نوفيلا انفصام بقلم مشيرة محمد

ف بابا وخلاه يغير رايه
المهم  كل حاجه جريت بسرعه واتفقنا ان الجواز بعد الامتحانات وقرينا فاتحه وحددنا معاد ننزل نشترى الشبكه واللى اتفاحئت بوجود امه واخته معانا سلمت عليهم وانا مستغربه لان بابا ساله اذا حد نازل معانا يشترى الشبكه قال لا فبابا قاله خلاص فريده حماتك تنزل معاكم وانا هفضل هنا.
بتفرج على كذا حاجه وبختار وطلبت رايه قالى ان دى حاجتى انا واختار اللى احبه حتى لما مامته واخته حاولو يتدخلو منعهم  بطريقه ماتزعهمش ويبان انه بيهزر. 

وليد  لا ياجماعه سبوها تختار اللى عايزاه علشان مافيش تغير لحد سن 60 
يعنى لا تقولى يا وليد عايزه اغير الخاتم ده ولا السلسه دى  اه اتحملى نتيجه اختيارك. 
ضحكنا من طريقته اللى ما زعلتش حد وكمان خلتنى اختار شبكتى من غير اى تدخل من حد والحاجه الوحيده اللى شاركنى فيها كانت دبلته هو اختارها وقالى دى هديتى ليكى خليها على ذوقى
ممكن وبصراحه كانت حكايه وشكلها يجنن واتاكدت وقتها ان فعلا ذوقه حلو مش بس فى لبسه وشياكته.
_كنت فى الجامعه وخرجت لقيته مستنينى قربت منه وسلمت عليه  ومش عارفه اقول ايه وزى ما يكون قرأ افكارى
لقيته بيقولى. عمى عارف انى جايلك
محتاج اتكلم معاكى شويه بعيد عن البيت ممكن 
هزيت راسى وقولتله ممكن مدلى ايده بصيتلها واترددت لقيته بيقولى هاتى ايدك هو انا هخطفك. 
اتكسفت اوى وبرغم اننا بقالنا شهرين مخطوبين بس دى اول مره وليد يمسك ايدى
قلبى اهتز برعشه غريبه بس حلوه  سالت نفسى هو ده الحب اللى بيقولوا عليه وجاوبت نفسى برضو اكيد هو اصل مافيش اجمل من الاحساس ده فى الدنيا
حتى لما بيحوشنى واكون عايزه اشوفه برضو احساس حلو    لما بيبصلى ونظرته دى بتدوبنى من الفرحه والكسوف كمان ده احساس حلو. 
مشينا قعدنا فى مكان حلو شويه ساكتين فانا اتكلمت بهزار  ياااه كل ده كلام لا واضح الموضوع مهم
ضحك وقالى  انتى مش جعانه
سلمى  بصراحه اه انا مافطرتش
وليد  طيب يلا نتغدى وبعدين نتكلم 
طلبت منه اكل شاورما وهو كمان اكل معايا بعدها روحنا كافيه قعدنا    فضل فتره يبصلى وبس وانا بحاول اهرب من نظراته من وقت للتانى من كسوفى  مد ايده  مسك ايدى بين ايديه. 
وليد  تعرفى ياسلمى انا من اول مره شوفت اتمنيت تكونى بتاعتى    سمعت كتير انك بترفضى عرسان من غير حتى ماتقابلى حد بصراحه قولت حقها 
ههههه ما هو حق الجميل يدلع 
سكت شويه وسألنى عارفه انتى كنتى بترفضى ليه
هزيت دماغى بلا وانا ببصله بس فرحانه بالوضع  وقعدتنا ونظراته وكلامه الهادى ده 
وليد  لانك كنتى مستنيانى  ربنا كان شايلك ليا  ربنا عارف انى مش هعرف اعيش من غيرك    حاجه واحده بطلبها من ربنا انه يزرع حبى فى قلبك زى ما زرع حبك فى قلبى انا