روايه طفله عاصم بقلم شهد أحمد
المحتويات
اتفقوا مع الدكتورة اللي جبتها في الأول عشان تقولي ان ايلين حامل و هم الإتنين اتفقوا مع البواب و كان بيقولي إن ايلين جابت راجل غريب في البيت أثناء غيابي و هم الإتنين غيروا نتيجة التحليل عشان تبان إن ايلين حامل و هم الإتنين بدلوا الدواء بتاعها بدواء بيخلي الأعراض مستمرة لمدة طويلة !!!!
طبعا مع كل ده ظهرلي إن ايلين خاېنة غلطت فيها و في حقها و ظلمتها ظلم كبير و جيت هنا عشان ارجعها معايا و مكنتش عيزاك تعرف عشان متضايقش بس لازم تعرف و اهو قولت على كل حاجة و هحترم رد فعلك بس في الأول و للآخر كده عايزك تعرف إني بحاول اصلح اللي عملته و دي كانت لعبة اترسمت عليا منهم و غرضها إني اطلقها بس معملتش كده و مش هعمل كده
أنت مطلقتهاش و معملتش كده بس انا هخليك تعمل كده
ايلين ادخلي البسي و هاتي كل حاجتك لأنك هترجعي معايا و مش هتقعدي ثانية مرات البني آدم ده
نعم ايه اللي بتقوله ده
تروح معاك فين !!! ايلين مش هتمشي
لا هتمشي معايا ڠضب عنك متنحة ليه بقولك البسي و هاتي حاجتك عشان متعصبش عليكي
لا مستحيل ده يحصل ايلين مش هتروح أي مكان و هتفضل معايا
محمد اتعصب أكتر و فجأة ضړب سليم
متمسكش ايدها تاني او تنطق إسمها انا مش راضي اقټلك هنا لأني مستحقش ادخل السچن عشان واحد زيك
اعمل اللي انت عايزه لكن ايلين مش هطلقها
ايه معندكش ډم بعد اللي عملته فيها لدرجة أنها طفشت و عايزها تسامحك ! تعرف لو كان حصلها حاجة كنت مسحتك من وش الأرض و أقل حاجة اعملها هبعد أختي عنك ابقى شوف لو شوفتها تاني بعد اللحظة دي
أنا اخوكي هو انا ليا كان اخت في الدنيا دي إنتي اختي الوحيدة إحنا الإتنين عشنا طول عمرنا أيتام من غير ما حد يسأل فينا كبرنا مع بعض و أنا كل يوم خاېف عليكي و على قد مقدرتي خيلتك طول حياتك لغاية ما وصل سنك 24 سنة مش محتاجة لحد و مخلتش أي مخلوق يجرحك و طول عمري كنت ضهرك و عشان اشتغلت بره مصر عشانك إنتي على اساس إنتي خلاص اتجوزتي و بقا ليكي حد غيري اتطمنت لأني مش سايبك لوحدك ف يحصلك كل ده و من جوزك كماااان اللي هو انا كنت مطمن لأنه معاكي و لغاية اللحظة دي مصممة تخبي عني ليييييييه
روحي البسي و هاتي كل حاجتك مش هكررها تاني عشان مقلبش عليكي إنتي كمان
دخلت الأوضة و بدأت البس و اخد كل حاجتي
ايلين لا
و انت بقا تحب نقضيها طلاق بما يرضي الله و لا نقضيها خلع في المحاكم
استنى بس القعدة في أمريكا خلتني انسى كلمة مشهورة هنا في مصر ايه هي يا ربي
اه افتكرتها تقعد معاك في المشمش
تعرف بس لو قربت منها ھقتلك و بقولها اهو ايلين تنساها و لو مش عايز تطلق نقضيها مع بعض قواضي خلع كده كده انا بحب المحاكم أوي
خرجت من الأوضة و معايا شنطتي بصيت ل سليم لقيت كل نظراته ليا بتقول متمشيش
بتبصيله ليه ده ميستهلش وحدة زيك
محمد مسك ايدي و مشينا بعربيته
يتبع..
