رواية هتجننى بقلم ايمى عبده

دكتور برضه
زين لأ ضابط
نانسى واااو بجد أنا حظى حلو أوى إيه رأيك تعزمنى على السينما وياسلام لو بالبدله الرسمى هتبقى تجنن
زين أروح السيما بالبدله الرسمى ازاى
نانسى لأ ما أنا السيما بتاعتى فى البيت وعندى نضارات ثلاثية الأبعاد وأفلام إيه خطيره
عقبت يارا بسخريه بقول إيه فى فندق قريب احجزلكم أوضه أحسن 
نانسى لأ ياروحى بيتى أحسن عشان نبقى براحتنا لا روم سيرفس ولا صداع

يارا لا والله بجد وإنت إيه رأيك
زين أنا شايف إن عندها حق
يارا والله كويس ربنا يهنى زفت بزفته يلا يا حنين
يلا
إستوقفهما فارس استنى إنتى وهيا على فين
حنين مروحين المنظر مش حلو اللى هيشوفنا هيفتكرنا من حريمكم
هتف فارس محذرا حنين 
حنين إيه مش دى الحقيقه عن إذنك
غادرا حنين ويارا فلحق بهما فارس وأمسك بيد حنين إنتى عارفه معنى كلامك دا إيه 
حنين قولى إنت
أجابها پحده معناه إنى زباله وفلاتى وغير مؤتمن 
حنين والله أنا مقلتش كده إنت اللى أفعالك كده
فارس كده يبقى ميصحش واحده نضيفه زيك تمشى مع زباله زيى عن اذنكم
تركها وغادر فلحقت به فيفى يادكتور على فين
فعنفها پغضب اسمعى يا هبابه إنتى لو ما اتلمتيش هتشوفى منى أيام سودا وأبقى قابلينى لو عرفتى يعنى إيه نجاح تانى والشهادة عمرك ما هتشمى ريحتها فابعدى عنى احسنلك
إرتعدت فيفى وقررت أن تبتعد عن طريقه مؤقتا بدلا من أن يصب غضبه عليها لقد كان يصمت على أفعالها لكى لا يحرجها لكن مادامت ستتسبب فى أذاه فلتحترق
بينما نظر زين إلى نانسى بعجرفه روحى يا شاطره لزميلتك
نانسى والعزومه
زين إنتى هبله ولا إيه أمشى بدل ما احبسك
نانسى إيه لأ لأ 
غادرت راكضه فسأل زين على فين كده 
يارا مروحين اومال فين السنيوره
زين محدش كلمك فى إيه ياحنين
حنين يظهر إنى زودتها شويه مع فارس بس ڠصب عنى دمى اتحرق من اللى حصل 
زين طيب أهدى وتعالى نلحقه أحسن الحكايه تتنيل أكتر
ركب فارس سياره أجره بينما ركبوا هم أول وسيلة نقل جماعيه إلتقوا بها حيث حاولت يارا تهدئة الموقف
أنتو مكبرين الموضوع على فكره
زين إنتى تتكتمى احسنلك
يارا انت كمان ليك عين تتكلم مش كفايه السنكوحه اللى كانت معاك
زين وانتى مالك دا شىء يخصنى 
يارا كده ماشى خلينا فى فارس دلوقتى إتصل بيه
زين مش هيرد هيروح البيت ولو دخل أوضته وقفل عليه انسى 
حنين يعنى إيه 
زين يعنى حكايتكم هتخلص قبل ما تبتدى
يارا بلاش هبل يعنى غلطان ويتقمص
زين لأ يا فالحه هو متعداش حدوده البنت اللى مايصه وقصدت توقعكم فى بعض مهياش عارفه تطوله فمش عاوزه غيرها يطوله
حنين انت عندك حق أنا الغيره عمتنى
يارا طبعا عنده حق مش خبره
زين خليكى فى حالك
نزلو من الأتوبيس وهات يا جرى عشان يلحقو فارس
فارس طيب وحنين لكن حساس أوى والأحداث اللى مر بيها زودت حساسيته دى وخلت ثقته فى نفسه تهتز فبسهوله ممكن يصدق إن حبيبته مبتثقش فيه ومش عاوزاه
بس فارس مروحش البيت لقى نفسه مخڼوق وراح ﻹيهاب يفضفص معاه
دخلوا الفيلا وزين راح أوضه فارس
فاطمه ازيكو يا بنات منورين عندنا
رجع من أوضه فارس بسرعه
زين ماما فين فارس دا مش فى أوضته
فاطمه فارس ياابنى هو مش كان معاكم
زين يعنى إيه هو مجاش
فاطمه لأ هو فى إيه 
زين بعدين ياماما أنا هتصل بيه
فارس يوووه دا زين هيعملى فيها حوار ويقعد يدش ساعه عشان يقنعنى أرضى عنها
إيهاب والله أنا شايف إنها مغلطتش
فارس نعم
إيهاب آه بتحبك وبتغير عليك والموقف مستفز بصراحه
فارس أيوه بس تثق فيا مش تسيبنى وتمشى وكمان تهنى
