رواية نادرة قلبي بقلم دعاء أحمد
الحسابات وهو اللي بيظبط لها شغلها طلع مين بقا مدير الحسابات
مينا
من شغلي مع نيكولاس بيه تقريبا اسمه وجدي الحسيني
حسن
الله ينور عليك وجدي الحسيني سليمان قال إن وجدي دا هو المجاري المعفنه اللي بيعمل لهم كل حاجه شمال تقريبا وان أي مصېبه بتحصل بيكون هو أول واحد عنده علم بيها ويمكن يكون هو اللي مرتب لها وأن رصيده في البنوك أكبر من مرتب مدير حسابات بكتير لأن أي واحد في عيلة الأسيوطي بيبقى عايز يعمل ورطة بيكلمه وطبعا هو بيستغل الفرصة ويطلب مبلغ وقدره ومحدش بيرفض مدام هينفذ
مينا
أنت تقصد أن وجدي عارف مين اللي حطلك المخډرات في الورشة وان هو كمان عارف البلاوي اللي طه بيعملها
حسن
دا اكيد يا مينا الطريق لبرائتي موجود عند وجدي دا
مينا
أنا سمعت عنه كلام كتير أنه كان محاسب عادي في شركة الأسيوطي وانه ذكي جدا وانه في البداية كان شخص مالوش أي تأثير لحد ما اترقى بسرعة جدا عند طه
حسن
دا معناه أن كلام سليمان صح
مينا
ومين الشخص اللي سليمان قالك انه عين له في الشركة.
حسن
مهندس قريبه من بعيد اسمه ممدوح فايد هو شغال بقاله سنه ونص هناك
مينا
ممكن يفدنا بمعلومات لو حاولت اتواصل معه ولا ايه مايته
حسن
مينا متضيعيش وقتك مش هيفرق معانا كتير الحل موجود مع وجدي أنا متأكد انه ماسك بلاوي على عيلة الأسيوطي علشان ميستغنوش عنه وعلشان يضمن نفسه وكمان متأكد أن طه لا يمكن يتخلى عنه لانه واثق انه مهم جدا وانه ذكي
مينا
فهمتك ودا خيط مهم جدا نمشي وراه يا حسن أنا مكنتش متخيل انك بتفكر في ازاي تخرج حتى وانت في السجن
حسن
هو ربنا مش بيسيب عباده وهو اللي واقف ليا سليمان
نادرة
طب أنت ناوي على ايه يا مينا
مينا
لازم نفكر فيها كويس اوي ومتقلقش يا حسن بس قولي أنت قبل ما نسيب عرفة اخر مرة قلتله انك معاك نسخة من التسجيلات وانك مش هتديهاله إلا لما تاخد عمولتك فين النسخة دي صدقني كل الحاجات دي بتقوي موقفك اوي
نادرة
اه صحيح أنت مطلعتش النسخة دي في التحقيقات يا حسن
حسن
لان للأسف النسخة دي اتحذفت من عندي بسبب مشكلة حصلت في الموبيل
مينا
موبيلك فين أنا ممكن ارجعها
حسن
مش عارف
نادرة
الموبيل في البيت
العسكري خبط ودخل
ياله يا حسن الوقت خلص
حسن بص لنادرة بحزن لكن كان عنده امل في ربنا باس راس ابنه بحنان واده لنادرة
نادرة بسرعة
هنسميه ياسين يا حسن زي ما قلت قبل كدا
حسن ابتسم وبأس راسها
أن شاء الله هخرج قريب يا نادرة.
نادرة
أن شاء الله وانا مستنيك يا حسن
مينا
هعملك زيارة متقلقش لسه لازم نتكلم
حسن
امشي وراء اللي قالتهولك يا مينا
مينا
الخواجة نيكولاس بيقولك متقلقش هو كمان مهتم بموضوعك وقريب أن شاء الله هتخرج
حسن
خالي بالك على نفسك
نادرة بثقة
أنا قوية جدا على فكرة ولا نسيت يا سي حسن
وانا واثقه في ربنا وفيك وان قريب هتكون معانا
حسن ابتسم ومشي مع العسكري وهو متطمن يمكن الجبر قرب سلم عليهم كلهم وبص لبحر اللي واقفه
بحر
أنت هتمشي من غير ما تسلم عليا يا حسن
حسن نزل على ركبته وبأس خدها
وأنا يا ست بحر هاتي بوسه
بحر ابتسمت بسعادة وباسته وبسرعة مسكت ايده وحطت كيس شكولاته
بحر ببراءة
كله بسرعة احسن ما عم الشويش دا ياخده منك. دي حلوة اوي
حسن ضحك
مټخافيش مش هيخده مني سلام يا عسل
بحر
سلام يا أبوعلي ومتخفش أنا هخلي بالي على النونو
حسن مشي مع العسكري
بحر بصوت عالي
اسمه ايه يا أبو على
حسن بسعادة
ياسين الصياد
بحر ابتسمت ودخلت بسرعة الاوضة نادرة اللي كانت بتحاول تهدي إبنها وهو بيعيط بحر بسعادة
اسمه حلو اوي هو أنا ممكن اشيله
نادرة بحب
ماشي بس وانتي جانبي علشان ميقعش منك
بحر
لا مټخافيش مش هيقع هخلي بالي عليه
نادرة ابتسمت واديته ليها وهي فضلت تغني له لحد ما سكت
نادرة لنفسها
يارب افرجها عليه وانصره على الظلمه اللي حواليه يارب.