بتبصيله ليه يا أيلين ده ميستهلش وحدة زيك
محمد مسك ايدي و مشينا بتاكسي راجعين على الإسكندرية
سليم جري وراهم لكن ملحقش وقف في نص الشارع هيتجنن لأن أيلين مشيت الدموع اتجمعت جوه عيونه بص للأرض بحزن و قال
طب هو أنا صح ولا غلط أنا قولتله عشان أنا زهقت من التمثيل اللي بنعمله دايما قدامه و من حقه يعرف ليه اخته حزينة لكن هو اخدك مني ! كنت هصلح غلطي والله !
قاعدين في التاكسي أنا و محمد ساكتين خالص هو بيبص من الشباك و كل كام دقيقة ينفخ بضيق مضايق مني بس اعمل ايه أنا كنت خاېفة عليه و كنت عارفة أنه هينفعل بالطريقة دي عشان كده سكت
محمد ممكن تهدى
بصلي بعصبية و لسه هيزعق فيا بس سكت في آخر لحظة
لما أخد باله إن السواق معانا قرب من ودني و قال
حسابك لما نوصل !!
رجع يبص من الشباك و ساكت أنا كمان هتعاقب منه لو هعرف أنه هيضايق مني كده كنت قولتله من بدري و خلاص
وقف التاكسي قدام ڤيلا كبيرة و فخمة استغربت انه وقف هنا بصيت لمحمد اللي كان بيبعد عيونه عني و قال بجمود
يلا هاتي شنطتك و انزلي
بس ده مش بيتنا !
بقولك انزلي
نزل هو و أنا استغربت طريقته دي اضطريت انزل زي نا هو عايز التاكسي مشي و وقفت جمب محمد
مش هتقولي احنا بنعمل
هنا ايه
استني لما يجي
مين
إلهان
إلهان مين
فجأة ظهر قدامنا شاب ثلاثيني وسيم و رياضي قرب من محمد و حضنه
عامل ايه وحشتني يا كابتن
أنت أكتر والله
بصلي و ابتسم و مد ايده يسلم عليا بس محمد قاله
احنا في مصر و لا نسيت
مش فاهم
احم احنا في مصر مش بنمسك ايد بنات غير زوجاتنا و اخواتنا
آه فعلا معلش بس نسيت أنا آسف تعالوا اتفضلوا
مشي قدامنا دخلنا ڤيلته الواسعة و جميلةديكورها هاظي و الألوان مريحة كده قعدنا على الانتريه أنا و محمد و الشاب نادى على الخدامة بالانجليوي و جات قدمت العصير
اتفضلوا اشربوا
اترددت اشرب ولا لا بس لقيت محمد شرب ف قولت اشرب طالما عادي بعد ما خلصنا العصير ابتسم و قال
بالهناء و الشفاء
اشكرك يا إلهان على حسن ضيافتك ممكن تورينا الأوضة اللي هنقعد فيها
أكيد طبعا
كنت متفاجئة من الكلام اللي اتقال قدامي ده بصيت لمحمد مستنية منه توضيح لكن شاورلي اقوم معاه و قومت اتمشينا شوية و وصلنا عند اوضة إلهان فتح الباب و بص لمحمد بإبتسامه و قال
ايه رأيكم
أنا اتفاجئت من حجم الأوضة و جمالها اداله المفتاح و كمل
عايزكم تاخدوا راحتكم على الآخر البيت بيتكم عن اذنكم
مشي و دخلنا الأوضة محمد قفل الباب علينا و قعد على الكنبة بيقلع الكوتشي بتاعه
مين ده يا محمد و احنا هنا بنعمل ايه
إلهان صديق قديم اتعرفت عليه أول ما سافرت
ايوة برضو مفهمتش احنا بنعمل ايه هنا
هنقعد عنده
ليه و فين بيتنا راح
عمك اخده
اخده ازاي
اخده زي ما بياخد أي حاجة بالتزوير و الرشاوي أثبت إن ابوكي الله يرحمه متأجر منه بيتنا اللي كنا عايشين فيه و دلوقتي قدر ياخده بعد ما أثبت للمحكمة إن البيت بتاعه
قعدت جمبه و بحاول استوعب اللي سمعته ده
طب و انت
متابعة القراءة
