رواية نادرة قلبي بقلم دعاء أحمد
دون ما تحس انها مسئولة بحد تاني لازم تاخد رأيه في كل حاجة تقريبا بس لازم تكوني واثقه وعارفه اننا دايما معكم وموجودين في قلوبكم حتى لو مشينا وسبنا الدنيا دي أحنا معاكم
نادرة
بس أنا خاېفه يجي اليوم إلى احس فيه اني لوحدي
جليلة
مش هيحصل لأننا معاكي كل الناس اللي بيحبوكي وعمرهم ما هيسبوكي يا حبيبتي لو فضلتي ماسكه فيهم بايدكي بقوة اوعي يا نادرة يجي اليوم اللي تتخلى فيه عن حد حبك امسكي في كل اللي حواليكي وهم عمرهم ما هيتخلوا عنك ربنا يسعدك يا نادرة وتفرحي ببنتك يارب
نادرة حضنتها بقوة وغمضت عنيها
أنا بحبك أوي يا مرات ابويا
جليلة بغيظ
يا بت عايزه اسمع كلمة أمي منك
نادرة كانت ماسكه فيها
هتصدقني لو قلتلك أنك فعلا أمي كفاية أنك اتحملتي مسئولية بنت مش بنتك وادتيها حب الدنيا وعمرك ما قسيتي عليها
جليلة
خلاص بقا انتي هتعيطي ولا ايه هدي هرموناتك علينا. ياله أنا عملتلك اكل من البيت
نادرة بسرعة
بس التمريض مانعين الاكل دا وبيجبولي اكل هنا ميتكلش
جليلة
اه ما أنا عرف وبعدين أنا قافله الباب كويس ياله كلي دا أنا اللي عمله أصل بصراحة لما دوقت اكل المستشفى كنت هتعب قلت ربنا يكون في عونك
نادرة
طب اتاكدي أن مفيش حد بسرعة أنا جعانه اوي
جليلة حاضر.
بعد يومين حسن خرج من العمليات وهو دايخ ومندهش كلهم كانوا واقفين برا
حسن پصدمة
هي الولادة كدا هي الولادة كدا
دعاء مالك يا إبني
حسن بتعب
دوخت حاسس أن الدنيا بتلف بيا فتحوا وشالوا اععااا
جليلة بصتله بلامبالة
صحيح وانتم تعرفوا ايه عن الولادة المهم نادرة كويسة والبنت
حسن اه اه تقريبا
موسي
مالك يا جدع اجمد كدا
حسن سند دراعه على كتف الحج موسى وهو لسه مصډوم
اصلك ماشوفتش اللي أنا شوفته دول فتحوا وطلعوا رأس أنا عايز ارجع
عامر ضحك بمرح
و مين سمعك أنا كان هيجرالي حاجة لما شفت ياسمين بتولد
حسن
خلينا نروح نطمن عليها
كانوا واقفين أدام اوضة نادرة وحسن بدأ يفوق الممرضة كل شوية تدخلها تطلب منها تقوم وتتحرك لكن نادرة كانت متضايقه منها
نادرة بحزن
هم مستقصدني ليه يا حسن كل شوية تقولي قومي امشي وتحط ايدها على بطني بطريقه مخليني قرفانه من نفسي ومنكم
حسن
معليش يا حبيبتي بس دا الدكتور اللي طالب منها كدا ودا علشان مصلحتك
نادرة بدموع
أنا مش هعمل حاجة غير لما يجبوها اشوفها هم اخدوها فين يا حسن
حسن
دكتور الأطفال قال لازم يطمن عليها معليش اهدي وشوية والممرضة تجيبها
نادرة بسرعة
أنت شفتها شبهك ولا شبهي لون شعرها ايه وعيونها و.
