رواية نادرة قلبي بقلم دعاء أحمد

قادرة استحمل المرة دي صعبة اوي يارب صعبة اوي خمسه وعشرين سنة ليه علشان طيب والطيب في البلد دي بينداس عليه. خمسه وعشرين سنه يعني يطلع من السجن يكون عمره راح هدر يارب طب أنا هعمل ايه لوحدي وابنه هقوله ايه يارب أنا مش اد الۏجع دا كله. يارب لو هيفضل الحال كدا خدني. خدني عندك يارب

جليلة عيطت وحضنتها وهي بټعيط بهستريه وبتتكلم دون وعي

خدني يارب أنا مش اد الۏجع دا كله. علشان يتولد يتيم أب وأم اااههههه. ااهه

جليلة بتعب وبكاء

بس يا بت متقوليش كدا حرام عليك اهدي حرام عليك نفسك

دعاء دخلت الاوضة وهي بتمسح دموعها راحت ناحيتها وحضنتها بقوة

هيرجع يا نادرة هيرجع علشان ربنا مبيرضاش بالظلم بس انتى اصبري واستحملي علشان لو خرج ومقالكيش ھيموت في اللحظة الف مرة. علشان بيحبك اوي بيحبك اوي يا بنتي من زمان اوي

أنا لما كنت بشوف لمعة عيونه لو عديتي أدامنا في الشارع كنت ابقى عارفه أنه

ھيموت عليك كنت بدعي كل يوم تبقى من نصيبه علشان هو طيب ودلوقتي أنا عندي ثقة في ربنا انه هيخرج بس لازم تجمدي علشانه وعلشانك وعلشان ابنكم يا بنتي.

نادرة پقهر وهي بټعيط بهستريه

مش قادرة يا ماما مش قادرة حاسه بروحي بتطلع مكنتش اعرف أن الۏجع بيكون كدا مكنتش اعرف طعم الۏجع قهرة قلبي دلوقتي مش قادرة اتحملها والله العظيم ما قادرة

جليلة بحزن

نادرة أنت ماكلتيش أي حاجه بقالك كتير ودا غلط عليك والدكتورة قالت إن كدا مينفعش لازم تاكلي

نادرة بتعب

أنا مش عايزه حاجه سبوني في حالي. سبوني أنا عايزه أفضل لوحدي

دعاء بحزم وخوف مخفي

لا مش هنسيبك. جليلة هاتلها كوباية عصير مدام مش عايزاه تاكل دلوقتي بس الوضع دا مش هيستمر كتير وهتبقى كويسة

جليلة قامت ودخلت المطبخ بحزن رجعت بعد شوية ومعها كوباية عصير. نادرة ماخدتش منها غير حاجة بسيطة

دعاء 

خالص مش مهم يا حبيبتي نامي دلوقتي يا نادرة حاولي تنامي وان شاء الله هتكوني بخير.

...

في بيت زبيدة أخت جليلة نوال كانت قاعدة في الصالة وبتفكر في اللي عملته في نادرة والحكم اللي حسن اخده من مدة بسيطة نوال اتطلقت بسبب المشكلات الكتير اللي كانت بينهم واتوقفت عن العمل فترة مؤقته بسبب غلطة عملتها علشان كدا رجعت بيت أبوها. افتكرت لما راحت للدجال علشان يعمل عمل لنادرة يخليها تتطلق وتعيش باقي حياتها في قهر ومشاكل لكن محصلش حاجة ونادرة وحسن قدروا يتغلبوا على المحڼة بذكرهم لله

فات نحو ست شهور في الأول كانت منتظرة خبر طلقهم لكن وقتها لحظت أن نادرة بقيت عصبية لكن بعد مدة رجعت تاني لطبيعيتها وحياتهم استمرت بسعادة. وقتها قررت تروح تاني للدجال دا لكن قالها أنه ميقدرش يعمل ليهم حاجة ومحدش هيقدر يعمل حاجة لأتنين مواظبين على قراءة القرآن الكريم والحقيقة اللي دجال مقدرش يقولها أن إرادة ربنا فوق كل الانس والجن وكل المخلوقات. وأن السحر اتقلب عليها هي وحياتها هي اللي باظت. اتطلقت وشغلها باظ

فاقت من شرودها على صوت امها وهي خارجة من اوضتها بنوم

قاعدة كدا ليه يا نوال. غريبة

نوال 

بفكر يا ماما. بفكر في اللي حصل امبارح معقول جوزها كان بيتاجر في المخډرات

زبيدة بطيبة

لا طبعا. أنا اعرف حسن دا شاب ابن حلال ربنا يفك كربه يارب لأجل البت الغلبانة دي هي واللي في بطنها.

