رواية نادرة قلبي بقلم دعاء أحمد

نحن شريف اللباد رئيس قسم. حبس المتهم حسن محمود الصياد أربعة أيام على ذمة التحقيق والبحث والتقصي في المعلومات التي ادلي بها إلينا والتحقيق مع تمارا اشرف ونادرة موسي.

حسن سكت وهو بيفكر هيعمل ايه لحد ما العسكري مسكه من دراعه وبحدة

اتفضل معايا

حسن مشي معه لحد ما نزل للحجر العسكري فتح الباب وحسن دخل بص للمكان بضيق. مكان ضلمة فيه أشخاص كتير. شباك صغير بينفذ النور للاوضة. الريحة وحشة قعد في ركن وعقله مشغول مع نادرة اللي لوحدها في المستشفى. غمض عينه بتعب وهو بيبص للرجالة اللي معاه في الحجز حسن بابتسامه ساخرة

شكل الدنيا هتفضل تلاعبك يا ابن الصياد حتى في الشهر اللي حبيت ترتاح فيه جيت عليك فيه. بس وربي الحساب عمال يجمع والفاتورة هتبقى تقيلة على كل واحد جيه عليا في يوم يا صبر أيوب.

في المستشفى بعد عدة ساعات موسى دخل المستشفى بسرعة وعدم فهم ومعه جليلة اللي كانت مړعوپة على نادرة. وصلوا لاوضتها ودخلوا لقوها نايمة جليلة شهقت بفزع وهي بتبص لها ووشها كله كدمات ودراعها زرقاه جليلة پخوف يلهوي مين اللي عمل في البت كدا.

موسى پذعر نهار اهلك مش فايت يا حسن

جليلة بحزن وهدوء

نادرة. نادرة قومي يا حبيبتي. قومي انتي كويسه

نادرة فتحت عينها وبصتلهم وپخوف وحزن

حسن مجاش لسه.

موسى بحدة

_هو فين سي زفت. انطقي يا نادرة هو اللي عمل فيكي كدا. اتكلمي وانا لو وصلت للطلاق والله ما اسيبك مع حيوان يعمل فيكي كدا

نادرة بشهقات وصوت عالي وهي جليلة بهسترية

أنا عايزاه حسن.

موسى بصلها پغضب وطلع من الأوضة وهو مش فاهم حاجة

جليلة حاولت تهديها وهي بټعيط بهسترية وړعب هستيري عليه وكأنها فقدت حاجة غالية عليها

نادرة كانت قاعدة جانب جليلة ساكتة وحزينة. خاېفة عليه.

جليلة بتنهيدة

سرحانة في ايه يا نادرة من زمان مشوفتكيش كدا والصراحة مبحبش اشوفك كدا.

نادرة 

هو حسن هيتاخر

جليلة باستغراب

مبقاتش فهماكي يا نادرة. هو أنتى خاېفة عليه بجد

نادرة 

اكيد خاېفة عليه اوي. اقولك الصراحة يا جليلة الفترة اللي فاتت اكتشفت فيها حاجات كتير أوي

اكتشفت أن حسن أطيب إنسان أنا عرفته واكتشفت اني ممكن بسهولة أحبه وان هو مش وحش زي ما تخيلت بالعكس طول الوقت كان مهتم بيا ومهتم بالحاجات اللي بحبها يمكن مفيش مرة غصبني على حاجة اقولك حاجة أنا لما شفته وهو متعصب وبيضرب اللي اسمه منير دا حست أن ليا ضهر تاني بعد ابويا حسيت أن مفيش داعي للخوف بس فجأة معرفش ايه اللي حصله وهو مشي وسابني.

جليلة بابتسامة

شكلك وقعتي يا بنت سنية. أنا كمان وقعت زمان في نفس المصيدة دي وحبيت ابوكي ودا اللي خلني اقبل انه يتجوز عليا الزمن كان غير الزمن لكن ۏجع القلب كان هو هو.

نادرة بشراسة وغيرة 

قصدك ايه أنت فكرك انني ممكن اسمح له يتجوز عليا دا أنا اروح بيه في أبو نكله. هو كان يطول يتجوزني لما عليا. دا يبقا جنا على روحه

جليلة بخبث

هو أنت غيرانة ولا دا بيتهيالي

نادرة بحدة وردح 

لا يا اختي ميتهيالكيش اه غيرانة ومن حقي

والكلام اللي قولتيه دا لو واحدة تانية قلته كنت علمت على وشها لولا انك في مقام امي بس

جليلة بحدة وغيظ

يخربيت لسانك يا بت هو أنت مش المفروض زعلانة أن جوزك محپوس برضو لسانك عايز قاطعه. ما تهدي يا بت وبعدين هو انتي كدا محترماني. جاتك ستين داهيه تاخدك.

