سلسله جرائم القصه وما فيها بقلم منى محمود

بيكون ڠصب عني وعارفه بردو انك اتصرفتي في حاجة كنا متفقين عليها ودي مش اي حاجة صوته اتخنق ماما انا مش هستحمل كل شويه اشوف الشقه بتتفتح وتتقفل مش هقدر حرام عليكي تعذبيني كدة
شاديه بدموع
_حبيبي انا مقصدش اعذبك بس خلاص عدت سنين وانت لسه واقف مكانك مينفعش كدة انت اللي واجع قلبي عليك ديما يا عمرو
عمرو عينيه دمعت 
_انا يا ماما واجع قلبك ! طب وۏجع قلبي انا اعمل فيه ايه الڼار

اللي جوايا ومش بتهدي اعمل فيها ايه 
شاديه 
_تنسي انسي ياعمرو عشان تقدر تعيش يا حبيبي عشان خاطري وخاطر اختك تنسي يا عمرو
عمرو پغضب مكتوم
_انسي ايه! ماما بقالك مدة بتقوليلي كدة وانا بتوه ومبحبش ازعلك بس بجد مش فاهم انسي ايه ! انسي أن ابويا اټقتل واللي قتلوة كملي عليا لما قتلو مراتي اللي ملحقتش اشبع منها وقتلوا صاحب عمري كله اللي كان اخ واكتر انسي ايه يا ماما انسي ايه حرام عليكي والله اللي بتعمليه فيا دا حرااام
عمرو خرج من الاوضه بسرعه علي اوضته و سوما جريت استخبت في المطبخ عشان ميعرفش أنها سمعته دموعها كانت نازله صعب عليها جدا الوضع اللي هما فيه خدت نفس ودخلت ل شاديه اللي كانت بټعيط اوي
سوما 
_استهدي بالله كدة يا طنط وبطلي عياط هتتعبي تاني يا حبيبتي
شاديه
_ صعبان عليا ابني وخاېفه عليه ... السكة اللي ماشي فيها دي اخرتها وحشه
سوما كشرت 
_سكة اخرتها وحشه ! هو لامؤخذة بيشرب مخډرات ولا ايه 
شاديه 
_مخدرات ! بقا ابني الظابط المحترم بشرب مخډرات انتي هتتبلي علي الواد
سوما 
_مش انتي اللي قولتي سكة اخرتها وحشه
شاديه 
_انا اقصد أنه مش هيهدي الا لما يعرف مين عمل كدة واللي يخلي ناس ېقتلو كدة بدم بارد لو حسو أنه هيوصلهم اكيد هياذؤه فهمتي بقا
سوما 
_منطق بردو ... بس هو يعني ايه اللي حصل ازاي التلاته كانو مع بعض في نفس الوقت واټقتلو وليه بسبب شغل عمرو ولا ايه 
شاديه 
_فضولية اوي انتي
سوما 
_انا ! لا ابدا والله دا بس عشان اطمن في الشقه اللي قاعدة فيها انا وبابا نظامها ايه وايه حصل فيها بس مش اكتر
شاديه 
_لا قلتلك الشقه زي الفل اطمني ومع ذلك عشان ارضي فضولك دا الشقه دي كانت عيادة الدكتور عز ابو عمرو وكانت سميه كمان دكتورة وخلاها معاه في نفس العيادة عشان تكتسب خبرة وماجد كان لي في الشقه بصفتة مريض نفسي عن عز دخلو عليهم ملثمين قتلوهم ومراتة اختفت و
دخل عمرو مرة واحدة قطع كلامهم ومن نظرة عينيه عرفت شاديه أنها غلطت تاني لما اتكلمت مع سوما واتاكدت أنه اليوم مش هيعدي علي خير ابدا
يتبع
الچريمة الثالثه 
عمارة ٩٧
الفصل الثالث
دخل عمرو مرة واحدة قطع كلامهم ومن نظرة عينيه عرفت شاديه أنها غلطت تاني لما اتكلمت مع سوما واتاكدت أنه اليوم مش هيعدي علي خير ابدا
سوما كشرت
_ايه قله الزوق دي مش في باب تخبط عليه قبل ما تدخل مش ف ضيوف ف بيتك و
قاطعها عمرو اللي نسي هو كان داخل ليه اصلا
_بس بس ايه انتي علي طول كدة الكلمة بعشرة بص لماماتة بعتاب عامله ايه دلوقتي يا ماما
سوما
_كويسه الحمد لله بطل بس تعصبها وتبصلها كدة كأنها علمت عامله ولا حاجة
عمرو بحدة 
_انا بكلم امي انتي مالك انتي بتحشري نفسك في كل كلام ليه
سوما لسه هترد قاطعها دخول دعاء بلهفه وخوف علي شاديه
دعاء 
_ماما انتي كويسه معلش حقك عليا معرفش نمت ازاي كل دا طمنيني عليكي
شاديه 
_انا الحمد لله يا حبيبتي كويسه متقلقيش عليا
سوما بحب
_انتي نمتي من كتر العياط يا دودو يلا تعالي هنا جمب طنط شاديه اطمني عليها براحتك علي ما احضرلكم الغدا دا انا عملتلكم بقا صينيه بطاطس بالفراخ إنما ايه لوز اللوز والله
خرجت من اوضه تحت أنظار عمرو اللي كان محتار في تحديد ملامح شخصيتها واستغرب نفسه ليه هي بالذات خدت جزء كدة من تفكيرة يمكن عشان الشبه اللي بينها وبين مراته الله يرحمها ولا عشان ردودها السريعه ولسانها الطويل فاق من افكاره على صوت مامته وهي بتكلم دعاء
شاديه 
_والله طيبه البنت دي هي شعنونه شويه بس مفيش اجدع منها
دعاء
_فعلا يا ماما انا بحس ان هي اختي والله تدخل القلب كده على طول
عمرو 
_ماما ممكن نتكلم جد بقى شويه انا عايزه اعرف بجد انتي عملتؤ كده ليه وما تقوليليش عشان موضوع العفاريت لان انا وانتي عارفين ان ده مش سبب ف الله يخليكي بدون مناهدة فهميني خلاص اللي حصل حصل والناس سكنت وانا يا ستي مش هاطلع حد ومش هاجيء جنب حد بس افهم ليه ايه اللي خلاكي تعملي كده
شاديه
_بصراحه العماره كتير اوي بيتكلموا عليها ان فيها شقتين مش ساكنين عشان حصل في واحده فيهم چريمه قتل والشقه الثانيه تخص واحد من اللي اتقتلوا والشقق ما بتسكنش تلاقيهم فيهم حاجه وفعلا طلعت على شقق اشاعات وعمك محمد البواب على طول يكلمني ويقولي كدة ... دا غير بقا ان في ناس من العماره بداوا يفكروا ان هم يسيبوا العماره خالص ويروحوا في حته تانيه ... العماره دي ايجارتها هي اللي معيشانا في المستوى اللي احنا فيه ... كمان انت كان لازم تتخطى الحته دي عندك لازم تشوف الشقه خلاص سكنت وبيخشها ناس وبيخرج منها ناس ما تفضلش تقول لي اصل انا مش قادر اشوفها منوره ... الحياه بتستمر ما ينفعش نفضل واقفين عند نقطه معينه بقى

