رواية رائعه بقلم عبير سليم

يارب

تنزل ملك وفارس وهو يحمل عر يس الليله الذى بټصارع الجميع على حمله وتقديم الهدايا له

فرحه تظهر على جميع الوجوه

نعم فما اجمل من التجمعات العائليه التى تمتلئ بالاحساس بالراحه والسکينه انهاشجرة وفروعها كل شخص يحب هذه العائله ويستظل بظلها

فى منزل هبه

هبه انا نازله يااشرف عاوز حاجه

اشرف متتاخريش ياهدير تباركى لصاحبتك وتيجى على طول

هدير حاضر يااشرف انا والله ماكنت عاوزة اروح بس حياة هى اللى أصرت علية انى احضر السبوع بتاع ابن اخو استاذ اسر

أشرف ماقلتلكيش ماتروحيش ياهدير انا بقولك متتاخريش وبعدين استاذ اسر ده الواحد مش عارف يرد جميله ازاى

ده شغلنى عنده فى سلسلة محلاته محاسب وعينلى مرتب مكنتش احلم بيه

وكمان عامل تامينات لكل الناس اللى بتشتغل فى المحلات

هدير طب ايه رايك ماتيجى معايا على الاقل نروح ونرجع سوا

أشرف هدير انا مبحبش احط نفسي فى مكان مش مكانى انتى رايحه عشان صاحبتك هى اللى عزماكى لكن انا ايه اللى يودينى هدير خلينا فى حالنا احنا غلابه اوى ياهدير واديكى شايفه لولا استاذ اسر ساعدنا مش عارف كنا حنعيش ازاى

انا كل املى فى الدنيا انك تخلصي الكليه وتبقى دكتورة وتحققى حلمك وحلم ماما الله يرحمها

وانا اخلص اقساط الشقه وربنا يكرمنى وافرح بيكى ياحبيبتى واشوفك فى بيت جوزك واشوفلى انا كمان واحده بنت حلال

هدير انا بس كل اللى عاوز اقولهولك وأنصحك بيه انك متبوصيش لفوق اللى بيبص لفوق بيتعب وتحطى دايما ادام عيونك اننا ناس غلابه وعلى اد حالنا اوى ويادوب بناخد من الدنيا اللى هى بتتفضل علينا بيه

هدير طب ولازمته ايه الكلام ده بس يااشرف هو انت شفتنى عملت حاجه مانت شايفنى ماشيه جمب الحيط اهوه

أشرف حبيبتى

________________________________________

حقك علية ياقلبي متزعليش منى انا مليش غيرك ياهدير وخاېف عليكى اوى

هدير اطمن عاوزاك تطمن على اختك ياحبيبي انا حفضل دايما رافعه راسك للسما وعمرى ماحعمل حاجه تخليك تزعل منى فى يوم من الأيام

تخرج هدير من المنزل وتتجه الى فيلا فهمى التهامى وكانت اول مرة تدخلها بل نقل اول مرة تدخل فيلا كانت لاترى الفلل الا فى الافلام والمسلسلات فقط

ركبت ميكروباص ونزلت على مسافه من الفيلا وبدات تمشي حتى وصلت الفيلا وقد اخذت معها هديه للبيبي

حياة وهى تسلم على هدير هدير حمد الله على السلامة يا قلبي اتاخرتى كده ليه

هدير معلش ياحياة على ماخلصت اللى ورايا

دى هديه بسيطه للبيبي

حياة لا انتى تيجى تسلمى على ملك مامة البيبي وتديها الهديه بنفسك

ملك اهلا ياحبيبتى نورتينا وتاعبه نفسك ليه بس

هدير مفيش تعب ولاحاجه دى حاجه بسيطه اوى مش اد المقام

تفتح ملك الهديه فتجدها ماشاء الله ذهب

ملك الله دى حلوة اوى دى احلى هديه جاتله النهارده خدى امسكى ريان كده ياحياة

تحمل حياة ريان ثم تقوم ملك بتعليق المشاء الله فى صدره وتصوره بالموبيل

تفرح هدير كثيرا بهذا التصرف وايضا حياة تفرح بتقدير ملك لصديقتها

ملك حبايبى معلش انا حسيبكم بس عشان عاوزة اروح ارضع الباشا ده

هدير البيت بيتك ياحبيبتى

هدير طيبه اوى ياحياة

حياة كل الناس هنا طيبين اوى ياهدير بتحسي فى وسطهم براحه والفه بتحسيهم كانهم اهلك لاعمرهم بيتكبروا على حد ولا بيحسسونا اننا اقل منهم

عارفه ياهدير اول مرة دخلت الفيلا دى كانت نور تعبانه وكنت جايه عشان اشوفها يومها حسيت كانى واحده منهم

