رواية نادرة قلبي بقلم دعاء أحمد
يا جليلة بالله عليك أنا واقعه من الجوع.
جليلة حاضر.
دخلوا أوضة نادرة كانت بحر بترسم في الكراسة وياسين صاحي
سمارة
بسم الله ماشاء الله بسم الله الرحمن الرحيم جميل اوي يا نادرة ربنا يحميه
نادرة ابتسمت بود وانحنت شالته بحنان واديته لسمارة
سمي الله وشليه
سمارة بتوتر أنا
نادرة هزت رأسها بالايجاب وسمارة ابتسمت بارتباك وهي بتاخده منها
بسم الله الرحمن الرحيم يتربى في عزكم يا نادرة وان شاء الله ربنا هيرد الغايب لبيته
نادرة بلهفة
يارب يا سمارة علشان كدا كنت عايزاكي في خدمة ممكن بسببها حسن يخرج من الموضوع دا كله ويرجع لنا تاني وصدقيني والله العظيم هفضل شايلة جميلك دت فوق رأسي لآخر العمر.
سمارة بسرعة
خدمة ايه دا أنا افدي حسن برقبتي بس أنا ممكن اعمل ايه وانا مش هتاخر
ادت ياسين لنادرة اللي حضنته وقعدت على الكرسي وجانبها سمارة
نادرة
بصي يا سمارة اللي هقوله دا أنت ليكي منتهي الحرية انك ترفضي أو تقبلي وأنا والله العظيم مش قصدي اضايقك بولا كلمة هقولها بس أنا معنديش حد غيرك اثق فيه في الموضوع دا بالذات
سمارة
قلقتيني ادخلي في الموضوع على طول
نادرة بصي حسن لما جيه المستشفى قال إن في شخص ممكن يبقى معه دليل برادة حسن والشخص دا يبقى وجدي الحسيني مدير حسابات شركة الأسيوطي ودا هو اللي بيخلص أي شغل مش تمام لطه ورحاب واكيد راجل زي دا عنده
حاجات كتير ماسكها على عيلتي الأسيوطي علشان يضمن أن محدش ياذيه والأكيد انه حاطط الحاجات دي في مكان محدش يعرفه مكان خاص
سمارة
عندك الحق بس أنا هعمل ايه
نادرة
بصي وجدي كل كم يوم بيسهر في... وأنا فكرت الصراحة أن ممكن لو هو شافك اكيد هتعجبيه جدا لأنك جميلة وكمان فاهمة في الشغل دا قبل أي حاجه أنا والله العظيم ما قصد انك تعملي أي حاجة حرام أنا قصدي انتي ممكن لما تقعدي معه ويشرب تقدري تفدينا باي حاجة
سمارة
فهمتك مدام هو من النوعية دي متقلقيش اديني أسبوع واحد وان شاء الله كل اللي احنا عايزينه هيحصل.
نادرة
سمارة أنا مش عايزاه اكون السبب في انك ترجعي للطريق دا انتي حتى لو تعرفي أي واحدة تانية من الكبارية تساعدنا أنا معنديش مشكلة
سمارة
لا طبعا وبعدين انتي فكرك البنات اللي أنا كنت اعرفهم ممكن اثق فيهم بقشيه لا طبعا دول يبعوكي علشان مليم متقلقيش يا نادرة أنا بعرف اتعامل في المواقف دي بس المهم عايزاه اعرف عنه شوية حاجات
نادرة
هقولك كل حاجة ومتقلقيش إسلام وعامر هيكونوا بيرقبوه ولو حصل أي حاجة هيحضروا وان شاء الله مش هيحصل
سمارة
أن شاء الله
جليلة دخلت الاوضة وبصت لهم باستغراب
في ايه
نادرة
ولا حاجة يا جليلة بس كنا بنتكلم
جليلة
ماشي ياله الغداء جاهز تعالوا نقعد برا بحر
بحر بانشغال وهي بتلون نعم
جليلة
ياله يا حبيبتي الغدا جاهز عاملة له الرقاق اللي بتحبيه.
بحر بطفولية
حاضر جايه وراكي بس هلون الشمس.
بعد مرور أسبوع حصل بعض الأحداث نادرة دايما مع دعاء وجليلة اللي مسبوهاش لحظة ومعظم اهتمامها بياسين وبحر سمارة ونادرة متابعين خطتهم سوا الشباب بيتابعوا مع سمارة اللي بيحصل.
في بيت الحج موسي مرجانة كانت قاعدة مع جليلة ومالك ابن مرجانة بيلعب مع بحر جرس الباب رن جليلة
قومي شوفي مين يا بت
مرجانة
والله يا ماما لو باخد جنيه على كل فتحة باب هبقي من اغنياء البلد.
جليلة
والله طب بطلي لماضة وروحي شوفي مين يا بنت جليلة.