نادرة بسخرية

اهدي يا جليلة اهدي يا حبيبتي بدل ما يجرالك حاجة احنا لسه مطولين مع بعض. إلا قوليلي صحيح. حماتي عرفت حاجة عن اللي حصل

جليلة

لا مرضناش نقولها أنتى عارفة الست مريضة ومش حمل سفر ولا پهدلة وبعدين هو حسن سبلنا فرصة نفهم في ايه دا يدوب كلم ابوكي وطلب منه يجي المستشفى وأداله العنوان واحنا الصراحة انفزعنا.

نادرة

طب ايه هو احنا هنفضل قاعدين هنا ومش عارفين اللي بيحصل. ما تعملي حاجة يا جليلة كلمي ابويا يمكن يرد.

جليلة بابتسامة

حاضر يا بنت سنية وماله.

نادرة بصتلها باهتمام وهي بترن على موسى اللي قفل المكالمة

نادرة برجاء وطيبة

معليش رني عليه تاني يا جليلة.

جليلة بتنهيدة

ابوكي عصبي وطالما قفل في وشي المكالمة يبقى مشغول. وبعدين انتي مش شايفة شكلك ووشك اللي وارم مش حاسة بۏجع نامي يا نادرة وهو أن شاء الله هيكلمنا لما يفضي.

نادرة بحزن

عايزاه اكلمه يا جليلة. طب هو مينفعش اروحله أنا كويسة والله

جليلة بحب

يا حبيبتي ارتاحي وبعدين المحامي اللي ابوكي جايبه أن حسن هيخرج النهاردة أو بكرا بالكتير والزفت اللي اسمه منير دا هيتحاسب على عمله فيكي وكمان الظابط اللي جيه هنا الضهر عرف انه البت اللي أسمها تمارا هي اللي خطڤتك وان شاء الله هيتحاسبوا

نادرة بلامبالة

يتحاسبوا ولا يولعوا بجاز المهم حسن.

جليلة

نامي يا نادرة وحاولي تهدي وهو أن شاء الله هيخرج النهاردة ونرجع إسكندرية حكم أنا بتشائم لما نسيبها.

نادرة مهتمتش بكلامها وحاولت تنام لكن مكنتش قادرة وهي بتفكر فيه.

في قسم البوليس حسن كان خارج مع الحج موسى من مكتب الظابط بعد ما قضى تلات أيام في الحجز.

المحامي

خالص كدا يا حسن الموضوع انتهى وأنت زي ما تحب لو حابب تعمل صلح مع منير ولا تكمل وتبقى قضية بس حتى لو قررت أنك تكمل في إجراءات القضية أنت موقفك مضمون بس أنا شايف انك تعمل معه صلح لان اكيد المحامي بتاعه هيعمل كل اللي في ايده علشان يخرجه بغرامة مش اكتر

حسن بجدية

شوف يا أستاذ خيري أنا ممكن اسامح في حقي عادي لكن حق أهل بيتي مش بسيبه إلا لما ادفع اللي غلط التمن غالي اوي حتى لو خرج بغرامة مش هسيبه. سيبه هو والمحامي بتاعه يلعبوا براحتهم أنا عايز امشي من هنا دلوقتي.

موسي

طب خلينا نروح المستشفى لنادرة وبعدها نرجع البيت تاخد دش وتريح شوية وبعدها نرجع إسكندرية.

حسن خرج معه من المستشفى لكن وهو خارج شاف العسكري داخل ومعه تمارا ابتسم بسخرية وكمل طريقه.

بعد ساعة نادرة كانت نايمة في اوضتها الاوضة ضلمة ومفيش غيرها. حسن فتح الباب ودخل شغل النور لقاها نايمة ابتسم بتعب وهو بيحرك رأسه قرب منها وقعد جانبها على السرير. حرك ايده على وشها بحنان ولسه أثر ضړب منير ليها باين عليها. نادرة قامت بفزع وبصتله ابتسمت وهي بتتعدل بسرعة وبحركة تلقائية 

أنا كنت خاېفة لما مشيت كنت خاېفة اوي وفضلت لوحدي أنت اتاخرت اوي.

حسن ضمھا بقوة كأنه عايز يحبسها بين ضلوعه وهو بيستنشق ريحتها كان حاسس بضعف لأول مرة وخوف عليها

حقك عليا بس خالص أنا رجعت والموضوع اتحل المهم أنت لسه موجوعة في حاجة بټوجعك.

نادرة

أنا خاېفة تبعدي عني تاني يا حسن هو أنا فعلا زي ما بيقولوا نحس من أول ما خطبتني وانت كل شوية تقع في مشكلة بسببي والله أنا مش قصدي ولا ليا ذنب و.

حسن ابتسم وهو بيحط ايده على بوقها بيمنعها تكمل

بطلي الكلام دا لو سمحتي لان مفيش حاجة اسمها نحس دي فخلينا ناجل أي كلام دلوقتي لان والله العظيم بقالي تلات أيام مش