رواية هتجننى بقلم ايمى عبده

 بجد
فارس  طبعا و 
ياترى حصل إيه  
فارس  توبه يا حنين عمرى ما هبعد عنك تانى 
حنين  بجد
تانى يوم الصبح كلهم اتفاجئو بفؤاد داخل بزعابيبه
فؤاد  فين بنتى ياعز
عز  بنتك لسه مظهرتش
زين  جرى إيه عالصبح
فؤاد  جرى إن بنتى ملهاش أثر وأنتم نايمين فى العسل
فارس نزل على الزعيق وفضل واقف على السلم لما لقاه فؤاد 

فارس  إيه ده حضرتك هنا منور ياعمى وأنا بقول الفرح دا مين اللى عامله
فؤاد  اتأدب يا ولد
فارس  أما تهدى نفسك الأول 
عز  بس يا فارس
فارس  حاضر 
فؤاد  طبعا ما إنت هنا مرتاح وبنتى الله أعلم بيها
فارس نادى بصوت عالى وهو بيبص فوق
فارس  حنييين حنيين
حنين ردت ونزلت بسرعه وأول ما شافت أبوها لقته بيقرب ناحيتها وفاتح دراعاته وعيونه مرغره بالدموع جريت عليه وحضنته أوى 
فؤاد  وحشتيني يا حنين
حنين  وانت أكتر يابابا 
فاطمة  نورتى بيتك يابنتى
حنين وهيا بتبوسها وتحضنها  منور بوجودك ياماما
عز بيسلم عليها  حمدلله على سلامتك يابنتى
حنين  الله يسلمك ياعمى
زين  خلصتو سلامات نفطر بقى
فؤاد  لأ بنتى هتفطر فى بيتها
فارس باستغراب  قصدك إيه 
فؤاد  قصدى بنتى هتيجى معايا
فارس  تيجى معاك فين
فؤاد  انت فاكر إنى هسيبهالك بعد اللى عملته فيها دا كله
فارس  والله مشاكلى أنا ومراتى إحنا أدرى بحلها
فؤاد  مراتك ودا من امتى دا انت مبهدلها على طول من يوم ما عرفتك وهيا فى عذاب 
زين  جرى إيه ياعمى إحنا ماصدقنا اتهدوا تقوم تولعها تانى
فؤاد  والله دى بنتى وأنا ادرى بمصلحتها
فارس  ودا من أمتى 
فؤاد  من دلوقتى بنتى مش هتقعد هنا لحظه تانيه
فارس  مراتى مش خارجه من هنا 
فؤاد  انت بتتحدانى
فارس  آه 
حنين  باااس هو إنتو فاكرنى إيه خلاص ارتاحو أنا ماشيه
فارس  حنين
حنين  مينفعش يافارس أرضى واحد فيكم على حساب التانى لكن ممكن اراضيكم أنتو الإتنين على حسابى أنا 
فارس  وانتى لما تمشى بترضينى
حنين  فارس أرجوك متصعبهاش عليا أنا رجعت بس عشانك وأوعدك فى أقرب وقت المشكله دى هتتحل إن شاء الله
حنين التفتت ولسه هتطلع تجيب هدومها
زين  استنى راحه فين الشنط أهه 
فاطمه بصتله بغيظ
زين  إيه كنت راجع خلصان ومقدرتش اطلعهم دا أنا من التعب حتى متعشتش 
فارس  إحنا فى إيه وإنت فى إيه
زين  مليش فيه انتو تصرفو اموركم لكن توصل إنكم تتعدو على حقوق بطنى دا فى المشمش
فؤاد  يلا ياحنين
حنين  لأ
فؤاد  إيه 
حنين  زى ماسمعت أنا مش كره هتشطوها لبعض إنت مش عاوزنى معاه اوكاى لكن أنا مش جايه معاك
فارس  حنين اهدى بس وفهمينى إنتى عاوزه إيه بالظبط
حنين  وهتوفقو على اللى أنا عوزاه
فارس  أيوه 
حنين  بابا
فؤاد  أيوه اخلصى
حنين  أنا هعيش فى فيلتنا القديمه وأهو أخلص مشروع المدرسه اللى حمض ده
فؤاد  نعم هتعيشى لوحدك
حنين  متطول عمرى لوحدى يابابا
فارس  بس ياحنين باباكى عنده حق خاېف عليكى
حنين  ودا من امتى
فؤاد  حنين
حنين  والله اللى عندى قولته وعموما لو جرالى حاجه هصرخ وهما قريبين هيلحقونى
فارس  لأ طبعا دا مش حل افرضى جرالك حاجه وانتى لوحدك وملحقتيش تصوتى
فؤاد  قولها أصل كلامى أنا اللى وحش
فاطمه  بس إنت وهو يعنى يوم ما تتفقو هتتفقو على البت 
فارس  ياماما انا خاېف عليها وبص لحنين مش عاوزك تضيعى منى تانى ومادامت رغبتك إنك تبعدى هنفذها بس تبقى فى أمان وأبقى عارف مكانك ومطمن عليكى 
حنين  أنا حتى لو بعدت قلبى معاك بس لحد المشكله دى ما تخلص وبابا يقتنع إنك بتحبنى وشارينى ومش هتعذبنى تانى 
فارس وهو بيقرب منها  مش هيحصل