مرجانة قامت فتحت الباب لقيت خالتها زبيدة ونوال
مرجانة خالتي ازايك اتفضلي
زبيدة بمرح
وحشتني يا مرجانة يا بت هو انتي طول الوقت هنا مش بترجعي بيت جوزك دا يمكن يفتكر انك غضبانه من كتر ما بتيجي هنا ولا انتي عايزاه يطلقك.
مرجانة بدلال
فشړ هو يقدر ما انتي عارفة يا خالتي هو طول الوقت في المستشفى وساعات بيبات هناك علشان شغله ولما بيبات بيكلمني وبعدين أنا قبل ما اجي بجهز كل حاجة
جليلة بزعل وعتاب
انتي عاملة ايه يا زبيدة بقالك كتير مجتيش حتى لما نادرة خلفت مجتيش تباركي ولا حتى عملتي مكالمة هو في ايه ياختي
زبيدة معرفتش ارد وهي بتبص لنوال
حقك عليا يا جليلة والله ڠصب عني هي نادرة أخبارها ايه دلوقتي
جليلة
بخير الحمد لله مالك مش مظبوطة حصل حاجة
زبيدة بارتباك
لا أبدا أنا بخير الحمد لله
جليلة
ادخلي يا مرجانة نادي لأختك
نوال بتوتر
هو أنا ممكن ادخل لها
جليلة افتكرت كلام نادرة انها مش عايزاه تدخل اوضتها
معليش يا نوال زمانها بتنيم ياسين هي هتخرجي دلوقتي
مرجانة دخلت أوضة نادرة اللي كانت بتطبق الهدوم
مرجانة
نادرة خالتي برا هي ونوال وجاين يطمنوا عليك
نادرة ببرود
جاية تطمن والله فيها الخير
مرجانة
مالك يا بت مش عوايدك أنا عارفة انك مش بتحبي نوال بس أول مرة اشوفك بتتكلمي كدا عنهم
نادرة
ولا حاجة يا مرجانة بقولك ايه دي خالتك انتي أنا ماليش خالات أمي الله يرحمها مكنش عندها اخوات ونوال بنت خالتك انتي مش أنا فروحي اقعدي معاهم ومش عايزاه حد منهم يدخل اوضتي حكم أنا والله ممكن اعمل مصېبة أنا بقولك اهوه وبعدين ابقى خافي على نفسك ومتسبوهاش لوحدها في البيت علشان أنت مش عارفة الشړ بيجيلك منين
مرجانة
ايه الكلام اللي بتقوليه دا وبعدين من امتى بتقولي كدا على خالتك زبيدة دي بتحبك
نادرة
وأنا عارفة بس انتي متعرفيش حاجة وخالص اللي ربنا ستره ميفضحوش عبده فسبيني بقا في حالي علشان أنا وابني مش حمل أي مصېبة أنا دلوقتي بقول يارب كملها علينا بالستر وحسن يخرج بقا فلو سمحتي اتفضلي اخرجي واقفلي الباب وراكي وانا مش عايزة اشوف حد أظن حقي.
مرجانة باستغراب
حاضر بس خالي في علمك ماما مش هسيبك إلا لما تعرف في ايه ولو بابا عرف هيزعق فتعالي اقعدي دقيقتين واتحججي بأي حاجة أو قولي انك تعبانة وعايزاه ترتاحي.
نادرة
امشي يا مرجانة أنا مش هطلع
مرجانة
دا انتي غريبة اوف منك.
نادرة بسرعة
بقولك الاكل لسه أدامه كتير أنا جوعت
مرجانة بخبث
نادرة أنت مش ملاحظة انك بقيتي تاكلي كتير اوي وشكلك كدا هتتخني طب بذمتك لو حسن خرج هتبقى مبسوطة
نادرة
وازعل ليه أن شاء الله وبعدين أنا بعرف اتحكم في نفسي في الأكل بس حقيقي أنا جعانة وبعدين حسن بيحبني في كل حالاتي رفيعه قمر وتخينة قمرين
مرجانة ضحكت
والله ما هتتغير يا بنت سنية .
قفلت الباب وراها وخرجت لهم مرجانة بارتباك
معليش
هي تعبانة شوية و.
نادرة خرجت من الاوضة وهي بتبص لنوال بنظرة صريحة وكأنها بتقولها ليكي عين
نادرة
ازايك يا خالتي
زبيدة
بخير الحمد لله أخبارك ايه يا حبيبتي والقمر الصغير عامل ايه
نادرة
بخير الحمد لله معليش هو نايم مش هعرف اجيبه تشوفيه
زبيدة
ولا يهمك يا حبيبتي المهم يكون كويس
نادرة قعدت جانب جليلة وهم بيتكلموا شوية ونادرة قامت وسابتهم لكن نوال قامت وراها كانت لسه هتدخل لكن نوال نادت عليها نادرة لفت وبصتلها
ايوة يا نوال عايزاه ايه المرة دي عايزة تاذي مين أنا ولا ابني اللي عمره أيام قوليلي مين اللي عايزاه تاذيه المرة دي
نوال سكتت
