سكريبت بقلم سولييه نصار
المحتويات
سكريبت بقلم سولييه نصار
انا قررت اتجوز يا نورا
بصتله ببرود وقولت
هتتجوز صافي صح !الف مبروك متنساش تعزمني
بصلي پصدمة وقال
انتي مش غيرانة
هزيت كتفي وقولت
واغير ليه ...ده حقك زي ما حقي اطلق منك
بس انا مش هطلقك يا نورا
خلاص يا عماد تتخلع يا حبيبي ومش عايزة من وشك حاجة .
حسيت ان خلاص فاض بيا واڼفجرت فيه
وايه هي أسبابك يا استاذ ...معاك بدل العيل اتنين بيتك مرتب ولما بترجع تلاقي لقمة حلوة تتطفحها عيالك مستواهم الدراسي عالي بترجع وبتلاقيني علي سنجة عشرة مستنية جنابك قولي هتتجوز تاني ليه لولا ان عينيك فارغة ودني ...بس والله يا عماد لو دخلت عليا ضرة لاخد عيالي واسيبلك البيت وادي دقني لو خليتهم تلمحهم .
انتي عارفة مشاكل صافي
ايوة عارفة مشاكل ست زفتة ما هو لو كان ابوها رباها مكانش هببت اللي هببته لكن نعمل ايه الاب ميربيش وانا اللي اشيل الطين
يا نورا البنت مسكينة وهتتفضح
ما هي طايشة
ايوة وانا ذنبي ايه
هكتب عليها وبعدين أطلقها
مستحيل ...الماذون اللي هيكتب عليكم هو نفسه اللي يطلقنا
حسيته اتعصب.....انا مش قاسېة بس كواحدة ست اعرف مكر الستات كويس وصافي دي مش سالكة ابدا مش مصدقة الحكاية اللي اخترعتها بس للاسف جوزي طيب وهو بيعتبرها اخته ومستحيل يسمح لحاجة تأذيها
عيوني دمعت بس مسكت نفسي وقولت
يبقي تطلقني واتجوزها هي وتلاتة غيرها ميهمنيش ودي كلمتي الأخيرة ...
بعدين سيبته ومشيت وانا ماسكة دموعي مهما كان وعدت نفسي اني مبكيش قدام حد حتي لو كان الحد ده بحبه اكتر من حياتي كلها ....عماد اختار يضحي بيا عشان بنت عمه يبقي هو اللي اختار وانا مش هرضخ ....
ممكن ادخل يا نورا
اتفضل يا عمي .
دخل عمي وبصلي بلوم وقال
انا زعلان منك يا نورا ...عماد قالك علي كل حاجة وانتي مصممة برضه تمشي
معلش يا عمي انا قبل ما ارتبط بإبنك شرطت عليه اني عمري ما هقبل ضره ليه حق يتجوز طبعا بس بعد ما يطلقني ...
بس ده مش جواز حقيقي ...فترة وهتعدي
اتنهد وقال
من دمنا برضه ...انتي بنت أصول يا نورا واتوقعت انتي اول واحدة تقفي معاها
بصيتله بحزن وقولت
اسفة يا عمي مقدرش
متابعة القراءة