لها اكثر من ثلاث سنين وما نكملش حياتنا
عمرو ما ردش على مامته هز دماغه بس بموافقه وبص لها بحزن وسبها وخرج دخل اوضته وقفل عليه بعد شويه كانوا متجمعين على السفره عشان الغداء ... عمرو كان قاعد سرحان حاسس أنه تايهه مش عارف هل مامته هي اللي صح ولا هو اللي صح ... هل سهل كده ان هو ينسى ولا الصح ان هو يجيب حقهم الاول وبعدين يبقى يعيش حياته ... طب وحقهم ده هيجيبوا ازاي هو بقى له اكثر من ثلاث سنين من بلد لبلد عشان بس يقدر يوصل لمراة ماجد هند اللي من يوم الحاډثه وهي اختفت ... وكل لما يقرب منها ويبقى خلاص هيمسكها بتختفي تاني هند اللي لف بسببها من المنصوره ل الصعيد وغيرهم وفي الاخر مقدرش يوصل لحاجة ورجع ل بيته تاني
فاق من شروده على صوت سوما وهي بتكلم مامته
سوما 
_والله العظيم ما يحصل ابدا انتي ماكلتيش اي حاجة هو انا يا طنط اكلي مش عجبك 
شاديه بحب 
_دا عجبني اوي والله تسلم ايديك حبيبتي احلي اكل أكلته في حياتي كمان بس صدقيني انا شبعت مش قادرة
دعاء
_فعلا يا سوما الاكل جميل اوي تسلم ايديك حبيبتي
سوما بسعادة 
_تسلمو يارب
عمرو قام وقف 
_الحمد لله .. انا هنزل يا ماما ورايا شغل بص ل دعاء وانتي متنسيش تبعتيلي بيانات الشركة اللي عايزة تدربي فيها ... سلام عليكم
شاديه ودعاء اتحرجو من تصرفه
سوما بصوت واطي 
_ابو تقل دمك يا شيخ ابتسمت وبصت لهم طيب انا كمان هستاذن بقا بابا قرب يرجع وهيقلق لو