رواية نادرة قلبي بقلم دعاء أحمد
وبصت في الأرض نادرة بضيق
في اليوم اللي ډخلتي فيه بيتي وانا حسيت أن أنا مش أنا حسيت ألاذيه أنت عارفه أنا بسببك مريت بايه في كم يوم دا أنا كل لحظه كنت بحس اني في كابوس واللي شفته مخيف اوي خلني اسال نفسي سؤال كل لحظة هو أنا عملتلك ايه علشان تكرهيني كدا ليه طول الوقت بشوف في عنيكي نظرة شړ وكره ليه أنا اذيتك في ايه
نوال
خليتي الكل يحبوكي كل اللي شافك بيحبك كلهم وأمي كانت دايما تقولي خليكي زيها فريش مش كئيبة زيك مع انها لو فكرت هتعرف اني كئيبة وحزينة بسببها هي لأنها طول الوقت حطاني في مقارنات مع اللي حواليا لازم تكوني احسن من دي ودي ودي
نادرة بزعيق
وأنا ذنبي إيه مين قالك اني فريش ومش بزعل ولا بعيط أنا بس مكنتش يحب اخلي الناس يشوفوا الحتة المکسورة جوايا وهفضل كدا لحد ما ربنا ياخدني وترتاحي وبعدين انتي اللي بتقارني نفسك بيا لو انتي مش بتقارني نفسك بيا كنت قدرتي تطوري من نفسك علشان نفسك مع أن لو فكرت انتي احسن مني في حاجات كتير اوي محامية ومتعلمه مش زييا زي ما أنت كنت بتقولي بتاع صنايع عندك والدتك بتحبك على فكرة والناس كلهم لما بيجي سيرتها بيذكروها بالخير انتي عارفه أنا ادفع عمري كله علشان الناس يذكروا امي بالخير ويدعو لها لكن هم لما بيجيبوا في سيرتها بيقولوا عليها خطافة رجالة علشان اتجوزت ابويا على جليلة ومهما عملت هتفضل بالنسبة ليا ست الكل هتفضل أعظم أم في الدنيا بالنسبة ليا حتى لو مش فكرها اوي انتي مش مقدرة النعم اللي انتي فيها فجيتي تبصيلي في حياتي شوفتي فيها بس الجزء الحلو متعرفيش أن فيها برضو حزن وانكسار لأن سبحان الله كل واحد عنده اربع وعشرين قيراط بصيت ليا في البيت الصغير والعيلة البسيطة اللي أنا وحسن كنا بنحاول نخليها سعيدة وروحتي الله اعلم لمين علشان تعملي ليا سحر على فكرة أنا مكنتش متأكدة انه انتى بس حسيت لما جيتي البيت وقعدنا اتكلم قلبي كان حاسس أن فيه حاجة مش صح وطلع عندي حق وانتي جايه في نص بيتي وتأذيني مع أن أنا والله العظيم لما عرفت انك سقطتي زعلت اوي والله امشي يا نوال بالله عليك امشي وعلى فكرة أنا مقولتش لحد منهم بس سبيني في حالي سبيني في حالي علشان أنا دلوقتي مسئولة عن طفلين بالله عليك اه صحيح ابقى صالحي أمك هي لو جيت في يوم وقاست عليك فهي عملك كدا علشان بتحبك أنا والله العظيم كان نفسي يبقى عندي أم تخاف عليا زيها كدا
نوال بحزن
أنا جايه وعايزاك تسامحيني أنا عارفه اني غلطت في حقك بس أنا عملت كدا لان كنت حاسه بالنقص من جوايا وفجأة حياتي أنا اللي اتقلبت وأطلقت أنا وماجد وموقوفه عن شغلي و
نادرة
نوال سبيها للأيام جايز يجي يوم واسامح لكن مش هنسا علشان كدا مش عايزاه اشوفك تاني مش عايزة صدقيني مش هقدر وعلى فكرة انتي جوزك ممكن ترجعيله لو حاولت تفهميه وتحتويه لو حس انك فعلا اتغيرت وارجع لربنا هو هيحلها من عنده بعد اذنك.
سابتها ودخلت اوضتها وقفلت الباب وراها
...
الساعة تلاته الصبح في شقة وجدي سمارة كانت قاعدة جانب وجدي اللي بيشرب وباين انه سكرأن ومش في وعيه وجدي بعتاب
مش ناوية تحني بقا يا سمارة دا انتي منشفه ريقي ومدوخني عليك من يوم ما شوفتك
سمارة بخبث ودلال
يا حبيبي أنا قلتلك أنا ماليش في الشمال أنا يمين.