حنين وعيونها مش مفارقه عينيه  ولو حصل 
فارس  أبقى ادبحينى
حنين  بعد الشړ عنك
الكل واقف يتفرج عليهم وبيدارو ضحكم وفؤاد هيتشل لما هما بيحبو بعض كده مطلعين عينيهم ليه
زين  إحم إحم مش وقت غراميات دا انتو فى بث مباشر
الټفتو لقو الكل بيتفرج اتكسفو وكل واحد فيهم بص فى إتجاه بعيد عن التانى
فاطمه  طب أنا عندى الحل
زين  الحقينا بيه
فاطمه  حنين تقعد فى الفيلا القديمه وأنا معاها
عز  نعم
فاطمه إيه هروح معاها حتى أغير جو وأعيش فى رواق شويه
عز اعقلى يافاطمه 
فاطمه ليه هو أنا مجنونه أهو أخد بالى منها وهيا تاخد بحسى ويبقى فؤاد وفارس وحنين اتراضو 
عز  وعز يولع
فاطمه وانت زعلان ليه
عز  نعم مراتى هتبات بره بيتى وعاوزنى مزعلش
فاطمه الله دا فركه كعب
عز لا كعب ولا جزمه منتش خارجه
فاطمه لأ هخرج ياعز
عز  إيه إنتى بتكسرى كلامى
فاطمه  أحمد ربنا إنها جت عالكلام ومكسرتش دماغك
عز بعصبيه  فاطمه
فاطمه بهدوووء  نعمين
فؤاد  جرى إيه ياجماعه ماتروقو
فاطمه  إنت متنطقش احسنلك
فؤاد الله إنتى قلبتى عليا أنا كمان
فاطمه إنت وهو عاوزين الحړق يلا ياحنين والتفتت لزينهات شنطتى وحصلنا هتلاقيها جاهزه جوه
عز دا إنت كنتى ناوياها بقى
فاطمه  آه
عز  ليه
فاطمه  افتكر مكالمتك إمبارح إنت وفؤاد وإنت هتعرف
عز وفؤاد برقو الإتنين وبصوا لبعض متخيلوش إن فى حد سمعهم
زين  يادى زين اللى شغلتوه شيال على آخر الزمن ماعندك فارس
فاطمه لأ فارس هيشيل شنط مراته
فارس  لا مفر يا أخ يلا
زين وفارس وصلوهم ورجعو بسرعه لأن عز وفؤاد مسكو فى خناق بعض وعز بيلومه على اللى حصل ومحدش فاهم السبب
السبب بقى إن 
فؤاد بعد ماعرف مكان حنين بعت لعز يتقابلو بره وبلغه وكان مصر إنه يطلقها من فارس وعز يقنع فيه أبدا لحد ماقاله إن فاطمه خبر زى ده ممكن يقضى عليها فاكراما لها قرر يدى فارس فرصه تانيه واتفقو لما ترجع لو اتصالحو يبعدوهم عن بعض بالعافيه والشوق هيربيهم
مادامو كل ما يحاولو يقربوهم بيبعدو عند خلاص عند بعند والبادى أظلم واتفقو فاطمه متعرفش حاجه لأنها هترفض وعز مثل عليها إنه زعلان مع فؤاد عشان متشكش فى حاجه
______________
فؤاد إتصل على وفاء يطمن على حنين وفكر لو حنين عرفت يقولولها إنو بيسأل عليها هناك زى ما سأل فى كل مكان عادى بيدور عليها لسه
وفاء بلغته إنها رجعت مع أخو جوزها
اطمن وانبسط وكلم عز 
أول ماعز لقى فؤاد المتصل طلب من فاطمه تعملهم قهوه
فاطمه كانت مجهده وملهاش مزاج قالت لأم محمد تعملها ورجعت سمعت عز وهو بيتكلم وهو مشفهاش
عز  يعنى هما جايين النهارده
فؤاد  أيوه 
عز دى فاطمه هتفرح أوى 
فؤاد  طيب أنا جاى الصبح
عز  طب سيبهم يومين
فؤاد  حلاوتها فى حموتها وهما فى عز فرحتهم عشان يتربو ويبطلو يعذبونا معاهم
عز  ماشى بس أنا مش هقدر أتدخل لو فاطمه شرشحتك
فؤاد هههههه تصدق أنا اللى خلانى اتراجع عن قرارى هو خاطر فاطمه بس
عز  وأنا لأ 
فؤاد  لأ لا إنت ولا عيالك بيتكم مفيهوش إلا فاطمه الصراحه كانت ونعم الأم لحنين كان نفسى ابنك يصونها بس للأسف 
عز  ماخلاص بقى اتربى وخلصنا
فؤاد  لأ ماتربوش لسه الصبر حلو
فاطمه سمعت وفهمت الحوار بقت متغاظه منهم أوى بعد العڈاب اللى شافه فارس الفتره اللى فاتت عاوزين يكملو عليه
رجعت المطبخ خدت القهوه ودتها لعز وطول الوقت باين عليها الضيق وكل ما يسألها تقوله مفيش 
وبالليل بعتت أم محمد تنام بدرى وهيا كمان نامت بدرى أو بمعنى أصح عملت نايمه فعز لما يلاقى نفسه لوحده هينام هو كمان وبكده تبقى فضت الفيلا لفارس وحنين وأول ماحست بيهم وقفت من بعبد