حسن بمقاطعه
اهدي يا نادرة أنا مشوفتهاش بصراحة بعد العمليات كنت دايخ ومقدرتش
نادرة بصتله وعيونها مليانه دموع وحزن غير مبرر
علشان تعرف أنت عملت فيا ايه أنا خلفت اتنين أنت كنت عايز تلاته على چثتي يا حسن هو الحمد لله اوي كدا أنا مش حمل خلفه تاني أنت فاهم وربنا يحميهم أنت فاهم عايز تخلف روح اتجوز إنما أنا خلاص كدا أخرى
حسن ضحك ڠصب عنه
بذمتك لو اتجوزت ترتاحي
نادرة
اه لما اقټلك أنت وهي هبقي مرتاحة ابق فكر بس يا حسن والله لولا اني مش قادره اتحرك كنت زعلتك
حسن حضنها وبأس رأسها
حمد الله على السلامة يا نادرة
نادرة غمضت عنيها وحطت راسها على صدره
الممرضة دخلت واتكلمت بجدية
يا أستاذ حسن لازم المدام تقوم وتتحرك كدا غلط على الچرح
نادرة بدموع
خلي الوليه دي تمشي يا
حسن هي مستقصدني والله
الممرضة بابتسامة
صلي على النبي أنا قصدي مصلحتك بس صدقيني دا غلط عليك لازم تتحركي
نادرة
أنتم اخدتوا بنتي فين
الممرضة
واحدة زملتي في التمريض هتجيبهالك دلوقتي الدكتور بس كان بيطمن انها بصحة كويسه والحمد لله كويسه وزي القمر
نادرة بتهور وسعادة
بجد طب هي شبهي ولا شبه اوعي تقولي انها شبهه أصل ياسين طالع شببهه برضو هو أنا ماليش نصيب انهم يكونوا شبهي وبعدين ليه ياخد منه الشبه مع اني اللي حملت تسع شهور منقصوش يوم وانا اللي خلفت ورضعت وكبرت و
بصت لحسن وكملت كلامها دون تفكير
أنت بتعمل فيا كدا ليه يا حسن ليه كلهم يبقوا شبهك. حتى بحر بقيت شبهك في أفعالها
حسن بص الممرضة بحرج وهي ابتسمت وخرجت
اعمل ايه دلوقتي تقريبا لسه مټخدره انتي معندكيش فرامل للسانك
الممرضة التانية دخلت وهي شايله البنت نادرة أول ما شافتها ابتسمت وحاولت تتعدل لكن اتوجعت حسن ساعدها وهي اخدت البنوته منها بسرعة حضنتها بحنان وهي حاسه بدفي ابتسمت بسعادة وهي بتمسك ايد بنوتتها الصغيرة جدا دموعها لمعت في عنيها بسعادة حسن حضنهم وهو بېلمس خدها بحنان
نادرة
دي صغيرة اوي يا حسن وجميلة اوي أنت عارف أنا بقالي اد ايه نفسي يبقى عندي بنوته من قبل ما نتجوز وانا نفسي يكون عندي بنت صغنونه اوي كدا.
حسن
ربنا يحفظها ويحفظهم كلهم يا نادرة المهم دلوقتي هاتي بقا ننيمها هنا وتمشي شوية
نادرة
سيبها في حضني شوية والله والله هقوم بعدها
ياسين وبحر دخلوا الاوضة وهم فرحانين
ياسين
ماماااا أنا عايز اشوفها
بحر بسعادة وأنا كمان
حسن ابتسم وطلع ياسين على السرير وبحر طلعت من الناحية التانية والاتنين بصوا حورية اللي بتفتح عنيها ببطي وكأنه بتبصلهم
بحر بابتسامة
دي حلوه اوي يا ياسين .
ياسين
دي شبه ماما جميلة اوي بس مش هتبقى جميلة زيك يا بحر
بحر ابتسمت
لا دي جميلة اوي بسم الله ماشاء الله هنسميها ايه
نادرة حور حورية
ياسين بضحك
يبقى حورية وبحر
حورية البحر علشان يكملوا بعض
حسن ابتسم بحب وباس راس نادرة واخد البنت حطها في السرير وساعد نادرة تقوم وتتحرك معه رغم أنها كانت بټعيط من الۏجع لكن كانت بتمشي ببطي وهي ماسكه فيه بقوة العيلة كلها دخلت واحد وراء التاني
بعد مدة رجعوا البيت كلهم ومعاهم جليلة ودعاء اللي فضلوا مع نادرة طول الوقت نادرة نامت وهي حاضنه حورية
بعد أسبوع ونص تقريبا كانوا بيحتفلوا بسبوع حورية في وسط فرح وسعادة كل العيلة جيت وأطفال العيله وأصحابهم
وإسلام هو وندى اللي حسن خطبها له من شهر تقريبا إسلام كان واقف جانبها وهو فرحان وبيغنوا كلهم. ندى متنكرش انها اتفاجت لما طلب ايدها لكن كانت حاسه انه إنسان كويس وقررت توافق بعد موافقة والدها ورغم أن حسن طرد بنت خالها منار المعرض لما بدأت تعمل تصرفات تضايقه إلا أن ندي اتمسكت بشغلها وحسن أشاد بيها انها شاطرة أخت ندى الصغيرة كانت واقفه جنب إسلام مش مدياله الفرصة يتكلم معها لكن كان عارف انه دخل بيت ناس يعرفوا الأصول وبنت محترمة هتحافظ عليه
مينا
الف مبروك يا حسن يتربوا في عزكم
حسن
الله يبارك فيك يا حبيبي .
سمارة كانت واقفه جنب سليمان وكل ما تحاول تهز وسطها مع ألاغاني يبصله بنظرة تخليها تقف زي الف وحقيقي وصلت لمرحلة اللي بقيت تحس فيها بالرضا عن حياتها وبتحمد ربنا على حب سليمان ليها ورغم الماضي لكن عمره ما جرحها بكلمه ولا فتح موضوع فريد وعلاقتها القديمة بالكبارية.
تبارك وجوزها كانوا فرحانين لحسن ونادرة
مرجانة بصت لمالك إبنها الكبير وهو