إيهاب احمد ربنا واحده غيرها كانت فتحت دماغك بكعب جزمتها
فارس ليه دا كله خلاص الثقه انعدمت
إيهاب الموضوع بعيد عن الثفه تماما طب هقولك لو واحد قابلكم فى الطريق ولقيته بيرحب بيها بعشم وبيقرب منها أوى و
قاطعه فارس پغضب بس كفايه دا أنا كنت اقتلهم سوا من غير مااعرف حتى هو مين ازاى تسمحله أصلا يعاملها كده
إيهاب طب يا ابنى مهو نفس الموضوع اديك حطيت نفسك مكانها وصلت معاك للقتل عايزها هيا متزعلش
فارس يعنى إيه 
إيهاب انت الغلطان دى طالبه عندك ازاى تعمل معاك كده بس أسكت شهد جايه 
شهد إيه مش هتتغدو 
إيهاب وانتى وراكى غدا إنتى عماله تلفى من الصبح رايحه جايه 
شهد كده ماشى أنا مش هرد عليك حسابنا لما فارس يمشى
إيهاب ليه كده بس الطيب أحسن 
شهد أنا بسألك عشان أحط الأكل لكن لو مش جعانين أروح اشوف الولاد
إيهاب مالهم
شهد اتغدوا وعملو والواجب ووراهم مذاكره بالهبل
إيهاب خلاص روحيلهم ولا إنت جعت
فارس لأ أنا فاطر متأخر
شهد سابتهم ودخلت للولاد
إيهاب اديها مشيت ها كنا بنقول إيه 
فارس هيا إيه الحكايه شهد عمرها ما بتسمع كلمه وتنقلها هيا طايشه وغلباويه آه بس مش نقاله كلام
إيهاب مانا عارف بس لو سمعت حكايتك هتقلب عليا
فارس عليك إنت ليه
إيهاب مش دكتور جامعى زيك وعندى طلبه بنات اذا كانت طالبه عملت معاك كده قدام خطيبتك فما بالك أنا اللى غالبيه وقتى من الشغل للجامعه لوحدى من غيرها
فارس إيه اللفه دى كلها
إيهاب آه غيره بقى
فارس هيا مش تابت
إيهاب يا ابنى ده فى ډمها والصراحه لو معملتش كده أقلق
فارس نعم !
إيهاب آه لو بطلت تغير يبقى بطلت تحبنى ومع إن غيرتها بتجننى بس بحبها 
فارس بتهزر
إيهاب لأ طبعا الغيره دى فلفل وشطه الحب يطعموه لكن لو زادوا يولعوه هههههه قوم ياراجل صالح خطيبتك متقلبهاش غم وتنكد عليها وعلى نفسك
فارس انت شايف كده
إيهاب وانت ھتموت وتعمل كده قوم يلا وابقى سلملى عالجماعه
فارس ماشى
بعد ما فارس خرج
شهد إيه دا هو مش هيتغدى معانا
إيهاب لأ وبعدين عماله تقولى غدا غدا وشكلك هتموتينى من الجوع
شهد وانا اقدر ياحبيبى من عينيا
إيهاب لأ ياختى من المطبخ أنا جعت بجد
بعد ما خرج من عند إيهاب ركب تاكسى ورايح بيته وقبل ما يوصل بشويه فكر يروح لحنين فقال يبلغ زين عشان محدش يقلق من تأخيره وخصوصا إن زين أكيد سيحله فأتصل بيه
زين وأخيرا وقعت قلبنا إنت فين
فارس جرى إيه هو أنا عيل صغير وتايه
زين انت فين دلوقتى
فارس فى الطريق
زين أنهى طريق
فارس ارحمنى يا زين بقولك هيا حنين عملت إيه بعد ما مشيت
زين البنت متذنبه عندنا من ساعتها ومړعوبه عليك
فارس كده طب سلام
زين سلام دا إيه الو الو قفل والټفت لحنين بس هو بخير
حنين خلاص يظهر مفيش فايده يلا يا يارا
فارس على فين
حنين فارس
زين انت كنت بتكلم عالباب ولا إيه 
فارس أيوه ازيك يا حنين
حنين كأنها كانت شايله صخور على كتافها وقعت على الكرسى وباين عليها الإجهاد 
فارس جرى عليها مالك إنتى كويسه
حنين كده تعذبنى كده
فارس أنا آسف والله بس كان لازم اهدى ومردش على حد عشان متعصبش زياده
حنين كل دا عشان بحبك وبغير عليك
فارس عشان إيه 
حنين اتكسفت لما انتبهت لكلامها وبصت فى الأرض 
زين بقول إيه اطلعو الجنينه وهنجيبلكم اتنين لمون
يارا بطل يارخم
زين اتلمى احسنلك
يارا سيبهم ما صدقنا راقو إفهم بقى ولا تفهم ليه إنت ملكش فى الحاجات دى
زين قصدك إيه 
يارا قصدى انت عايز اللى تنجز فى السريع لكن حب ورومانسيه ومشاعر البعيد جبل تلج
زين بيجز على سنانه أنا رايح