بعد وقت طويل نادرة رجعت بيت موسى والشباب كلهم اتجمعوا
جليلة
تشربوا ايه يا حبايبي
إسلام بشبحنه
لو سندوتشين وكوباية شاي تبقى تشكري يا ست الناس
مرجانة كانت واقفه في المطبخ وبتبص لهم
مينا
وانا ممكن قهوة سادة
موسي
خالص يبقى دور شاي وفنجان قهوة على ما تجهزوا الغدا
جليلة
حاضر يا حج
جليلة دخلت المطبخ وبصت لمرجانة
مالك واقفة كدا ليه يا بت
مرجانة
مستغربة ياما كل دول عايزين يساعدوا حسن دا حتى المسيحي اللي مش من دينه مسبناش لحظة ولا ساب حسن
جليلة بابتسامه
هو دا يا بنتي اللي اسمه وقت الشدة هنكون في ضهر بعض دا اللي سيدنا محمد عليه أفضل الصلاة والسلام أمرنا بيه ولا نسيتي عن أبي موسى عن النبي صلى الله عليه وسلم قال إنما مثل الجليس الصالح والجليس السوء كحأمل المسک ونافخ الكير فحأمل المسک إما أن يحذيك وإما أن تبتاع منه وإما أن تجد منه ريحا طيبة ونافخ الكير إما أن ېحرق ثيأبك وإما أن تجد ريحا خبيثة يقول تعالى ويوم يعض الظالم على يديه يقول ياليتني اتخذت مع الرسول سبيلا. يأويلتى ليتني لم أتخذ فلأنا خليلا. لقد أضلني عن الذكر بعد إذ جاءني وكأن الشيطأن للإنسأن خذولا الفرقان ٢٧ ٢٩ وبعدين مسيحي أو مسلم دا يخصك في ايه الجدع كتر خيره شهم مسبش حسن لحظة من وقت ما الموضوع دا بدا وبطلي رغي بقا علشان هنحضر لهم غدا وكمان هنجهز اكل لأختك علقي على الشاي وأعمى فنجان قهوة سادة وانا هشوف في ايه في التلاجة علشان اجهز الاكل
يتبع
الجزء الثاني عشر
رواية نادرة قلبي بقلم دعاء أحمد..الجزء الثاني عشر.
في اوضة نادرة كانت بتنيم ياسين وهي بتفكر في كلام حسن اتنهدت بتعب وباست رأس ياسين وبحر اللي قاعدة جانبها
نادرة بتعب
بحر مالك انتي زعلانة ولا ايه
بحر
لا بس كان نفسي يبقى كبير شوية علشان نعرف نلعب سوا
نادرة بابتسامه وسعادة
بكرا يكبر وتلعبوا سوا أنا هقوم اغير واطلع اقعد معاهم خلي بالك عليه هو نام ماشي والعبي مع بسبوسة لحد ما اجي
بحر
حاضر بس لو صحي اعمل ايه
نادرة
نادي عليا ماشي يا قمر
بحر حاضر
نادرة قامت غيرت هدومها ورجعت لبحر اديتها بسكوت وشكولاته وتمر وهي ابتسمت بطفولية وهي بتلعب مع القطة
في الصالة عامر وإسلام ومينا والحج موسى ونادرة كانوا بيتكلموا
الحج موسي
طب معنى الكلام اللي حسن قاله لك دا ايه يا ابني
مينا
شوف يا حج موسى دا يمكن يبقى أول دليل يوصلنا لبراءة حسن أنا كلمت واحد تبعي وخليته يراقب وجدي ويجيلي كل المعلومات عنه اللي عرفته انه بيسهر كل كم يوم في كبارية متجوز وعنده تلات أولاد مبالغ كبيرة في البنوك له بعض العلاقات المشپوهة
عامر
أنا عندي فكرة
نادرة
قول على طول يا عامر
عامر
واحد زي وجدي دا ممكن يكون ليه مكان خاص بيحط فيه الورق اللي يدين شركة الأسيوطي واي حاجة ضدهم واكيد الشقة دي بعيد عن تفكير أي حد وممكن كمان تكون شقه بيسهر فيها أو حاجة زي كدا
نادرة
ودي