وجدي بسكر
وانا موافق بس ترضى عني بقا أنا تعبت وانا بجري وراكي
سمارة
طب ما أنا راضيه والدليل على كدا اني جيت معاك الشقة دي بس الصراحه مكنتش اعرف انك عندك شقة كبيرة كدا
وجدي
انتي لسه متعرفنيش كويس يا سوسو أنا عندي اللي يعيشك ملكة بس الشقة دي بالذات غاليه عليا اوي ومش بجيب فيها أي حد والسلام وبعدين أنا مشيت الحرس علشان نكون على راحتنا. لأن من أول ما شوفتك في الكباري وانا هتجنن
سمارة ضحكت بدلال
طب اشرب يا حبيبي.
بعد نحو نص ساعة سمارة اتاكدت أنه نام من كتر الكحولات اللي شربها قامت ببطي اتسحبت واخدت ميداليه المفاتيح بتاعته وراحت ناحية أوضة المكتب المقفولة بكذا مفتاح دخلت الاوضة وهي خاېفة قفلت الباب وراها وطلعت موبايلها تنور بيه قعدت على المكتب وبدأت تفتح الإدراج
بتدور على أي حاجة لحد ما لقيت لاب توب أدامها كلمت مينا اللي كان واقف بالعربية قريب من العمارة اللي فيها الشقة بالاتفاق ما بينهم
سمارة بهمس
ايوة يا أستاذ مينا أنا ملقتش ولا ورقه بس فيه كومبيوتر هنا بس مش عارفة افتح الرقم السري بتاعه
مينا بسرعة
بصي يا سمارة الفلاشة اللي أنا ادتهالها حطيها في الجهاز وهيتفتح بعدها تلقائي هي فيها برنامج يقدر يشفر الباسورد
سمارة بتوتر حاضر حاضر
عملت زي ما بيقولها خطوة خطوة ونقلت المعلومات اللي على اللاب توب لفلاشة معها
مينا
سمارة اخرجي من عندك وانا وعامر تحت انزلي بسرعة لان لو كشفك هتبقى مشكلة
عامر
أنا هطلع لها
نزل من العربية رغم اعتراض مينا وطلع لحد الشفه في نفس وقت نزول سمارة
عامر
انتي كويسة
سمارة
متقلقش ياخويا بس خلينا نمشي من هنا أنا جتتي متلبشه
نزلوا من البيت ومينا اخدهم ومشيوا من المكان بعد مدة مينا كان قاعدة أدام اللاب توب ومعه عامر وسمارة كان بيبص للمعلومات اللي أدامه وحاطط السماعات في ودانه كان مصډوم وفي نفس الوقت باين عليه السعادة والفرحة
سمارة
ما تفهمني يا خويا في ايه
الخواجة نيكولاس دخل المكتب مينا قام بسرعة وراح ناحيته
نيكولاس
وصلت لايه يا مينا أنا زهقت من الموضوع دا وعايز اخلص من طه اللي بيقف ليا في كل صفقه والتانية وكمان حسن اللي دخل في ليله أكبر منه
مينا بابتسامة
اعتبرنا خالص وصلنا الدليل برادة حسن واللي يخلصنا من طه ويوديه في ستين داهية.
عامر
أنت بتتكلم جد يعني حسن هيخرج
مينا
اكيد أنا بقول لازم نطلع على مكتب النائب العام دلوقتي حالا
في السجن حسن كان بيقرأ في كتاب الله العزيز وهو حاسس بالحزن والإحباط قرأ سورة الشرح وهو من جواه نفسه ربنا يزيح الغمة ألم نشرح لك صدركووضعنا عنك وزركالذي أنقض ظهركورفعنا لك ذكركفإن مع العسر يسراإن مع العسر يسرافإذا فرغت فانصبوإلى ربك فارغب.
في مكتب النائب العام مينا كان قاعد أدام النائب العام وهو بيشرح له كل التفاصيل وأدامه الورق اللي يثبت أن شركة الأسيوطي بيحصل فيها شغل كتير من تحت التربيزة وان طه الأسيوطي هو اللي طلب من شخص يدس لحسن المخډرات ودا بتسجيل صوتي وجدي سجله لطه وقت ما اتفق معه وفيه ورق مستندات تثبت أن طه متورط في حاجات كتيرة مشپوهة مش بس طه ورحاب كمان
النائب العام بجدية
وأنت وصلت للمعلومات دي ازاي يا حضرة المحامي
مينا
حضرتك قلتها أنا المحامي بتاع حسن يعني دا وجبي اني
