رواية نادرة قلبي بقلم دعاء أحمد
انتي بتفكري فيه دا مينفعش أستاذ حسن كان بيشتغل ميكانيكي بسيط جدا قبل نحو سبع سنين اللي سمعته انه اتجوز مراته مدام نادرة وهو لسه ميمكلش غير ورشة ميكانيكة صغيرة اتحبس ظلم في قضية مخډرات وبعد مدة طلع براءة وكمان أستاذ سليمان مدير الحسابات دا بقا دماغه عوقر ذكي جدا واتصحبوا في السجن كان عنده مشكلات في أول حياته بس مع الوقت قدر يفتح معرض لقطع غيار السيارات هو واستاذ عامر وبعد مدة فتح معرض العربيات دا وعنده دلوقتي فرعين كمان بيديرهم هو ومستر عامر وغير انه ناوي يفتح مصنع لصناعة السيارات اللي فهمته انه شخص طموح وبدا من الصفر ولسه لحد دلوقتي عايش هو ومراته وأولاده في شقتهم في الانفوشي في ناس قالوا انه بخيل ومحبش يشتري شقة علشان يوفر بس اظن أن الكلام دا غلط جدا لأن هو كريم جدا مع كل الموظفين وبيدي علاوات للي بيشتغلوا بضمير ولو بصيتي لمراته وأولاده تقريبا مش محتاجين حاجة
منار
اومال ليه مشتراش بيت تاني
ندى
الله اعلم بس ممكن يكون مرتبط بشقته في ناس كدا بتحب يفضلوا في المكان الدافي اللي بيجمعهم بذكريات عمرهم ثانيا بقا كل الكلام اللي أنا قلته دا معناه أن بيحب مراته وأنها استحملت معه من أول ما بدا من الصفر لحد ما بقا اسم الصياد ليه هيبه في السوق ولسه بيكبر
ومعناه كمان أن أستاذ حسن مش هيفكر يبص لأي واحدة
منار بخبث
طب بذمتك انتي عارفة عنه كل المعلومات دي ليه ولا انتي كمان فكرتي فيه
ندى بحدة
احترمي نفسك يا منار أنا متربية وبعدين الكلام دا كله أنا عرفته وانا بدور على شغل لان بابا عمره ما يرضى يخليني اشتغل في مكان مديره شخص مش كويس وبعدين ياريت تعدلي لان أنا حقيقي بدأت ازهق من الأسلوب دا وياريت تهتمي بشغلك لان أنا مش هعمل شغلي وشغلك أنا عاملة حساب أنك بنت خالي بس لحد كدا واستوب
منار بضيق
انتى بتعيرني علشان خلصتي ليا كم حاجة كنت مكسلة اخلصهم
ندى
لا مش بعايرك يا منار بس مش عايزاك تخسري الوظيفة دي على العموم ربنا يهديكي أنا هروح اسلم الملف دا لمستر أسلام
منار لنفسها
مستر إسلام ماشي ياختي خليكي في خيبتك إنما أنا مش هتهدا إلا لما أوقعه وساعتها مش هحتاج الوظيفة دي
ندى خبطت على مكتب إسلام
إسلام دخل معهد تجاري وساب شغل النقاشة من وقت طويل جدا بعد ما حسن فتح معرض قطع الغيار وطلب منه يكمل
تعليمه ويشتغل معاهم وفتح كان بيشتغل وقت دراسته في المعهد لكن في مكان بسيط وبعد ما خلص حسن كلفه بمهام أكبر ومع الوقت إسلام اثبت كفائته وانه ذكي في إدارة الشغل.
ندى بحرج
مستر إسلام الملف اللي حضرتك طلبت مني اخلصه.
إسلام بابتسامة
بالسرعة دي يا أستاذة ندى والله مكنتش متخيل
ندى بحماس
أنا بحب اخلص شغلي على طول علشان ميحصلش أي تأخير من ناحيتي.
إسلام بإعجاب
انتي انسانة ملتزمة وناحجة وأنا حاسس أنك قريب أن شاء الله هتكوني في المكان اللي تستحقيه ربنا يوفقك يا ندى
ندى
شكرا بعد اذن حضرتك.