ياتى لهدير اتصال من اخيها

هدير حياة حرد على اشرف اخويا وارجعلك

حياة خدى راحتك ياحبيبتى

وبعد ان تمشي تسال نفسها اشرف هو مش اخوها كان اسمه اسامه يمكن يكون اخوها التانى حبقى اسالها بعدين

تقف هدير على بعد بعيدا عن صوت الاغانى العاليه وتتحدث الى اشرف ايوة ياحبيبي انا وصلت

حاضر والله مش حتاخر ساعه بالكتير وحكون عندك ان شاء الله

تحب اجيبلك حاجه معايا وانا جايه

هههههه حاضر من عينية ياقلبي ياللا سلام

تلتفت فتتفاجا بوجوده مرة ثانيه امامها

بسم الله الرحمن الرحيم فى حد يقف كده

أمجد ههههههه مانتى بتعرفى تضحكى اهوه امال كل مااشوفك تصدريلي الوش الجبس ليه وبعدين هو حضرتك عاوزانى اقف ازاى انا اقف زى مانا عاوز

هدير استغفر الله العظيم ياربي عن اذنك وتاتى لتتحرك من مكانها فتجده يشدها من ذراعها انتى اتجننتى يابت انتى واللا ايه انتى مين انتى وازاى تتجراى وتتكلمى معايا بالطريقه دى انتى مش عارفه انا مين واللا ايه

ده انا ممكن انسفك فى لحظه

انا لما اكون بكلمك تقفى تعدل وتردى بادب انتى فاهمه واللا تحبي افهمك بطريقتي

هدير هو انا كلمتك اصلا واللا جيت ناحيتك انت عاوز منى ايه هو انت بتقول شكل للبيع كل شويه تنطلى فى ايه مالك بية

كل ده عشان انقذتنى يوم الفرح خلاص ياسيدي شكرا متشكرين اوى كتر الف خيرك عن اذنك بقى

أمجد ياسلام عالادب والاخلاق عاملالي نفسك محترمه اوى ونزلنى من العربيه من فضلك وانا مركبش غير الميكروباص عشان اجرته على ادى وانتى اصلا شكلك مدوراها

واقفه بتتكلمى ورا الشجرة عشان محدش يسمعك وعاملالنا نفسك مؤدبه اوى وياحبيبي واجيبلك ايه معايا ياقلبي وساعه وحكون عندك ياحبيبي ههههههههه طب ماتقولى كده من الاول وانا اشوفك بردو مع ان يعنى شكلك مش اد كده بيئه ولبسك بلدى اوى بس حشوفك بردو بقرشين مټخافيش بس بلاش دور الشرف ده اللى انتى عايشه فيه عشان مش لايق عليكى 

فلا يشعر الابقلم على خده من هدير اخرس انا اشرف منك زمن مية واحد زيك

أمجد وهو يمسك يدها پعنف حتى يكاد ذراعها يكسر فى يده يانهار ابوكى اسود ومنيل انتى اتجننتى يابت

بتمدى ايدك على اسيادك

انتى باللى عملتيه ده حكمتى على نفسك بالعڈاب ياقطه ووالله لحتدفعى تمن القلم ده غالى اوى وان شاء الله حتشرفينى قريب اوى فى السچن وساعتها حتوطى تبوسي جذمتى عشان اسامحك

هدير وهى تتكلم اليه بكل ثقه مترح ماتحط راسك حط رجليك ومتنساش انك انت اللى ابتديت وانا مبخافش من حد طالما انى متاكده من نفسي وماشيه صح

ومتنساش ان كل اوى فيه الاقوى منه وربنا اقوى من الكل وصحيح انا على اد حالى وغلبانه وبتشعبط فى الاتوبيسات عشان اوفر حق لقمتى وبيئه ولبسي بلدى وعلى فكرة بقى اللى متعرفوش ان الفستان اللى علية ده اللى مش عاجب سيادتك مش بتاعى اصلا وانا شحتاه من واحده جارتى عشان اجى بيه تمام كده تحب احكيلك ايه كمان طب اقولك حبيبي اللى كنت بكلمه ده حاخدله ايه وانا مروحه حاخدله شوية لب وسودانى عشان هو ده اللى على ادنا وعلى اد الفلوس اللى معايا تمام انبسطت كده

ياللا روح بقى شوف حالك واللا اقولك روح فكر ازاى ټنتقم من واحده زيي اقولك انت ممكن تدبرلى قضية اداب واللا تخللى حد يحطللى مخډرات فى الشنطه عادى مانت ظابط بقى وتقدر تعمل اللى انت عاوزه

عن اذنك ياحضرة الظابط

تتركه هدير دون ان تستمع منه الى اى رد وتتحرك ناحية الباب وتخرج سريعا وتنهمر دموعها على خدها بشده

نعم فبقدرما حاولت ان تتماسك على قدر استطاعتها امامه حتى لا يظهر خۏفها وضعفها ولكنها فى الحقيقه فى قمة ضعفها

كانت