رواية اشرقت بقلبه بقلم ډفنا عمر

معلش يا بنتي سرحت شوية ونسيته. 
أخذت مجلسها بالجوار هاتفة وسرحانة في ايه بقا يا ست الحبايب
أطلقت العجوز تنهيدة قبل أن تهمس في رفعت. 
_ ماله رفعت الله أكبر عليه محدش زيه. 
_ نفسي اجوزه واطمن عليه يا نجوى مستخسرة شبابه يروح وهو لوحده الراجل خصوصا لو جرب الجواز مايقدرش يستغني عن الست في حياته. 

_ طب ما تشوفيله عروسة ولا تحبي أشوفله أنا
رمقتها بغموض هاتفة بصراحة في واحدة في بالي بس معرفش توافق ولا لأ. 
قالت بحمية ومتوافقش ليه هو رفعت يترفض
لتدعوا بصدق ده انا بدعي أنا وسامي نشوف عيالنا زيه أما يكبروا. 
ابتسمت العجوز بامتنان الله يجبر بخاطركم يا نجوي ولادكم هيطلعه أحسن وأحسن ربنا يباركلك فيهم يا بنتي.
قرع الباب المتتابع جعل نجوي تضحك قائلة البت مودة اختي المچنونة جت هي الوحيدة اللي بتعمل الهيصة دي.
تبسمت عين العجوز قبل شفتيها ونجوي تفتح لها الباب عائدة بصحبتها. 
_ صباح الخير يا طنط. 
منحتها الأخيرة نظرة معجبة بوجهها الجميل الرائق دون أصباغ صباح الفل يا مودة. 
أخرجت الأخيرة من حقيبتها دهان طبي قائلة أنا جبت لحضرتك مرهم حلو أوي لۏجع الركبة إن شاء الله يريحك. 
امتنت لها السيدة بدعاء حاني إلهي متحرم منك يا بنتي تعبتي نفسك والله نجوي قالت ان في دكتور كويس هتوديني عنده. 
_ أيوة يا ماما سامي حجزلك عنده اول الأسبوع الجاي يعني بعد يومين. 
مودة هبقا أروح معاكم إن شاء الله. 
لتستطرد بحماس يلا بقا يا نوجا عايزين نبدأ بدري في المطبخ عشان نلحق وقتنا. 
_ مستعجلة علي ايه أحنا لسه هنفطر أصلا. 
_ لا أنا فطرت الحمد لله سيبيني انا في المطبخ اتعامل وانتوا افطروا براحتكم. 

