياب واللي عمله ده كان ناقص يوقفهم صف ويضربهم پالنار 
صلاح پغضب 
دياب بقى زي الغول المسعور واللي يقف قصاده هيبلعه 
حن بيرجع لوري خبط في سيد زقه على الحيط وقع منه الفون تحت كرسي سيد ضربه وحن ڠضبان ازاي سيد يضربه حب يرد له الضربه سيد طلع مطوه رفعها في وشه 
لو ايدك اتحركت
هخليك تحزن عليها زي وشك من ضړبته هدهد 
طب وريني كده ويكون آخر يوم في عمرك 
صلاح زعقله 
ما تترزع منك له خلينا نشوف البلوه الجايه كمان 
دخل عليهم دياب وحاله مقلوب ڠضب على حقد وكره ونظرت الغدر في عيونه عايز يفرغ شحنات الهزيمه في أي شيء ماسك في أيده بندانه حاجه كده زي ايشارب صغير خطفه من هدهد في مره زمان كان بيغلس عليها ولسه محتفظ بيه مش قادر يحدد هو أشتاق لها وحب ولا تملك ولا أي حاله هو وصل لها الكل سكت وانتبه له لما قال بصوت قوي صداه رن في المكان
بعتينلي ليه 
صلاح
طب اقعد الأول 
شد كرسي وقعد عليه بالمقلوب وسند أيده الاتنين على ضهر الكرسي 
هااا انجز مش فضلكم 
يعني يا دياب قضيه هدهد أنت شلت ايدك منها والظابط الجديد ولا دور ولا أتحرك من مكانه والاتفاق 
مكنش كده
دياب پغضب
مين قالك انى شلت ايدي اتفقنا زي ماهو
سيد باشا من غير لف ودوران الخبر شاع في المنطقة كلها انك خلاص بيكمل بضحك فستك ولا تقدر تجبها البت فص ملح وداب 
حن واقف على جنب متابع الكلام بيضحك وفي أيده المطوه بيفتح ويقفل فيها 
دياب بشړ
والمطلوب
صلاح تقب وتغطس بي البريزة عشر تلاف جنيه 
سيد بصوت عالي 
ما ينقص منهم مليم احمر كده كده هدهد هتطلع منها وإحنا مش يلزمنا الحوار ده والمحضر كله تلفيق عشان بهدلتنا في الموقف قدام الخلق عزنا نأدبها بس الحوار كبر وملوش لازمة عندنا والناس بتنسي بسرعه يعني تطلع بالبريزه ونفضها سيره 
دياب يشد على البندانه