نوال بغيرة

بتحبي نادرة أنت اوي يا ماما

زبيدة بابتسامه

وهي متتحبش مثالا نادرة طيبة وبنت حلال هي اه أحيانا بتكون متهورة لكن طيبة اوي يا نوال

نوال

بس انتي طول عمرك بتحبيها حتى اكتر مني مش كدا

زبيدة باستغراب

قصدك ايه يا بنتي هو معقول احب حد اكتر منك دا انتي حته مني

نوال بسخرية

فعلا علشان كدا طول الوقت بتقللوا مني صح

زبيدة 

انتي بتقولي ايه أنا قللت منك. استغفر الله العظيم

نوال

أنا مفيش حد اذاني غيركم انتي يا ماما اذتيني وكرهتيني في كل الناس طول عمرك بتقوليلي اعملي دا بلاش دا طول عمرك بتقارنيني بكل البنات اللي بتشوفيه كنت بتقارنيني ببنت عمي اللي دخلت كلية قمة وانا لا قارنتي بيني وبين نادرة فاكره كنت بتقولي ايه شوفي الجمال والروح الحلوة والضحكة اللي توقع الواحد في حبها مش زيك بومة أنا طول عمري عايشه في مقارنة مع الناس اللي حواليا بسببك يا ماما بسببك أنت.

زبيدة بحزن

بس أنا كنت ببقى عايزاه مصلحتك مش عايزاه اذيتك

نوال 

مش بالزعيق والصوت العالي وكسر القلب أدام الغرب رغم أن نادرة عمرها ما اذتني بكلمة لكن اذتني بدلالها وضحكها وسعادتها كنت بفتكر كلامك دايما وبكرهها اكتر عارفة أنا كرهتها لأي درجة. لدرجة اني روحت لواحد دجال علشان يعملها عمل يخليها تطلق وتتمرمط وجوزها دا يكرهها رغم انه ماذنيش في حاجة بس حتى الدجال معرفش يعمل لها أي حاجه وأنا اللي حياتي باظت واتطلقت واتوقفت عن شغلي

زبيدة پصدمة

دجال ايه انتي يا متعلمة روحتي لساحر أعوذ بالله من الشيطان الرجيم أنت عندك الجبروت دا بجد للدرجة دي

نوال قعدت على الكرسي وعيطت بحړقة

أنا تعبت اوي. أنا تعبت تعبت من المقارنة. تعبت من كلامك اللي بيتردد في ودني لحد دلوقتي أنا أديت اللي حواليا واذيت نفسي وظلمتها اوي

زبيدة مكنتش عارفة تعمل ايه لو زعقت واتعاملت بقوة هتخسرها وهتخليها تعاند وتكابر وتكمل في طريقها الغلط هي مكنتش تقصد مقارنتها بغيرها بس كانت عايزاها تبقى احسن من غيرها لكن للأسف.

اتكلمت بهدوء وهي بټعيط

قومي يا بنتي ادخلي اتوضي وصلي ارجعي لربنا قبل ما الوقت يفوت وټندمي. قومي بدل ما الكره اللي جواكي دا يحرقك ربنا عادل واللي انتي ناوتيه لغيرك حصلك انتي هتتعلمي امتى من الدرس. قومي.

سابتها ودخلت اوضتها وهي حزينة.

...

في مكتب مينا كان عامر ومينا وإسلام قاعدين وبيفكروا في طريقه يخرجوا بيها حسن

مينا

لو طلبنا استئناف ومش معانا أي دليل على براءته مش هنقدر نطلعه ولا الحكم هيتغير

إسلام بعشوائية

طب ما نجيب الراجل اللي أنت بتقول عليه دا اللي اسمه طه وابنه ونديهم علقھ مۏت لحد ما يجيبوا اللي في بطنهم

عامر باعتراض

طبعا مينفعش أنت بتقول ايه ناس زي

دي مامنين نفسهم والكلام دا مينفعش معاهم

مينا بص للساعة كانت واحدة بعد نص الليل بص للشباب كان باين عليهم الإرهاق لان كلهم من الصبح بدري كانوا مع مينا وفي المحكمه

مينا بإرهاق 

أنا شايف أن الوقت دلوقتي اتأخر ومفيش أي حاجة هنقدر نعملها لازم نريح شوية علشان نعرف نفكر.

عامر 

بس أنا مش ههدا لما إلا حسن يخرج منها يا مينا

مينا 

وأنا كمان يا عامر لانه دخل في الليلة دي بسبب موضوع المراكب. احنا لو قدرنا نثبت انه هو اللي دس المخډرات لحسن هتتحل وخصوصا لان الدافع موجود وهو أن حسن قدر يخلي عرفة يوصلنا للواء كمال

إسلام 

عدم الامواخذة هو ممكن نقدم للمحكمة الكلام دا ونخلي اللي اسمه عرفة يعترف انه كان متفق مع طة انهم ياخدوا الصفقة بربع التمن ولما حسن طيرها من ايده عمل كدا علشان ينتقم منه

مينا 

لا طبعا يا إسلام مينفعش لان