بعد وقت لحقتها في المطبخ تلقي نظرة على ما أنجزته لتجد مودة أنهت الكثير من الطعام لتهتف والدة رفعت بإعجاب واضح بسم الله ما شاء الله ده انتي عملتي كل حاجة لوحدك يا بنتي وأنا اللي قلت اجي أساعدك. 
ابتسمت لها الصغيرة وهي تمزج الأرز مع الخضرة المقطعة والطماطم المخفوقة مفيش داعي يا طنط أنا خلاص بظبط توابل الخلطة بتاعة المحشي وعمله كله لوحدي ارتاحي حضرتك. 
_ أمال أنا قولتلها تيجي ليه يا ماما مودة بقيت لهلوبة في المطبخ وسريعة جدا مع إن السوسة كانت بتمثل علينا انها مش بتحب تطبخ وقلت هتقصر رقبتنا بعد كده. 
قهقهت مودة مازحة شقيقتها أمال اخليكوا تعتمدوا عليا من بدري وتتعبوني كان لازم اتدلل شوية.
شمرت العجوز يديها بعد غسلها جيدا وهمت بمشاركتها لف أصابع المحشي لترفض نجوى والله ما يحصل يا ماما انا واختي هنخلصه أخرجي انتي أشربي الشاي مع سامي وعينك بس علي العيال خصوصا القرد الصغير. 
رضخت والدة رفعت أخيرا وغادرت المطبخ لتهمس مودة لشقيقتها نجوي هو أخو جوزك جاي الساعة كام
_ يعني بعد العصر يكون وصل إن شاء الله بتسألي ليه
تنحنحت قبل أن تخبرها أصل أنا هخلص الأكل معاكي واتكل علي الله وانتي بقا ابدئي تسويته براحتك. 
استنكرت نجوي قولها نعم هتمشي ازاي يا بنتي مش هتستني تشوفي رفعت
غامت نظرة مودة بغموض مش هينفع يا نجوي. 
_ وايه مانفعوش ياختي
_ فاتحة واحدة صاحبتي انهاردة ولازم أكون معاها. 
_ يعني لازم تحضري انهاردة طب حتي روحي المغربية يكون رفعت جه وسلمتي عليه واتغدينا كلنا سوا والله ده سامي نفسه هيزعل لو مشيتي كده و العيال كمان هيضايقوا. 
تنهدت مودة وعيناها تشخص قليلا قبل ان تقول مش هقدر يا نجوى هبقا اجي يوم تاني أقضيه كله معاكم.
نفذت قرارها ورحلت وقلبها الصغير يستصرخها لتعود وتراه متجاهلة أي شيء. 
لكن خجلها وسرها الصغير يمنعها. 
كيف تقابل عيناه بعد حماقتها الماضية
ليتها تعقلت حينها. 
ما كانت خجلت من رؤيته اليوم.
____________
غمغم رفعت باستحسان حقيقي للطعام الله يا نجوى بجد تسلم ايدك الأكل كله يجنن. 
ابتسمت الأخيرة قائلة بألف هنا علي قلبك بس للأمانة يعني كل الأكل اللي علي السفرة ده عمايل مودة أختي. 
رفع حاجبيه بدهشة مودة ما شاء الله كبرت واتعلمت ده كله أمتى
تدخل سامي شقيقه
بقوله يا أبني مودة دلوقت في رابعة جامعة يعني كبرت من زمان. 
ابتسم رفعت لأخيه مواصلا الطعام وسط ثرثرة الجميع ليشرد بالصغيرة وأخر عهده بها كان منذ أربع سنوات عندما كانت في الثانوية العامة مودة كانت دائما هنا يذكر عندما كان يساعدها أحيانا بالمذاكرة لبعض المواد حين كان يزور أخيه سامي تعجب مرور السنوات هكذا سريعا الطفلة كبرت ولم تعد طفلة تماما كما كبر هو لا يدري لما تغزوه تلك الروح مؤخرا كأنه أضحي عجوزا بعض الملل والفتور يصبغ أيامه هناك شيء ما ينقصه شيء يعرفه وېخاف الأعتراف به الأن الوقت ليس مناسب لديه طفلا يحتاجه أكثر من اي شيء أخر يجب أن يعوضه ما فقده من حنان هو الأهم الأن وكل شيء أخر سيتركه لتدبير الرحمن هو حسبه وكفيله.
أما والدته كانت بواد أخر يحزنها كثيرا عدم مكوث مودة اليوم معهم كانت تتعشم أن يراها رفعت ربما لفتت نظره لكن الصغيرة رحلت متعجلة ليصدح صوت يغلفه الأمل بضميرها أن الفرصة لم تضيع لم يشأ الله لقائهما اليوم لكنها أكيدة أن القادم يدخر لولدها فرصة أفضل من يعلم
_ أنتي كويسة يا ماما
هكذا تسائل رفعت وهو يحتوي كتفي والدته بحنان بعد فراغهما من الغداء لتملأ عيناها بوجهه هاتفة طول ما انت واخوك بخير أنا كويسة يا ابني. 
لثم رأسها بتقدير بخير طول ما حسك في الدنيا يا أمي قوليلي هترجعي معايا بكرة
قالت وقد أعدت الجواب مسبقا خليها الأسبوع الجاي في أجازتك أخوك حجزلي عند دكتور حلو هنا أهو اكون روحت وشبعت من ولاد اخوك شوية. 
أومأ لها متفهما ولا يهمك يا أمي خليكي اطمني علي نفسك واتبسطي والخميس الجاي هاجيلك ونمشي الجمعة. 
ابتسمت وعيناها تغيم بشرود طفيف تدعوا الله أن يوفقها بما تريده ربما مكوثها هنا لفترة أخري يصنع لرفعت ومودة الفرصة التي تطوق إليها ويرتاح خافقها من القلق وتمضي الأمور كما تبغي.
________________
المبلغ اللي هناخده ده هيكفي نجيب شقة زي اللي كنا فيها يا جلال
لتجول رباب محيطها بنظرة شاملة مع استطرادها ده أنا كنت عشمانة بعد ما صاحب البيت يدينا تعويض كبير نجيب شقة حلوة زي اللي احنا فيها دلوقت.
أخبرها ببساطة حتي لو كان التعويض كان هيجيب شقة زي اللي بتتمنيها برضو مكناش هنجيبها. 
_ ليه
رمقها لبرهة ليخبرها بما يجب ان تعلمه لأن فلوس التعويض ده مش حقي لوحدي أختي أشرقت ليها التلت ولا نسيتي ان شقتنا اللي وقعت كانت ميراثي أنا وهي
برز طبعها الأول علي السطح وهي تصيح بأنانية بس اختك خلاص اتجوزت وليها بيتها وحياتها وأحنا محتاجين الفلوس كلها عشان نجيب شقة تكفينا بعيالنا يا جلال.
هتف عليها بنبرة صارمة رباب أحنا لولا رحمة ربنا بينا كان زماني أنا وانتي وعيالنا تحت التراب وقتها كنت هقف قصاده اقوله ايه كنت مستحل نصيب اختي عشان نفسي أشرقت صحيح اتجوزت وليها بيتها بس ده حقها محدش ضامن العمر ولا غدر الأيام بيها لما اخد التعويض هحدد نصيبها بما يرضي الله وهفتح ليها حساب في البنك واحطهم