خرجت من المكتب وهو ابتسم بسعادة وكمل شغله وهو بيفكر في موضوع الارتباط سكت ورجع بالزمن نحو سبع سنين أول مرة شاف حسن فيها قبل خطوبة حسن ونادرة وبالتحديد يوم خطوبة نغم صاحبة نادرة وقتها إسلام كان بېختلس النظر للبنات اللي بيغنوا ويرقصوا ويومها حسن مسكه يمكن من اليوم دا حياته اتغيرت لقى شغل وبدا حياته وقفته مع حسن وهو في السجن خلت حسن يثق فيه ويعرف انه شاب جدع يعتمد عليه وعلشان كدا قرر ياخده يشتغل معه وإسلام حياته بالكامل اتغير من شاب صايع مش لقى شغل ومش عارف هو هيعمل ايه لشخص بدا يحدد مستقبله هو بس كان محتاج حد يمسك بايده ويساعده وحسن ساعده دون مقابل لاننا مش عايشين في الحياة لوحدنا لأننا عايشين وسط ناس كتير لازم نساعدهم وهم بيساعدونا وبيمسكوا ايدنا لبر الأمان.
فاق من شروده اخد الملف بسرعة وقام خرج راح لمكتب حسن
حسن ادخل
إسلام بسرعة
محتاج اتكلم معاك
حسن ابتسم ساعات بيحس أن إسلام ابنه رغم أن فرق السن بينهم نحو عشر أو تسع سنين ادخل يا ابني ما أنا خلفتكم ونسيتكم
إسلام بسعادة
دا أنت الخير والبركة يا كبر بقولك ايه أنا عايز اتجوز
حسن
افندم وانا مالي ما تروح تخطب وبعدين دا مكان شغل
إسلام
حسن أنا كنت عايزاك تيجي معايا أنت عارف أنا والدي ټوفي ومعنديش خلفية بالحاجات دي أنا الحمد لله قربت اشطب شقتي والحمد لله عندي مدير قمر بيقبض مرتب كويس يعني أنت فاهم بقا عايز اكمل نص ديني
حسن
فيه حد في دماغك ولا جاي تقولي الفكرة العبقرية دي كدا من الباب للطق اللي هو ادورلك أنا على عروسة حد قالك اني خاطبة
إسلام بسرعة
لا والله أنا خلاص قررت وعارف مين صاحبة النصيب بس يارب هي توافق بص هي الصراحة كدا ندى اللي معانا
حسن
البنت اللي اشتغلت هنا هي وبنت خالها من سبع شهور تقريبا
إسلام
ذاكرتك الله أكبر
حسن
قل أعوذ برب الفلق.
إسلام
مش بحسدك والله بس ايه رايك فيها
حسن
رأي فيها ايه هو أنا اعرفها بس ندى بنت مجتهدة وبتحب الشغل وواضح انها محترمة وفي حالها
إسلام
حلو اوي يعني أنت موافق
حسن بغيظ
يا ابني متجلطنيش هو أنا اللي هتجوزها ولا أنت وبعدين خد رقم ابوها ولو أنا رايد الحلال فأنا معاك والجواز قسمة ونصيب
إسلام بسعادة
تسلم يا حسن اللهي يارب يحققلك اللي بتتمناه ويفرحك بأولادك يارب وتيجي القمر الصغيرة على خير يارب
حسن بود
يارب ياله روح على مكتبك
إسلام
لا دا أنا اصلا جايلك في شغل دا الملف بتاع توكيل العربيات
حسن
ايوة كدا هات وريني
يدوا يتكلموا في الشغل وحسن بيقوله يعمل ايه.
حسن وصل البيت على بعد صلاة العصر كان ساب المعرض وامر الموظفين يمشوا بدري النهاردة دخل غير هدومه كان البيت هادي دخل المطبخ وبدا يعمل الفطار بيطلع الخضار يغسله والفراخ من الفليزر وبدأ يجهز الاكل رغم انه تعبان من الشغل كان ناوي يخرج ويروح يجيب نادرة لكن لقى الباب بيتفتح وهي داخله مع الأولاد والحج موسى حسن كان لابس مريلة المطبخ موسى بصله وضحك حسن بسرعة ومرح
بنتك اعمل ايه بقا.
موسى بابتسامة
المشكلة انها بنتي وانا عارفها ياله اسيبكم أنا بقا والحق امشي قبل ألاذان
حسن
استنى بس يا حج تمشي فين أنت هتفطر معانا. ما تقولي حاجة لابوك يا نادرة وبعدين دا أنا اللي عمل الاكل لازم تدوق وتحكم
موسى بود
معليش يا ابني أنا بحب افطر في البيت على فكرة والدتك واختك أنا وصلتهم لحد البيت وادي مراتك كانت هترن عليك تيجي تأخذها بس أنا اصريت اوصلها علشان اطمن عليها
حسن بمرح وهو بيبوس بحر من خدها وبيشيل ياسين
يعني هو أنت مش مطمن عليها معايا
موسى
بطل تلاعبني بالكلام يا ابن الصياد
حسن
صحيح يا
